真係抑鬱嘅人根本好難主動求助，有無同感

我都需要可以同我傾到嘅人

我怕呢啲機構都係好門面同我唔知幫唔幫到我

我都有去過機構同社工面談
但好老實講 呢啲真係靠自救
我自己都浮浮沉沉咗七八年
個人大咗 諗法變咗 唔係變好 至少正常返啲

同人傾完有冇感想？
一啲幫助都冇？

明白，揾得人幫手當然希望佢幫到手，至少係認真對待你既問題，你既擔心好合理。

只能夠話，呢個風險無得避，你唔踏出呢一步你唔會知對面係邊個。踏出左，可能遇到唔好既人，都可能遇到好既人；唔踏出，無風險，現狀就唔會變，至少唔會主動變。呢樣同找工作，找伴侶差唔多，係投入既時候都會有D風險：工作/伴侶可能唔啱自己，唔試過唔知。但我們總要鼓起勇氣，在這個艱難的世界冒險，去試去揾合適自己的工作，合適自己的人吧。

如果真係不幸遇到唔得既社工/輔導員就找下一個，畢竟有心幫人既仍然好多，總會遇上的。至於最後去唔去馬，就你自己決定。

冇一個人可以完全明白/理解自己
連自己都唔得
以前嚴重少少嗰陣我有時會寫低自己當下嘅諗法
後來無意中搵返出嚟
我知係自己寫 但完全睇唔明
所以唔好諗住要人明白自己
尤其抑鬱緊嘅人表達能力都好差

至於搵機構 首先你要遇到好人先
我都算遇到個好好嘅姑娘
由成年人去輔導一個佢眼中嘅小朋友 佢都冇輕視我嘅問題
每次佢都會同我接返上一次講過嘅嘢
可能係佢工作流程需要記錄每次面談嘅內容
但當時feel到佢有上心 我感受都好好

好多時佢都係針對我嘅擔憂去提出建議
正常做法但我諗大家都知咁係冇乜用
控制到就唔使抑鬱啦

其實就係一個樹窿
將對身邊人講唔出嘅嘢全部釋放
好似會舒暢咗但其實係冇改變過任何嘢
不過我都好多謝佢聽我廢噏咗2年

都幾好人，抑鬱嗰陣如果有個可以依靠嘅人，應該會好好多

都係㗎
但你唔可能一直依賴佢
對佢嚟講我只係佢嘅工作

我應該唔算抑鬱，不過有好嚴重既焦慮症，但無真係出去睇過，而家慢慢改善左，都分享下啦

我成日會過度分析一d事
諗到最負面既可能性，未發生就會好緊張，又或者會瘋狂諗番之前可以做好啲但無做既事，然後會比好大壓力自己，越諗就越想叫自己唔好諗，但停唔到就loop

跟住就會好焦慮，心慌，抖唔到氣嗰啲，試過番工發作，一個上晝去10幾次廁所，但只有急，係痾到無野都會覺得急，好辛苦

然後我用「過度分析」既角度分析自己既睇法，睇左好多書，心理學YouTube

發現原來自己d性格係黎自細細個無左其中一個屋企人既經歷，好無安全感，好怕失去

同時又會同人比較，自我形象低落，最後跌入負面漩渦

首先我明白所有缺憾都係自己優點既一部分
eg ：
過度分析 -> 思考周詳
同人比較 -> 追求完美

其實已經都令自己無咁批評自己

之後就要好好處理呢啲負能量既源頭，細個既childhood trauma ，好好同屋企人道別，知道唔一定要比過去既經歷牽引住既

最後就係，比多啲愛自己，原諒過去既自己

有兩句我覺得好有用，希望幫到其他人：

第一句“You are the best version of you”
以前發生所有野都唔係你錯，因為你已經盡你所能去面對
今日你仲有呼吸有知覺，已經係好不容易既事

第二句就係同過去既自己講：
「你都好攰啦，之後嘅路等我支持你行啦」

就係咁
最緊要係揾到負面情緒既原因，唔好再怪責自己，原諒自己，慢慢就釋懷了

多謝你分享
我嘅性格同你好近似，好有參考價值，希望同時都幫到某個 CD rom
可能好多年之後有人搵到出嚟睇就有救

留名

晚晚返歸都想哭

成日唔開心想死

睇完醫生 佢話我係抑鬱加焦慮症狀
食藥之後個人情緒都算平穩 有效控制到焦慮帶嚟嘅心跳失眠

睇專科最唔好就係燒錢 不過如果令自己舒服到 用啲錢都係值得

抑鬱會令人好冇動力 所以想走出呢個狀態都係要逼自己尋求幫助 無論係睇精神科定係心理學家或者輔導

覺得自己疑似好鬱嘅狀況再復發，好低落、好絕望
聽日就覆診，亦都有見表達藝術治療
但無論轉藥、加藥，起初好多有啲幫助
不過最後都打回原形好辛苦
唔想入院

你俾你telegram我，唔肯定係咪可以同你傾到，但我試試。

重點係最尾嗰段
到最後真係要靠自己釋懷
各位take care

我覺得食藥只係輔助 更有可能出現依賴同抗藥性

諗下因咩出現呢個情緒改變
如果緊急 先避開令自己變差嘅要素
非緊急 就喺有藥精神時 建立返令自己開心嘅生活

有咩困擾呀

why

講真，呢幾句係事實。

不過情緒病人係求安同聆聽。

運動有用 一早個個都冇抑鬱啦