一人幾個交友app識人嘅經歷 (3)

日日傾啦，間唔中flirt下佢但佢唔受，約佢出黎都要隔幾個禮拜先出，經歷左半年到就自己收皮

所以係有見過面？但成個chat持續左半年？

齋Chat要睇chat幾耐囉，少少時間ok。但如果長傾密傾但又唔約…個感覺就會變到好似online soldier咁

我之前係TG交友嘅channel識到個人，佢都係話想搵另一半，我都係。
咁我咪去搵佢傾下偈囉，到今朝，我都仲有send messages 俾佢，而且唔係hea覆
可惜而家睇到佢del chat，唔甘心，去搵返佢問佢，點知佢話搵到啦

我真係唔係好知道點樣可以去同人傾偈得嚟，係向住想係一齊嘅呢個方向進發呢？

我之前有聽人講，如果你或者佢一開始係想做朋友嘅，你哋會變成情侶嘅可能性可以話好低。難道識人係咁難嘅事？

大家雖然係認真搵另一半
但唔係識到就包生仔架嘛
個個玩app都唔會淨係識得一個人
睇開啲啦

但我真係好想知，大家玩呢啲嘅時候，係有咩trigger 到你哋覺得想同佢拍拖，而唔係friend zone左佢呢？
冇可能我係咁問你，我啱唔啱做你女/男朋友㗎嘛，你都會想走啦

咁你適合男多啲

即係你地見都未見過真人？
一齊得都係有feel
但如果連真人相處都未試過既話大家都只係網友咋
好難trigger到有feel架喎

我好似同佢講左一個星期到㗎咋，在我而言，未到會出嚟見面嘅程度
但有啲唔奮氣囉，好似覺得自己放左手咁，所以其他人可以有機可乘咁

睇開D, 一日未見面, 個關係未成型
texting幾天花龍鳳都無用,反而要留一手FOR 見面之後再昇華

呢個係返part time識既，追左佢半年就放棄左，而家仲有keep contact

上網識人既話，都有試過兩個成功出pool既經歷

根據之前經歷，都係chat到好岩傾就會約出黎，我諗過程大概幾個禮拜到啦，會唔會有進一步發展，就要睇見面嗰下既相處。

可能以前年輕時間多，會願意花好多時間識女仔，同女仔chat。而家反而覺得用咁多心力同一個唔識既人去溝通，仲要一齊左都有機會磨合失敗要分手，倒不如拎時間增值自己好過。

你極其量都係損失一個星期既時間姐，唔洗咁介懷。
同埋chat一個禮拜未見面都好正常姐。

識網友最失落既就係對方突然消失，而且好多時都係對方搵到另一半。

建議你都係約左對方見面先投入感情，唔好將對方既存在睇得好重。你重視人地唔代表人地都係咁諗

冇罵過交又夾不嬲先最易散

好正常既事 可能你遲啲都會咁

我反而遇過啲男仔話現實嘅戀愛太殘酷，於是想上網同人「網戀」傾下、心靈慰藉

戀愛有幾殘酷
網戀真係好毒

我係想搵一個人分享日常大小事，但唔一定要filrt既。
都想談戀愛但覺得自身條件太差都係唔好搞到人

我覺得分享日常事唔係問題，但長期咁分享但又唔見就…幾無謂…或者咁講，會令我想keep住傾嘅話都係啲覺得有feel想見嘅人，如果冇feel想見嘅話，個chat可能傾傾下 let’s say 分享日常事1個月已經keep唔到

同埋你千期唔好flirt，flirt左嘅話段關係就會變到複雜。你見呢度啲post都唔少人未見面就已經太上心，就算對方冇見過你，flirt flirt下都可能慢慢會當真，但明明你呢刻not ready for 拍拖，甚至根本唔想見面，就唔好flirt啦