一人幾個交友app識人嘅經歷 (3)

通常最好傾都係match 完冇耐個3日

呢啲係雙向嘅,唔會淨係一個人嘅問題

咁即係唔夠好傾

或者人地同我傾時已經孭住幾個呢～ 咁邊個約左出嚟見埋左門咪唔使再傾

前排識咗女仔
本身wts傾都冇咩野既 有講有笑
一開始冇換相 但慢慢分享自己d野果陣就知對方個樣
之後都冇事既 照傾計咁大家都無事既
跟住佢主動約我放工出黎食飯~

點知一約食飯就出事 遲咗成個鐘都算
大家講下自己d旅行經歷 ok啦正常topic
點知條女係咁講泰國果d咩sex show
喂大佬我食緊野唔想聽咁多核突野
仲係咁同我講話一生人一定要睇一次
我已經禮貌咁表明立場話 唔會去睇
因為聽落已經夠核突 心理上接受唔到
佢就好似聽唔入耳咁 繼續講 講d仲核突既野
果陣已經feel到條女係有少少強迫症+自我中心
咁我唯有換過第二個topic

講到後面 無啦啦開始講我個人 指個body
話外貌呀身材點點點呀咁 已經覺得完全無禮貌
又話咩要顧下自己呀 要鍚下自己身體咁
跟住就無啦啦叫我睇中醫 又話可以帶埋我去
喂大佬我地今日先見面 睇乜撚野中醫?
咁我咪又表明立場想之後熟d先跟你去
跟住又唔知做咩開始玩情緒勒索
講埋晒d「係fd先同你講咁多咋」「你係咪唔重視自己身體」之類
心諗都痴孖筋既你都....

之後過咗幾日條女想phone call
咁好啦 我做野做到攰都照傾 把聲頹頹地咁
佢又話咩「我feel到你唔係好想傾」之類
跟住又講叫我去睇中醫
我已經燥燥地啦同佢嘈咗陣
佢就話我份人固執
的確我真係有被人話過固執既 佢或者講得啱
咁我第日咪放下身子問佢間野叫咩名
想睇下有冇黑歷史 風評如何 好正常姐
點知條女話「咁委屈啊」之類
我發自真心叫咗聲 「唉~ 屌...」
跟住我直接block咗佢算

自我中心+情勒+冇禮貌
呢d真係極品 cls

佢擺明就係sales

諗番起都真係嘥我心機
果陣仲特登剪下個頭 著得好好睇睇 買埋份禮物當見面禮
希望比個好的交友體驗人
到頭黎都係搞鳩自己

好撚慘

不如你留個tg識佢啦

好多呢啲
新玩同真心交友嘅人遇到發現咗真相
其實幾有挫敗感
以為自已好傾得
事實係人地帶住你走咋

果陣知佢鐘意某卡通角色
特登上網比成舊水買個公仔
約果日仲要落雨 擔遮唔係遮我係遮公仔
又熱又濕仲要成個鐘 就黎等到缺水
依家我喺app識人真係有陰影 屌

一提中醫、健身、美容就要提高警覺啦

同埋巴打會唔會做多咗（我指買禮物）？

你哋又唔係咩關係，大家地位係平等，唔需要一開始就送晒禮

你約每條女都咁嘅話，你蝕到入肉

同埋唔講蝕唔蝕，如果下一個係正常女仔，你無啦啦送嘢俾人都會令對方有壓力

呢啲由佢啦 我都中過一次伏
證明你真心識人嘅 下次要小心啲

如果你唔係特別高大靚仔，人地咁主動就要小心d

收到 Ching 多謝你建議

大家遇到有情緒病嘅要非常小心

你遇到咩事？

我都會帶見面禮