[遊記]關西北陸15日避年之旅

影響到就唔好彩

真係一半半
雖然個景真係好靚
但係同時好擔心會影響到後續行程
玩得唔太安樂

嗰幾日 JR 係咁停，樓主嗰日係 JR 京都線停駛，企到立往生。過幾日 JR 落路軌點火融雪又燒枕木
不過各私鐵係路軌電熱融雪所以一啲事都冇，所以樓主行程應該冇事嘅

融雪走去燒木係咩事

點火加熱路軌，唔係去燒枕木，唔小心燒著枕木嘅啫

Day 4

瞓到10點左右又係時候出門
踏出酒店嗰刻竟然有陽光


不過行多幾步又天陰陰
仲飄左幾粒雪花



前一晚落完既雪朝早變哂做冰
搞到條路跣到仆街
即使著左雪鞋都差d跣低


不過雪又未溶
又好似有少少陽光
似乎係最適合去金閣寺既天氣
睇過交通冇乜問題
於是就出發lu

由京都駅搭巴士過去
正常應該會搭205號巴士
搭到金閣寺前落車再行入去
但嗰陣見個站已經打左幾個蛇餅
就去左隔離搭50號
去到わら天神前落車
再行10分鐘左右去金閣寺

京都既巴士坐得幾逼下
隔離肥少少都坐唔落
我就係被迫害既例子


諗住影馬路結果變左影車

落車之後沿路一直都有積雪
即是話肯定會見到雪閣寺了



未到入口已經好多人


d雪望落都幾厚
好難相信呢到只係落左一晚雪



入金閣寺要買飛
盛惠400大羊
俾完錢會得到一張好似符既物體
同埋有齊中英日韓文既簡介


一行入去
見到條路唔似門口咁逼
諗住應該可以輕鬆睇寺


點知一行近d就見到一大堆龍友
逼到路都幾乎行唔到


幾經辛苦先攝到個位影相
點知前面有棵樹檔到應一應



唯有再攝過dd
好似好少少少少咁多



由於實在太多人
淨係影上面嗰堆相都用左10分鐘
實在唔想再哂時間搵靚位影正面既相
於是繼續向前行

側側地咁影又幾靚


估唔到竟然俾我影到佢閃閃發光既一刻
真係好靚啊啊啊啊


由對面望返過去，真係超級多人


送多幾張雪閣寺俾大家







影夠個寺，係時候欣賞下園境





途中有個亭賣御守


你以為直到出口都唔會再見到金閣寺?
咁就大錯特錯
沿途只要細心搵下就會見到佢



出口前本身有個位俾人坐低休息
但係依家積哂雪，冇得坐


金閣寺係話哂都係寺
當然都有得參拜、求籤同吸御朱印



仲有中英韓文既籤，夠哂國際化


出口有幾部汽水機同雪糕機
不過咁凍既天氣就不了


用左接近兩個鐘，終於行到出口



離開左金閣寺之後去左隔離咬返條團子
醬油味好食d，抹茶好鬼甜


食完就真係要走了



今次一口氣睇哂有雪同有陽光照耀既金閣寺
有少少打爆機既感覺
加上由京都出發都要一段時間
短期內應該都唔會再黎了

成件事真心弱智

推

留名

京都落雪真係冇幾可，樓主算好彩
冇上到停10個鐘嗰幾架 JR

幫推

行完金閣寺之後
諗住搭巴士轉嵐電去嵐山
但係離遠見到巴士站又好多人


google寫15分鐘可以行到嵐電站
於是選擇左做行路撚



路邊好得戚既雪人


就咁望入去勁荒涼既平野神社


行到半路影相影得太忘我
跌左落地都唔知既手套
影嗰陣好似已經跌第三次


雖然喺京都街上漫步好開心
但係我地低估左喺冰地行走既難度
最後用左雙倍時間先行到北野白梅町駅


去到帷子ノ辻駅要轉車


搭20分鐘左右就去到嵐山駅
一出車站已經係商店街


見個天咁靚就近近地去左渡月橋先




當時個天藍得黎又飄住少少雪
成件事勁fancy

行到橋既另一邊
講緊只係十分鐘內既事
個天已經慢慢開始變灰



俾返個靚靚藍天我得唔得




隻雪兔好qq
但係點解係叫蘋果



影一陣相又行返轉頭
個藍天就係咁俾d又薄又粉既灰雲慢慢遮哂




影嗰刻新鮮製造好既雪人


天陰雖然冇咁靚
不過依然覺得好舒服好relax
不過都真係好凍

終於有更新

Lm先

痴線嵐山勁靚

去完渡月橋之後
部電話又凍得濟熄左機

陰天既商店街好似冇咁吸引


經過天龍寺就行左入去睇下




入去又要買參拜劵
庭園加本堂既劵要800円

唔知係咪室外太凍兼落雪
個個都坐哂喺殿入面
庭園幾乎冇人
有一瞬間以為自己入左結界




嗰d好似係櫻花樹?



