連登攝影交流區(2)

新手想買相機
如果我想影極光/星空/星軌/車/車軌/運動攝影
想請問下最抵玩嘅配搭係要買邊啲機邊啲鏡？

你係咪搞亂左lightroom同lightroom classic

可能你要諗的唔係咩機鏡而係個種類點影到
極光 -> 最大問題係要飛到去果個地方+撞彩
星空&星軌-> 無咩光害地方+廣角鏡+疊圖
光軌->買塊nd鏡長曝光就有得玩
運動攝影->高階速度機可以買機送對焦

極光同星空主要係因為我下個月就去旅行想影

Canon R6 Mark II . Sony A7 IV


仲抉擇咁買邊部好

如果去到好環境,咁星空應該唔難
帶腳架同大光圈廣角鏡
揾完構圖就可以手動對焦手動曝光試拍
岩就可以set定時拍攝影好多張,等之後返屋企慢慢執圖疊星軌
個環境夠好真係肉眼都睇到,拎部電話影都有

其實光圈係咪買鏡頭就可以隨意轉換？
即係我買機唔需要考慮光圈？因為之後可以買鏡頭改變光圈數值？

光圈跟鏡頭唔係跟機,每個鏡頭都唔同
聽完感覺巴打未掂過相機,第一次就影星,有D難度

係，完全未掂過

一係你早d買齊野淨底依段時間晚晚好似讀書咁摸熟佢學識點用
一係用電話頂住算,外國環境夠好電話都影到,成本又低d唔怕洗完錢得個吉, 帶起黎又輕鬆d
https://www.ellemen.com.hk/lifestyle/tech/iphone-15-pro-max-iceland-photo/

https://youtu.be/ZUyBOxOapao?si=lPLhDBjFIZUdEYv8

然後8月尾9月頭無月光+天氣好就出去郊區(比如大坑墩) 練習下

自己用吓腦諗部機係你用唔係我地用



Sony就一定係垃圾㗎啦EVF垃圾

mon久唔久死條線


維修部又要排隊你自己諗

用大光圈影出黎邊位個畫質會比較差
如果FF機用APSC crop mode影
係咪會crop咗邊位較差嘅部分?

求指點

新手出去影人像，有咩要注意

1. 唔錯，我自己覺得鳥居可以右少少，同個人分開少少。（不過可能果個位唔係好容許你咁做）
2. 嚿石其實啲pattern/紋理唔太靚，又或者太blur，而且佔太多位。
3. 冇乜特別
4. 唔知影乜

銀包
哂命

ok，淨係得啲垃圾器材，銀包更加不值一提，走先

師兄，容許死老鬼我多嘴講兩句我嘅主觀觀感
師兄第一張相
確實前景男人同鳥居之間嘅空間距離不足
其次畫面有太多物體
前景地上嘅黑影
松樹
男人身邊個水樽
鳥居
鳥居附近仲有人扒緊艇仔
唔知係渡輪定遊艇⋯

我就會咁樣影呢張相
直度（目的係減少左右嘅空間同物體）
相入面松樹嘅前景就唔會變得太繁忙 busy
同時我會避開前景地面嘅強光暗部分
相機會向右方移動
直到將男人同鳥居之間多返啲抖氣位
我應該會稍為彎腰攞低少少角度影添

