2023 朝聖之路 camino de santiago 北方原始葡萄牙之路篇

España喲，我又回來了。
前文提要

2023年Camino de Santiago(聖雅各之路)
https://lihkg.com/thread/3218535

多圖，極多圖
唔好quote全文
唔好quote全文
唔好quote全文
好重要，所以講3次。

本黎打算2021年，聖年個時就行，奈何疫情爆發。依家終於出發了。

Why are you walking camino?
呢個係每日都會聽到嘅問題, 除咗頭兩三次你會認真諗下點解之外, 之後就會好似版咁, 答翻同樣嘅答案.


首先係, 你點知道camino？
我係喺一個教友身上面聽返黎嘅, 應該係2016年尾, 有個FD話去完普世青年節, 分咗享D喺波蘭嘅經歷. 其中好略略咁提過其中兩三日行咗一段朝聖之路...

呢件事本黎聽咗就聽咗, 應該沒有然後. 就好似d FD同你講, 今年去咗日本登富士山, 去咗西藏轉山, 去咗瑞士行阿爾卑斯山, 去咗尼泊爾行到珠峰大本營. 最多咪: 哇, 好正喎. 睇下d相, 好靚喎...就咁, END.


直到, 2017年頭, plan緊去邊旅行好. 問FD有無人去旅行, 又無人應機. 忽然好似受到耶穌指引咁, 諗返起朝聖之路. 嗰時份工又好鬼得閒, google下囉. 嗰時第一個搵到嘅遊係一個香港女仔嘅blog, 個女仔話佢老豆死咗, 跟住抑鬱, 之後佢個FD幫佢買咗機票, 踢咗佢去行朝聖之路. 個女仔行下行下, 講到佢開始無咁抑鬱, 好似洗滌咗精神咁...最後爛尾, 無寫到去終點.

之後就一發不可收拾, 狂睇遊記, 跟住睇到有篇介紹D相關電影, The Way. 哇, 又係正. 越了解, 越想去. 開始search到firm, 前後都係三四日左右, 我決定今年就去行朝聖之路.


睇D所謂嘅攻略, 全部都話要行一個月. 大佬, 有幾多份工可以請一個月假. 唔緊要, 我決定裸辭去行. 之後就睇下咩月份好啊, 邊條路線好啊, 要d咩裝備啊. 一路準備, 一路又睇下機票啊. 決定咗要行, 而且要去超過一個月. 因為完全唔知要用幾多時間, 又預咗裸辭, 所以買咗一張單程機票, 第二日就同阿頭講, 我辭職去朝聖喇. 阿頭awe咗幾秒, 問返我要去幾耐, no pay leave得唔得. 結果就no pay leave 去行 Camino France.


因為超過一個月, 完全無諗過搵FD一齊去, 變咗獨遊, 仲要第一次自己一個人旅遊, 第一次去歐洲, 第一次轉機, 第一次俾黑人幫, 第一次徒步, 第一次差D凍死, 第一次瞓dorm, 第一次見鬼婆著住bra+under周圍走, 第一次行到出水泡, 第一次食釀酒嘅葡萄, 第一次俾臭狐+鼻寒夾擊到瞓唔到, 第一次同人鬧交, 第一次俾貓認領, 第一次行得慢過阿伯, 第一次成間民宿得我一個, 第一次旅遊唔似旅遊; 好多第一次.


行完之後有咩得著?
洗滌咗心靈? 係無嘅. 識咗好多人? 幾個咁啦, 但都無再keep聯絡. 見識到好多唔同嘅人同佢地嘅處事方式. 減咗肥? 減咗5KG. 每日唔使用腦, 瞓醒執完野就行, 睇下風景, 同其他人吹下水; 食下飯, 又吹下水; 行到攰, 搵間民宿住, 洗完衫, 又吹下水; 晚餐又同人吹下水. 日子就係如此簡

留名

第一次搭Finnair，因為俾國泰cancel咗回程，逼住全張票退
由直航變咗去Helsinki轉機，轉機時間10小時50分，入境行個圈…跟住班機又早1個鐘到


36hrs內開放online check in，可以揀位，可以改位，但聯營嘅就得一次揀位機會。
online check in完，會有boarding pass，但到時登機口會叫你名，check你本passport。


