連登攝影交流區(2)

唔該哂師兄 你咁講crop下之後真係好好多

如果你想攞意見，至少講下你想本身想影乜，又覺得張相邊到做得好，你最鐘意張相邊方面，同時又講下張相可能差咁啲乜。
人地先會俾到有用建議你

第二張就其實真係求其影既
其實因為我近排睇緊依個人d片 想學下佢既手法 所以d相就會影埋d人係入面
https://www.youtube.com/watch?v=bo3EyAmqDw8&t=167s
不過當然我仲有好大進步空間

炮友哥講咗你兩張相，我就唔多咀啦，試下講兩樣愚見啦

第一張相，前景果幾條柱
避到當然好
但有時避唔到，我就會試下點樣將啲障礙物變成有用嘅道具
例如張相入面見到兩條棍
我會試下搵個角度
係啱啱將個艇夫放咗响兩條棍中間
可能咁樣「食夾棍」會令張相變得有趣？

第二樣想講
（唔係只係你呢兩張相有嘅問題）
我見好多師兄好少用eye level 以外嘅高度揸機
其實而家啲相機唔少都有反mon
比老鬼以前菲林機時代方便
（尤其係舉機影俯視相容易）
例如你呢兩張河上圖
如果稍為舉高部機影
你影到嘅圓艇圓形會圓大啲
畫面亦可以避免一邊河塞滿艇仔嘅雜亂
同時亦可以避開遠處嘅吊橋入鏡
（咁而家有航拍機又令到影aerial shot更容易咗）

有時用非eye level角度影相
透視感係會多啲變化嘅

呢啲色睇一陣就會覺得悶，係放上IG呃like

感謝師兄

成日影相都想個構圖再出色啲
唔好剩係限制啲主體擺中間

想問下師兄除左唔用eye level之外
仲有冇咩方法可以令構圖再多元啲
(因為有時都會用菲林機影下相 始終好難唔睇viewfinder)

好難講話換camera height就一定會有好啲構圖
只係影相時候要加啲想像力
諗下呢張相，我企高兩級梯級影出來會係點
低抄又會出到乜嘢效果咁
再決定相機高度
用返樓上另一位師兄果兩張圓艇圖
佢用eye level 影
就算最近自己嘅圓形其實都係楕圓形
遠景嘅變成一粒米狀甚至一條線咁（呢啲就變成呢張相嘅noise）
除非你想影張相係成條河岸都係泊滿圓形船仔
（最佳影法一定係高處影落來）
接近水平線嘅相機角度
就要考慮點樣構圖令張相唔會太雜亂
你可以將相機放到接近水面嘅高度
但咁樣會失去啲艇構成嘅一堆圓形構圖
假設河邊有條行人天橋
就喺個艇佬附近
咁我會試下走上天橋高啲位置再用長鏡扯埋去
咁出來嘅效果就會唔同於近距離嘅眼平線影到嘅畫面
而且利用長鏡嘅短景深
仲可以blur 咗遠處河上嘅船仔
提高張相嘅透視感（空間/距離感）

簡單講，非eye level
即係唔好淨係企定定影相
相機唔好成日係自己眼睛嘅高度
鍾意影相嘅人通常都預咗爬高擒低
例如我要影某教堂嘅天花壁畫
你可以企响度舉高相機影

（上面張相係網上搵嘅，http://www.romeprivateguides.com）

亦可以成個人瞓响地上影成類似咁嘅效果
（都係網上搵嘅相 https://www.througheternity.com/）

即係話，無論係古董相機無反mon嘅定係最新款嘅相機
都唔係影響你點影張相嘅角度嘅

舉例來講
習慣用eye level影人像
影大頭 close up 或者過少少膊頭咁
eye level 影出來會正常
但你用eye level 影全身full portrait
企得遠用長鏡當然無問題
但如果你用枝standard 或者 wide angle
影出來個人會頭大腳細（尤其係wide angle影出來）
咁揸機嘅稍微彎腰或者坐低/單膝跪
影出來嘅人像會正常啲
變換相機嘅高度
就係要攞個最佳效果
（死老鬼以前打過工嘅影樓老細鍾意用大底機
就係鍾意waist level 影出來嘅人像效果）
又例如你同女朋友去影相
佢今日著住熱褲一雙白滑長腿肯定係焦點所在
你用eye level影咪突出唔到佢嘅長腿，係咪？
呢個時候
你可以好似做sit-up嘅姿勢
用low angle突出女朋友嘅長腿
你可用膝頭當相機支撐點（古董菲林機會麻煩少少）
如果有相機袋
一係用來當自己頭枕
一係放心口，用來承托相機（記住㩒shutter時要hold your breath)



構圖係另一個學問（網上太多呢啲講解，我就慳返啖氣）
幾廿年前學影相
師傅係攞好多相俾我地班𡃁仔睇
叫我地講下啲相點解或者點解唔掂
培養我地對取景同構圖嘅muscle memory
我諗呢種方法今時今日都係有效嘅
我到而家鍾意睇人地影嘅相
自己腦補點解張相會咁影
或者張相點樣會影得好啲
就算無出街影相都仲可以訓練自己嘅思路

補兩句關於你提到主體敦相片中間嘅構圖
咁樣唔一定悶
想像一下呢個畫面
收工時間响中環地鐵站嘅月台上落樓梯處
咁喘有個撐住拐杖嘅伯伯停咗响樓梯前
因為趕住上樓梯轉線嘅人太趕頭趕命
阿伯似乎想等啲人上晒先自己爬樓梯
至於落樓梯果一邊就得小雞一兩隻
你手上有相機
於是拎住相機
走去阿伯背後十零呎位置
將阿伯放正好多人上梯同無乜人落樓嘅樓梯正中間
咁張相就會影出一個
以阿伯背影做主體嘅強烈對比相
應該效果會幾好睇
（噢，地鐵站內好似唔准影相⋯）


但係都係果句
理論係死嘅，靈活應用先可以影出與別不同嘅相片
唯一一句我會強調係
㩒shutter前俾幾秒鐘諗下個畫面係咪仲有得好啲
（噢街拍係無呢幾秒奢侈嘅，所以要有muscle memory)
緊記一樣嘢
唔係將個畫塞滿嘢就一定係好嘢
Make it simple 有時效果會更好

試吓Sony個F L濾鏡

岩岩去完瑞士 分享下

早幾個月都去左瑞士

等我又出幾張, 等大家評價一下:

請問新手嚟講有咩要注意

負評既Ching，有咩指教？？

師兄，唔洗介意啲負皮啦。

（我無俾正負皮，我其實幾鍾意第一同第三個紅色。contrast 一流。）
（第一張，背景座玻璃幕牆大廈，如果blur少少同暗返啲啲，東京塔（？）响幕牆上面嘅倒影估計會正啲啲）

唔係介意呀，見佢地有負評，想知道有咩地方可以改善，下次影得更好ja

最緊要水平

而家光暗冇層次，同埋我唔知邊個係主體

呢張相，最令我非常有興趣嘅地方係
黃昏時間，竟然港島灣中上三區嘅商廈
竟然無乜燈光
（斷估一係星期日或者十一放煙花前影嘅？ ）
即係無乜公司要開OT?

小孩堤防

Voigtlander Bessa R3M
Voigtlander Color-Skopar 50mm F2.2
Fujifilm 200

想請教下你d相既曝光/執相有無技巧可以分享？
望落好夠光但又唔會overexpose，d風景既色都睇落好舒服

指點下