第二張相其實好有潛力
我覺得有幾處可以提升張相嘅級數


首先，好似上面有師兄講
構圖上要處理一下相入面幾個元素嘅比例
原相入面左邊漏出來嘅海景
其實破壞咗你張相嘅構圖
影嘅時候，只要腳橫移一兩步就可以
我上面用咗你幅相做裁剪
你可以睇到張石框左右，大約各佔畫面三分一
（亦即好多龍友鍾意嘅三分比例構圖）
用畫中畫嘅構圖，唔需要硬性套三分比例
例如
用做前景嘅石框
雖然有算足夠嘅光照
但而家係太糢糊，完全睇（估）唔到個實際質感
夾硬用三分比例
就會變成糢糊嘅面積過多（多餘）
一個解決方法係
用細光圈，增加景深，將鏡頭焦距稍為移到鳥居前少少
俾返前景喺稍為outfocus之餘仲可以分辨到係乜嘢
（唔係話要令前景變到同主體鳥居一樣咁清楚）
另一個方法（效果應該好啲）都係收細光圈
目的係令前景完全under exposed
即係得返好暗嘅邊框效果
至於框入面嘅鳥居
我會將我嘅相機降低
目的係消除框入面前景影到嘅石屎地同欄桿
如果我有腳架
我會試下用長曝
睇下可唔可以影到鳥居好啲嘅倒影效果

好詳細可唔可以評下依幾張 我知應該影得唔係咁好 想知點改善

師兄，死老鬼我都係十分一桶水嘅水平⋯
你上面嘅第三、四張相
同新呢三張
其實好難去概括講得唔得

上面第三張同新嘅頭兩張
講得難聽啲
係「到此一遊」是旦影低一張相做記錄咁
加埋呢三張相我搵唔到主體/主角
所以無法由構圖上面同你分析點樣影可以好睇啲

影風光相，都係要諗下你想影乜嘢
然後再去諗構圖或者捕捉最能表達一個故事嘅畫面

例如新嘅第一張相
究竟你想表達呢座日本建築嘅古風同宏偉？定係果種出世寧靜嘅氛圍？
抑或係兩個好遊閑嘅游人？
如果係前者，我會諗下點樣影出/營造出種古風感
要影出建築物嘅氣度
我自己會盡量走近啲
用24～35mm嘅廣角鏡，用低抄方法影
如果有天清有雲就會俾多啲空間個天（水墨畫嘅留白技法）
如果要古風，我會嘗試影座建築物嘅特色處
例如窗戶嘅設計，建屋師傅用嘅傳統木工手法（樑柱位）
門廊嘅布局咁
又或者屋入面有古味嘅陳設
一切都係响現場靠觀察再決定

至於新嘅第三張相
我影嘅話
我自己會問我影呢張相出來想講乜嘢？
小姐完全係路人甲
同後面嘅鋪頭、販賣機毫無關係⋯
講唔到個故仔出來

但係想像一下呢個畫面
二樓窗內有個男人
好似好無奈咁望住稀疏嘅路人經過
我就會覺得呢個畫面想講我知
間鋪生意唔好
老闆/服務員竟然閑到可以响窗邊望街打卦⋯

由視覺上講呢度第三張相
最大嘅毛病係個女人若干程度同個背景黐埋咗
變成好似玩 where’s Wally 咁

又假設一個情景
背景間鋪係一間玩具鋪
門口有一個細路仔
左手掹住阿媽衫腳
但頭就望住飾櫃入面嘅超合金大鐵人
而阿媽就頭都唔回拎住菜籃大步走
你咁啱响現場第一時間影低咗呢格畫面
相信人人睇到張相都知道係個乜嘢故仔
（即係你之前第四張相咁
一男一女路人响你面前走過而已
作為旁觀者，我嘅反應會係哦，啱啱有兩個人經過我身邊囉⋯）

師兄想問一下呢張兩相可以點改善

新果三張，第一張相同第三張有同一個問題，就係人同背景對比唔夠，令到人唔能夠pop up。第一張仲好少少，最起碼把遮對比大啲，而且尚有一種寧靜嘅感覺。第三張個人係同背景冇關係...我知，去旅行冇乜咁多時間去等一個事件發出，但最起碼你都搵個衣著型啲，顏色對比大啲，或用光暗做對比。依家個人好似保護色咁，不如索性唔影個人仲好，依家好似唔小心有人入咗鏡或趕住影避唔開啲路人咁。

對比係好重要。

講漏咗第二張，第二張個主體係個塔定右邊嚴島神社嘅部份建築？

第二張啲黑影做乜？
frame in frame?

第一張向左移避開條柱就好靚啦

甚至crop剩下半