上機先派支水


個位得張毛氈同個earphone


永遠計劃同現實會有出入，9點就派meal，早餐就第二朝hk時間7點幾先派。



meal係無得揀，除非你提前寫明你係vegetarian


杯藍莓汁幾好飲，聽講以前餐飲可以揀酒/啤酒，依家無了


早餐係熱嘅


A350唔好揀4X-5X個堆位，喺正引擎後面，嘈到震。
不過估唔到，芬蘭4點半已經日出，之前無check，仲諗住乜都睇唔到


估唔到天氣好好，早幾日check仲話落緊雨

話說，我前面位個鬼妹，起飛之後就拎咗個酒店枕頭出黎


因為我係入境嘅，就唔去轉機，走去Arrival。
芬蘭入境分兩條隊，可能太早，得2個counter，好慢

佢會問
你黎呢度做乜？
一個人黎？
幾時走？
出示回程機票證明（影印）。
順利嘅就笈印，入境。第一次入申根區嘅就要打手指模。

入境後，Helsinki個機場好細（禁區好大），右邊有個24小時嘅便利店，唔會餓死。


跟住頭頂d指示牌，去搵Railway station，去到月台再買車票。機場部機唔收cash，要用visa/master，可以pay wave。
機場屬於C區，市中心屬A區，芬蘭煲個島都係A區。
ABC區單程票4.1歐，AB區3.1歐，
ABC區 1日票 11歐。
我買咗兩張單程先發現張1日票

lm

留名支持
成條線行完一次已經好唔簡單，行第二次實在值得敬佩
呢個都係人生目標，希望自己有日都可以

好鬼凍，12度都唔知係咪講車內嘅溫度，佢架火車係循環線，左行右徰都係差5分鐘左右時間，35分車程左右，返機場一樣，道門未開車都會自己關埋，有個掣撳返開佢


7點鐘太早，周圍都好少人…d人成11點先蒲頭





赫爾辛基中央車站



市內d所謂嘅景點都喺車站附近，行哂都係1個鐘嘅事。




結果太早，好多野都未開，諗住搵野食個時，google map見到間餐廳休息，寫住耶穌升天節…


赫爾辛基座堂…未開



烏斯佩斯基大教堂…未開




老農貿市場…唔開



靜默教堂…關閉



好快就行哂d“景點”。本黎無諗住搭船去芬蘭堡，但實在係太得閒，去埋先知都幾好行。

喺芬蘭最高法院對出個海邊…即係嗰堆市集隔離搭船，有一日票就唔使買飛，芬蘭堡屬A區，條船淨係往返呢個碼頭同芬蘭堡…






落船對住有個超市，呢個島係有居民住嘅，南丫島長洲咁










比起香港嗰d得返個地基嘅砲台…呢d有砲㗎







個島真係好大風，吹到好很凍，搭船返去搵野食。
11點終於多人，行多陣d 有開返嘅野就lunch




喺中央車站附近搵咗個包咬




食完就搭車返機場

check in同離境同一層，下面嗰層就入境




安檢真係好慢, 連外套都要除埋, 佢會將有問題嘅袋轉去另一條line人手再check…但無問題個d會喺個轉運口度塞住


Helsinki機場禁區都幾大，




35號閘附近好多位可以瞓。


21號閘口附近有bar

喺機場行黎行去個時，見d空姐磅人地d喼，超重就要人地寄倉…原來有好多人帶好q多野上機，塞到個架爆哂…結果我個班架一q樣，未登機前空姐見到係喼都磅，d人上到一半就話無位放，個袋逼住放櫈底
聯營，搭iberia航空




一次過有兩窗口…但個窗花哂又唔乾淨



中途畀咗杯水，其他都要碌卡，西班牙8點都未日落無野睇







一停機，d人就起哂身拎哂d喼放地…令我諗返起香港，去芬蘭個程唔係咁，所以無為意。

最後咪又喺哂度等寄倉d行李…可能就係知寄倉咁慢先唔肯寄倉？


芬蘭飛馬德里就無再入境，直接去搭metro/renfe，呢邊入閘前就要買飛。







renfe個英文button唔係每頁每個字都自動轉，好鬼廢，唔買馬德里版八達通，淨買飛就揀adulto ida>no>yes，揀目的地，幾多個人，畀錢




連續咁飛好鬼攰，瞓下醒下就到咗atocha站，跟住去check in hostel，食野，瞓覺

支持，hostel最多接受到8人房以下，一個扯鼻鼾就全世界唔洗訓

Lm

依家係巴黎，我後日都去SJPP出發

加油，但好似落緊雨
SJPP座山好q大風，如果落雨，要小心d

我20號搭火車去Bilbao，如果落雨就直接起步，無落雨就去一去Gaztelugatxe（龍脊島？岩石城堡？）
之後一路行到去Oviedo轉入camino primitivo，
到Santiago之後，睇下去唔去Muxia一日遊，跟住逆行camino portugues 中央線，行過Tui轉海岸線。
到Porto就收工。搭車去Lisbon玩幾日再返HK。

