黎緊6月去克羅地亞同埋附近既巴爾幹國家, 應該會自己渣車, 南入北走
而家已經BOOK好哂機票酒店, 同埋已經爬左文睇左書PLAN好左大約行程, 但仲有D關於渣車同行程既野唔係好識想請教下去過當地既巴絲:
1) 租車暫時搵到SIXT係最平, 但想問下有無需要買哂所有保險? 因為自己去開日本都一定會買完全零墊底既保險, 費事還車果陣煩, 今次本身都PLAN係咁樣, 但我見揀左最貴個PLAN之後, 仲要另外買車頭玻璃花既保險同偷車保險, 車頭玻璃我應該都會加埋費事煩, 大概10歐1日都比佢賺啦, 但偷車保險差唔多30歐1日仲要咁都唔係完全零墊底, 咁其實有無需要買埋呢? 我見上網睇D鬼佬講克羅地亞治安都唔錯, 唔駛擔心偷車, 同埋唔買用旅遊保COVER都好似OK, 唔知大家點睇?
2) 租車果度有得揀BMW 1系同X1, 大概相差10歐1日, 有無巴絲渣過X1, 係咪值得比多10歐1日升級呢? (雖然佢都係寫左or similar, 但都搏一搏佢比啦) 不過會唔會擔心話渣太好既品牌既車反而會比人偷車爆車呢?
3) 出名果幾個旅遊城市既老城區泊車都好撚貴, 差唔多成3,4歐一粒鐘, 大家有無D泊車攻略可以SHARE下? 上網都唔係搵到好多資料
4) 大家有無買過D咩TOUR PACKAGE係正? 而家諗緊想去到SPLIT join跳島同藍洞既TOUR, 但要7點幾起身好似好chur好辛苦, 同埋我見佢都有public ferry係去HVAR等等既島, 仲可以時間自由D咁玩, 想問下大家值唔值join d跳島TOUR? 有無邊間公司推介?
5) 我打算去十六湖國家公園玩2日, BOOK左間民宿係第2入口附近, 想知道如果上網買左飛, 可唔可以就咁行去第2碼頭搭船? 定係一定要行番出第2入口果度比佢查左飛先入得公園? 我BOOK果間民宿叫Afrodita Wellness Essence
6) 個TRIP會去埋Montenegro (Kotor), 波赫 (Mostar) 同埋斯洛文尼亞 (Bled), 想問下係公路果d check point過境麻唔麻煩? 駛唔駛又check 車又check 行李咁耐? 同埋駛唔駛比錢? 另外過去斯洛文尼亞好似要買路票, 係咪到時過關果陣買就得? 但2023之後克羅地亞變左申根區, 去斯洛文尼亞應該係唔係已經唔駛過check point? 如果係既話點買個路票??
多謝哂大家解答先
唔該哂大家