2023 朝聖之路 camino de santiago 北方原始葡萄牙之路篇

今晚間albergue係北方絲推薦Primitivo最好嘅，但佢住唔到

Albergue de peregrinos de Bodenaya
11beds, donativo, 1浴室，1廁浴，1廁所。
最好提早打電話預約。佢話我知有個香港人取消咗，唔知係邊個咁可惜











登記嗰時又遇到今朝早餐個靚仔，加拿大人，讀medic，黎緊8月doctor開學，依家黎行完就再去Monaco 2week，之後去Seville，返後返加拿大返學。

今晚食Paella，先煮餸再煮米跟住焗佢，唔怪得有生米sor咁先正宗







打緊文，個波圖人又黎到，跟住講起後日行Hospitales，佢話嗰邊得幾舊石，無乜野睇，佢會行另一邊。唔係話Hospitales個邊靚好多？

呢度network好差，遲少少睇返首席巴個篇文先。

就算得日期印都照吸住先啦

Day13
6月1
Bodenaya to Borres(?)

有兩三條友扯鼻寒，好彩夠攰好快瞓翻。

噚晚食飯，葡萄牙佬同另一個阿伯喺度嘈咩係pilgrim，又話Fatima對pilgrim嘅意義


之前Ave de Paso就好似去咗d親戚度咁，賓至如歸但係被招待，
Bodenaya間albergue就好似去咗fd屋企過夜咁，自己黎啦，食飯唔使咩自己介紹。食飯前飲下酒，食飯後坐出去食口煙又吹下水。


有樣野再要講多次…間野無wifi，屋入面4g都收唔到

如果行camino，可以帶樣野代表香港，留低畀d albergue做裝飾，我又唔記得咗

出門口陰天，
唔落雨就正，涼涼地最好行。

一出村，就馬路，一排路燈，再加d霧氣，好好feel

本黎應該行馬路右邊兜入村，不過行馬路算，反正好短距離。

Buenos Dias


好快就到下個鎮La Espina，噚日荷蘭妹就住呢度…掛，噚晚albergue嘅人有幾個會去Borres，呢度唔知有幾多個過去。應該夠床掛


呢個鎮間超市咁早開門


出鎮又兜迴旋處

你冇帶張10蚊或廿蚊紙幣？

呢間唔係用銀紙裝飾

明白

咁有冇留言册，用中文寫留名

樓豬今日Buen Camino

我覺得兩蚊銀比較有代表性
唔係好多地方銀仔係波浪邊
尤其係女皇頭既
不過真係重好多

係, 或者再平D既2毫子

唔係間間有

記鬼錯，原來係wifi巴行過primitivo…

Day13
Bodenaya to Pola de Allande
我唔記得開app，用住官方數據39.4km



一出鎮就路過個迴旋處跟住上山


好鬼大霧



入村La Pereda就有間蚊型嘅教堂，當然無開



再向上行就有間albergue el Minero



跟住喺我影貓嘅時候個加拿大仔就過咗我啦




跟住聞到好臭，原來隔離成間屋都係牛





出條村嘅時候，向上走向下走。



跟住又向左走向右走



仲係好大霧




keep住行喺山上面，狂上山


呢間房仲特登有牌介紹…但西文囉


跟住到下條村

見到水龍頭長開住，心諗邊個咁浪費，阿媽實打死你

原來本身就浪費



入村出村，出村嘅時候差唔多出太陽




之後過對面馬路又有一間教堂，有印仔。





仲係大霧

跟住遠處有一堆工廠…？google map寫飼料行，汽車中心，肉鋪…


上山上山再上山，跟住見到加拿大仔坐咗喺度休息。行行下山路開始出太陽




風車，噚日已經見到，但好遠，估唔到今日越行越近。



一邊仲有雲
另一邊就大藍天



一堆黃牛入面有隻黑白奶牛，就好似我咁


跟住又落山

入鎮Tineo，呢個鎮有個足球場，但如果唔住喺度，只會喺外圍兜過
教堂無開是


喺山上面兜過



俯視Tineo


跟住狂向下行，有個水龍頭




影完個教堂繼續向下行，就錯喇，教堂嗰度係要轉彎




曬太陽，好寫意




鎖鬼住焊死埋個耶穌像…會有人偷？



跟住又入山，加拿大仔又超越我了，真係行得好鬼快。




左邊Tineo，右邊…？


有一間好舊但保養得還好嘅石屋。
加拿大仔行行停咗喺度影相，話頭先有野差d跌落佢個頭度…一隻死青蛙，但上面又望唔到雀。



今日d路又係好得意，上山上到無止境，山上面睇下面d田，繞過哂下面d村，兜山上面d田





兜完山上人地d田，又兜落樹林上落到人都癲


仲要呢塊石碑好古惑，我地左邊行落黎係望唔到，直行就會去咗另一條村，反方向行錯路


今日除咗Tineo，一個可以補給嘅村都無







之後行出馬路，要行過右⅓嗰棵樹，遠到暈又無樹遮陰，好彩呢段路有d風

加拿大仔已經就到



行完上去，係要落返入村。

呢條村Campiello有兩間albergue




過咗條村之後又冇風


跟住又係兜入山，之後到Borres，見1點，走去bar問佢有無menu del dia，佢話要1330…我望下地圖，不如唔行hospitales，兜下路…於是就…走了