馬德里間對住馬路，好很嘈。
調返轉如果到時行，d albergue越大間房越好
我試過之前4人一間房…一有人扯鼻寒，咁細間房反而仲嘈

5月19號，今日要做嘅野就好簡單，去買本朝聖者credential ，跟住去Segovia半日遊。
上次去咗Toledo

留名

Lm

食飯又打住d先。

6點幾已經天光，有d唔慣，仲有d擔心，因為日出之後好快就會好熱…不過到lunch為止都仲係十幾度，應該幾適合行路


早餐喺超市搞掂






去教堂donate換credential嘅路上見到個水位，如果行法國之路就靠呢d補水。


google map唔多可信，頂佢又mark錯位，間野10點0幾分先開門



入到去，望住祭台左邊有佢地個office


另外有一家人都係行camino，教堂嘅人唔識英文，佢會幫你填d資料落個credential度…大家靠估，我估就，佢問你個名，邊度開始行，邊日開始行




主要target達成，跟住應該去Segovia，不過咁近皇宮，緊係過去望下。馬路嗰邊嘅入口係group嘅，遊客再去左邊廣場個入口


對住主教座堂嗰邊個入口就啱喇…好很多人，又好曬，我之前已經去過皇宮，今次就唔去了。幾值得入去，唔貴但排隊有d耐，入面唔俾影相。


皇宮&教堂中間行過去可以望到新城區。


主教座堂本身唔收費（入口喺大馬路嗰邊），但博物館part要收費，可以上頂，之前無入過去，今次去望下。一樣，藏品唔俾影相。


佢有兩個頂，一個係前面大三巴咁嗰門頂，另一個喺中間嘅dorm頂



dorm嗰邊圍住有12門徒，而呢個就係朝聖者嘅像徵，saint james。camino會見到好多。


影兩張相先記起之前已經入過黎




跟住喺地鐵站附近lunch

中伏，埋單39歐

食飽係時候去Segovia
Moncloa地面又有道門




地鐵站出，搵Segovia/Avanza嘅指示牌，買完飛隔離電梯上就係閘口。我見8，9號閘口都係Segovia。

佢有兩部自助機…唔好入cash…佢反應好慢，入得太快會食咗唔計數最後要去櫃枱同靚女講，佢好似慣哂咁，開咗張飛畀我。
無劃位。

有錢

俾人劏，見我唔識西文，乜鬼都話佢推薦…點知

Segovia巴士站落車望出欄杆就見到教堂



回程飛一入車站就見到櫃枱，可以買咗先，又可以到時再買。


出車站轉左過馬路直行就見到地標。




左邊（西邊）有樓梯行上去…至於右邊…一陣再講。




打完卡繼續向西行，就會見到Segovia嘅主教座堂，入場費4歐，可以影相，但d野保存得唔好…可以直接掂到，雖然有塊牌寫住no touch，但。
個人感覺都係座堂，Burgos~Segovia>Leon



是但貼d內部






跟住見到鴨仔團，跟住佢地繼續向西行就到城堡


望住城堡左邊買飛，入城堡7歐，上埋頂10歐，上頂有分時間。






入面可以影相。無導遊真係齋睇
呢7歐包埋去廁所，即刻覺得抵咗



又係求其貼幾張








走嗰陣成村鴨仔一齊


之後就係去埋條引水道嘅東邊，睇下d西水流咗去邊，都有少少遠






條槽咁窄…仲以為會引去個水池度。


跟住又係返歸嘅時間，好搞笑嘅係，Avanza前後腳兩部車到咗，咁緊係以為前面個部係早d開…點知相反。張飛有時間，唔match佢唔俾你上車。可以去counter改。



返到去Madrid，行下行下到咗Sol附近，成村人過節咁，睇下錶，未夠8點…好鬼攰，返歸食野瞓覺，聽朝7點Chamatin站火車，但我住咗喺Atocha附近，又要早起



5月19完