第二個飛咁耐都要黎日本嘅原因就係為咗搵我啲好耐冇見嘅日本朋友
走咗去神戶對上叫三田嘅town仔 佢帶咗我去食三田牛
之後佢車咗我去丹波篠山市 一個我從來未聽過嘅地方 不過估唔到都幾多人
基本上我所有日本朋友都係係英國識
呢個朋友本身約好咗2020年去佢婚禮 不過之後咩事大家都知道架啦
今次見佢已經連個女都出埋世 3年時間真係過得快
同第一位朋友道別完之後就去咗京都搵第二位朋友
咁耐冇見梗係要去居酒屋飲返杯先喇
飲完就同佢去咗戲院睇日本打哥斯達尼加
屌喇星竟然爆冷輸波
失完波之後成個場嘅日本人都靜晒
開波前仲講緊呢場贏就出硬16強咁濟
森保一你同我玩啲咁嘅野
輸完波大家都冇乜心情 求其去食咗碗拉麵就道咗別