應該係梅花


行到北門就出左去



行完覺得冬天既庭園冇乜睇頭
如果唔係落雪既話
應該淨係得樹枝睇
當係課金行捷徑去竹林會冇咁sad


天龍寺北門隔離就係好出名既竹林
唔知係我地遲去
定係大雪影響左交通
平時出哂名人逼人既竹林
今日竟然冇乜人，行得幾舒服



係一開始上斜嗰段
條路結哂冰勁難行
覺得會仆街然後瀡返落去


因為人唔算多
只要肯等同就下角度
基本上唔難影到張冇人既相
加埋可遇不可求既雪竹林
搞到忍唔住瘋狂打卡







トロッコ嵐山駅
小火車每年冬天都運休，所以唔開放
唔知之後有冇機會搭下呢


竹林附近其實係住宅區
所以有人放狗應該都好正常


不過都因為係住宅區
離開左竹林之後
周圍幾乎一個人都冇
有一刻覺得自己行錯路




直到見返鐵路同商店街先安落返


呢間聽講好好食
希望之後有機會試下佢


嵐山原來有單車租


過左單車鋪
穿過條窄巷就會去JR嵯峨嵐山駅


今次行完嵐山
覺得係一個好舒服既地方
好想買杯野飲坐喺河邊
望住個山慢慢hea
好可惜今次去得半日有少少趕
有機會既話會想紅葉季黎賞楓
不過到時應該好多人，有d矛盾

支持樓主
Rinku town 去京都點解唔天王寺轉車要專登返關西空港

Day 2

lunch去左京都站食迴轉壽司
嗰陣仲未爆壽司郎單野出黎
不過餐廳入面都係得小貓三幾隻

赤身加蛋黃既軍艦，係signature之一
撈埋一齊食係幾香幾滑

京都站迴轉壽司好正

可能想總站搭車

本身打算劃指定席由頭坐到尾唔洗煩

可以啊，中途出或中途入都得，不過冇得返兜駁落去，出咗閘就完

問得好 我估應該可以因為既然提早落車都可以 冇理由調返轉遲啲上車唔得?

行完嵐山搭JR返京都駅
行到過黎先發現好多地方仲停駛緊
好彩嵐山嗰段已經開返
不過都係delay


藍天呀藍天
點解你成日都唔肯見我啫
次次都喺我要離開既時候先出黎say hi


本身有班準時開既快速
應該搭10分鐘就可以返到京都
但係嗰陣跳左制
走左去坐無限延誤既普通車
坐左半個鐘先返到去




襯郵便局未閂門
買左兩個紙箱返酒店
準備寄早幾日喺outlet買嗰堆野返香港
嗰日買左5對鞋，唔寄走既話搞唔掂



返酒店pack左兩大箱野出黎
本身男朋友想買兩個大盒
但係我話一大一中已經夠用
最後岩岩好塞哂呢幾日買既所有野



pack完箱之後都夠鐘食晚餐
由買完機票無耐已經話想食壽喜燒
本身見到連登仔最愛既三鳩亭有位
但係從來未食過怕唔識食
之後就冇左回事
直到臨出發之前一星期
先醒起食好西要book定位
最出名嗰d已經一早full哂
搵左陣先見到モリタ屋仲有位
不過都係訂唔到最高分既木屋町店
唯有退而求其次
book左評分相近既四条猪熊本店



上網訂位既時候要揀埋食咩course
抱住三年冇去旅行兼出左bonus既心態
決定去食最貴嗰個set

今次book左個室食飯


一去到已經見到有個鑊同調味料


女將見我地settle好就會上前菜
都係清淡為主，開下胃咁


食完前菜之後有舊和牛壽司
兩塊燒牛肉同茶碗蒸
幾塊牛都充滿油香
雖然唔係入口即溶，但係都好好食


跟住就到主角出場
牛肉d油花靚到


同時登場既仲有碗白飯連漬物


一開波會放舊牛油開鑊
之後落糖，烘到少少焦燶
然後會放肉，最後先落醬油


塊肉煮到差唔多就打埋隻生蛋


塊牛本身就好有牛味同充滿油香
仲帶少少甜味
加埋雞蛋既滑同醬油既鹹香味
簡直驚為天人
忍唔住係咁同個女將話好好食
男朋友仲瞬間連埋一半蛋漿KO左碗飯
女將問佢要唔要多碗飯，佢say yes

食完第一轉之後就會落菜同第二份肉
女將見你食完第一轉
會叫你遞隻碗俾佢
等佢幫你添肉同菜



第三round女將會落埋豆腐，芋絲等等既配菜
同埋最後一份肉


分好哂之後女將問我地需唔需要加肉
我地話唔洗，之後佢就離開左
等我地慢慢食埋剩低嗰d野食

成功完食


影完完食嗰張相之後
女將即刻走左入黎上甜品
時間夾得天衣無縫
想唞返陣回下氣都唔得
有個苦味幾重既抹茶布丁
同幾舊帶酸味既生果解膩


食完出去埋單
連埋酒水連稅28132 yen


今餐食得非常滿足
服務亦好好
每道菜上既timing較到岩岩好
唯一係有少少肉赤
咁係你窮啫

モリタ屋 四条猪熊本店
https://tabelog.com/kyoto/A2601/A260203/26000409/