過咗Borres又有風，大鑊唔記得加水，唔緊要，4km後有間albergue，問佢地加水…






去Samblismo之前有分叉，一條去Hosiptales,另一條去Samblismo間albergue，



我去咗加水，如果行Hospitales線，你去咗Samblismo已經錯咗，仲有一次機會就係出馬路，再兜返入去。出馬路唔好跟箭咀，會帶你入村行另一條線，自己睇google map/buen camino






如果行另一條線，我建議全程跟馬路…佢會有d箭咀指入山路，但全部都係搵笨㗎，會落山再上返出，完全浪費體力



向下線行好快會有間Alojamiento-Albergue Los Hospitales，雖然附近淨係得佢一間，buen camino個app話佢有10歐晚餐，5歐早餐

仲有兩隻狗



之後就係痴孖筋咁落山，如果跟佢箭咀就會再多d上落山…我中咗一次伏就全程馬路算。兜入山除咗陰d，無著數，呢段馬路唔算多車，都還好。


前面遠處個幾座應該就係hospitales線行嘅山，大很鑊，我今日咁狂落山，聽日咪










落咗差唔多2個鐘山…終於到


條頸d毛都可以前後唔同色


鎮入面個教堂，鎖咗門嘅





呢個鎮完全無箭咀？睇黎唔多歡迎camino？連albergue門口都淨係放塊牌喺度，行過都miss咗要返轉頭

Albergue Polagrino
donativo, 8點晚餐，有wifi，3層樓，app寫15張床，但我個層2樓已經14張床…2樓一個廁浴


窗口對住條河。

出去兜咗一圈…原來我錯哂呢個鎮應該好想做peregrino生意，行一圈其實好多箭咀。



不過佢呢個地點真係好麻麻，一黎又兜完咗勁多，二黎今日又要落，第二日又要上…

真係好少人，得4個朝聖者me+加拿大阿伯+德國仔+瑞典妹，反而有5個義工




其中一個義工係西班人，
我話點解camino norte d教堂全部都唔開門…
佢話因為北部d人無乜信仰

瑞典妹話，去到Bilbao嘅時候，d人明明識聽佢講野就扮到唔識聽
西班牙人話 Basques d人係咁，其他人就係敵人嘅敵人就係朋友，但Basques嘅人係敵人嘅敵人都係敵人。

跟住又講下d朝聖之路嘅野，
瑞典妹話遇到個赤腳行嘅俄羅斯人，一蚊都無，靠野果+其他人接濟，都每日行好遠，但慢慢行。
加拿大阿伯又話印像最深嘅路段係santiago去finisterra。
德國仔話之前嗰之行法國之路受傷，返咗歸。今次再黎行。

漏咗講下義工d野，個host係荷蘭人，黎咗3年，我問佢冬天有咩搞作，佢話冬天無朝聖者，會關門跟住或者返荷蘭搵d野做。

另外4個義工，一個西班牙人，兩個澳洲人，仲有個聽完都唔知邊度。佢地都係黎咗2星期左右，遲d 7月8月都有人會返歸。依家諗下好似無講到佢地點解會黎做義工。

咁多義工

日日30km+

Day14
Pola de Allande to Grandas de Salime
38.7km，上~1470，落~1450
多雲轉曬

今日d路極少補給…d村都無野賣，唯一補給就係路過嘅bar

Buen camino個data唔可以話唔準，簡直係兩個世界，點會上2千，落2千，佢行咗去邊


噚晚albergue最後就真係得4個朝聖者
7點鐘有早餐，但d人未起身，個澳洲義工放低早餐又唔知閃咗去邊


結果到出門口都無其他人黎食早餐…

對住條河瞓，成晚都有流水聲，不過同房條友無鼻寒


一出鎮就上山，keep住行馬路上山…
路邊玫瑰不要採？



有條村但唔使兜



好好天，又好多雲。


好多雲，夠哂陰啱哂上山

行咗半個鐘馬路，見到第一間albergue，我估噚晚應該無人住喺度



就得呢幾間屋，算唔算村？

乖


呢個可能係村嘅地方有間bar，但我路過個陣8點仲未開。

一路馬路上，慢慢斜，好輕鬆，見1個鐘就行咗前面上山嘅⅔，
淨返⅓上山，於是就做蠢事，轉咗入山行




入山行又上又落，仲要loop幾次，d路又難行，唯一就係隔離有條河…但無咗個天



小喬流水？



喺山入面行咗1個鐘先行完嗰⅓，極痛苦，因為又上又落

終於出返馬路



但一分鐘後又兜上山，睇地圖見佢好似shortcut過馬路，又信佢一次


上山上到似孖筋


頭先就喺下面條馬路行上黎


但仲未上完


上上上，上到風力發電站


右手邊就hospitales線，光禿禿，不過好彩一路都陰天。



好似法國之路Pamplona之後個風車…但呢度高好多
群山戰記



落極個畫面都無乜點變


其實落咗10分鐘啫，但開始出太陽

見到一條村，但入面乜鬼都無。



同間無開嘅教堂


出村，入圍欄前有大狗，差d俾佢嚇親好彩佢好乖唔理我。



老人與牛




過咗堆牛之後，keep住上少少落多多，直到Lago之前都勁多蜜蜂







Lago間教堂當然又無開。


呢張聖母…畫到勁漫畫…

兜出村又要上


兜入山？no way。

目的地仲有24km…但佢無話你知嘅係…好多上落



跟住行咗好耐馬路…仲要係上上上。

跟住又…兜下入山，因為好似shortcut多d入鎮Berducedo


Bodenaya之後到Berducedo中間，電話訊號都好很差…有時仲圈外…



捷徑就有少少上落



但呢個鎮得d bar，albergue，係無超市/士多



連水龍頭都搵唔到


最後問當地人畀水


出鎮，又係狂上

好多風車


但關我咩事努力上上落落先。



望到條村，開google map出黎望，噫唔經過，都好


跟住又開始狂落



見到一排風車，覺得幾好睇，點知一陣要行上去下面個村就係la Mesa，如果我噚日住Borres，今日應該行到呢度就停，因為之後下一站Grandas又十幾km


入la Mesa都要落落落…




呢度有一間albergue Miguelín，做埋bar 做埋restaurant

話說就喺我影完個albergue，有個條友逆行，見到停低問我邊度黎，
我話HK，
佢話佢去過，又kungfu 又 taichi…跟住問我有無野食，叫我donate 1歐畀佢…
跟住我扮傻byebye咗佢
我唔介意人地追夢，不過你加油啦。


出村有另一間albergue，但已經廢棄咗。


出村之後就狂上進行曲



望住d雲，見到好多動物咁，百獸朝凰


上上下，隻牛對住我叫…你估你係狗咩


一路上都有雲幫手遮陰，但都頂唔順，又拎咗個耳機出黎自high


之後轉個彎，兜過風車後面…就開始好曬



之後就開始落山


中間好細嗰個鎮…就今日目的地…


一路落，見到個湖其實係水庫黎



跟住今日第一次見到其他人

好多雲，都無舊幫我遮頭

落山個時有一陣有雲…

Z字型係咁落


以為會落到水庫，點知轉個彎竟然又要上


跟住見到間酒店…Hotel Las Grandas，好似15歐晚


跟住見到噚晚瑞典妹講嗰個赤腳俄羅斯人，之後就入樹林


入林都要Z字落




仲有冧樹…好彩唔大棵。

終於落到馬路。


行去水壩個邊有個觀景台




水壩…




之後又要上斜



間酒店…環境幾好。



又係上到2046

有個反方向嘅觀景台



之後，佢有路兜入山，我跟馬路算，仲係要上。


又望返住落水庫個座山，落完依家又上。



路邊有舊咁嘅野，唔知乜黎


終於入村…


轉個彎終於到。

公立嘅albergue，Albergue El Salvador
8歐，28床，男女廁分開，男個邊1個廁所2個浴室（用簾間當門），有wifi，有廚房有廚具可煮






又遇到之前個法國阿伯，

佢住咗之前間修道院，仲參觀埋，show咗d相我睇，噚日行咗hospitales線，不過睇落都差唔多，望到好遠好多山。

聽日應該行好短，兩日去唔到Lugo，唯有斬開三日

唉，啱啱又落雨，衫唔乾啊
夜晚仲要去食飯

喺albergue遇到個意大利華人，老豆老母84年走咗去意大利，佢同另外兩個意大利人傾偈，意大利文仲流利過普通話…英文又勁過我好多食飯時同枱仲有個美國人一齊食飯，佢成日要翻譯畀嗰兩個意大利人聽

佢show畀我佢行hospitales嘅相，行咗上雲上面，好睇過法國阿伯d相，不過我已經無得返轉頭喇
算啦，富士山都喺雲上面，我都去過了再者前幾日Oviedo上去睇耶穌像都上咗雲上面，後尾台妹whatsapp我話其實有巴士搭上去。

意大利華人同公司請咗近3星期假，其中17日黎camino，淨係行primitivo，我覺得17日太多了，夠行埋muxia+finisterre

好有趣，佢又係買德國個本camino攻略，法國阿伯又係拎住嗰本…


有無人睇過？歷史介紹應該會齊d。其他野上網應該都搵到仲update d嘅。

餐廳個侍應…好似新黎嘅咁，定飲醉咗，狂點錯餐，1份又寫咗3份，2份牛尾1份豬肉又調轉咗1份牛尾，2份豬…甜品點咗4份又拎5份過黎



另外兩個意大利人聽日就搭車走，行唔哂，下次繼續。佢地咁近，無所謂啦

頭先睇天氣，聽日又落雨
不過我去Fonsagrada 得25km，應該easy。

好難想像赤腳行對腳會點

竟然冇行上線

曾經聽講過放輕腳步就唔痛，行一排生繭就更加唔痛
The Camino Provides

後悔了，但無得返轉頭，意大利人話Berducedo 成6點都仲有人黎住…