真係抑鬱嘅人根本好難主動求助，有無同感

其實好難
始終會覺得冇人明白自己
最後只有自己先解得開個結

試下食藥

有任何情緒問題，建議唔好上連登。

D人會叫你諗野正面D

個個人都有自己壓力同負能量，又無人有責任義務去承受晒你嗰啲負能量嘅下下都呻又真係感覺有啲煩，不如認認真真咁搵社工同埋治療師求助仲好

比人屌諗野負面,要正面一d。
久而久之就唔想再講野,反正講極都係比人屌

其實係 連登都叫俾個位可以放下負
好多野平時IG或者 fd都唔敢講

不了，小事玩下假膠ok，但好多人唔識分輕重，大事都玩。害咗人甚至害死人都冇件事。

千祈唔好同人講

只會一沉百踩

同比人覺得你奇怪

好返先同人講

唔緊要

ching對唔住, 係我口多咗

我本身冇咩朋友所以唔識點樣表達, 而且我都係先入為主咗

事實上都唔知點幫d抑鬱佬
就咁聽又話幫唔到手 比意見又驚唔岩聽
都唔知想點
不如你直接講想點仲好

其實係 好撚矛盾 大家都心知肚明唔會幫到自己

認真問，到底點先幫到抑鬱症嘅病人？

當然，佢地訴苦嘅時候最好就係認真聽，唔好畀太個人意見同judges佢地，甚至要話畀佢地聽已經好叻做得好好。但咁樣最多咪幫到佢地紓緩到當下嘅情緒，長遠幫唔到幾多次

有時有啲嘢係個loop嚟，你一直唔揾個位去改善，就只會一直循環/惡化。作為身邊人/朋友，真係唔想見到咁，但真係唔應該畀啲解決方法佢咩？

我自己覺得同經歷過，改變自己心態係可以改變好多嘢，所以我真係唔知咩先為之幫到

改變心態真係得？
抑鬱唔係真係身體上出咗毛病？

唔會一時之間好返晒，呢啲嘢係要慢慢嚟

同意我覺得唔比個人意見唔judge唔係對個個患者都有用，特別係抑鬱嘅人好多事都係有奇怪嘅執著、心結、自己諗埋一邊。

身邊有個抑鬱嘅朋友，群組入面個個都淨係聆聽，講啲咩已經做得好好，佢都有自己個人之處，要正能量啲。無人教佢實際有啲可以改善，結果佢日日係個group到放負loop幾單嘢，安慰完情緒變好，轉頭又打回完形，最後果班偽善者嫌佢煩杯葛佢

我覺得如果真心想幫患者，不妨私下同佢傾下，先試下佢係唔係願意聽人意見。如果肯聽可以叫佢list out呢加有咩煩惱，睇下有邊啲心結係可以改善，注意返比個人意見果時態度放軟、唔好笑佢嘅奇怪行為、唔好粗言穢語。我覺得用問題嚟引發佢反思幾有用，幫佢地做一做換位思考，佢地反而會講得出自己有咩做得唔啱

有個 mental health first aid嘅 standard action plan叫 ALGEE

A：Approach, access and assist with any crisis

假如你有個朋友你feel到佢唔對路
突然好大變化:行為/情緒/打扮上
要主動approach 佢 同佢講下你呢排觀察到佢變咗 問佢呢排發生咩事

同佢講 放心 你講咩我都會係到聽
如果佢唔想講咪9up下之後慢慢聊佢講到想講為止囉


假如個朋友觀察到真係有自殺念頭 （已經有自殘/成個人已經變得同之前好唔同），係需要直接問佢：你係咪有自殺嘅念頭呀？
（唔好問咩你係咪想做傻事呢啲負面嘅說話）

好多時我地驚唔問 係因為驚愈問愈衰 但其實如果你直接neutral 咁問佢 佢會有機會可以分享佢面對緊咩問題 點解會有自殺嘅念頭等等

唔洗突登避免“自殺”呢個字 都唔好污名化呢個字
由個朋友自己講佢嘅感受出黎 避免以下呢啲對話/行為：
- 下你呢個問題好小事姐咁都要去死
(DO NOT minimize person problem)
- 加油呀！開心啲！你好快可以搞掂啲問題架喇
(DO NOT gilb reassurance)
- 我之前咪又係xxxx 我都冇事！你都會冇事架！
(DO NOT interrup with stories of your own)
- 你夠薑咪去死囉
(DO NOT call their bluff)
- 你個樣似有抑鬱/bipolar, 你要做多啲運動 xxxxx 好快好架喇
（DO NOT attempt to give the sudicql person a diagnosis of mental illness)


L: listen and communicate non judgmentally

G: give support and information, 例如 同情佢嘅感覺 同時問佢需唔需要知道關於精神病嘅資訊
如果佢肯接收呢類型嘅資訊就可以落 E

E：encourage the person to get professional help

因為坦白講身為朋友可以做嘅野除咗上邊嘅真係唔多 只可以做一個中立嘅聆聽者 幫助唔到佢解決佢個loop 只可以鼓勵佢搵專業人士幫

同佢講坊間有咩專業人士可以幫到佢手
therapist 有好多方法幫到手 有唔同嘅congnitive, behaviour, problem solving therapy 藥呀 等等


E: Encourage other support
mental illness 係長期抗爭 要屋企人同身邊嘅朋友支持

雖然聽落好理想化 但係陪伴 同埋 non judgemental 嘅傾聽係真係幫好多

樓上好多都好有心好有意思 亦睇得出係有心幫有反省嘅回應 但係無論係有困擾者或佢身邊嘅人都覺得幫唔到/冇效之類
呢個係現實上必然會發生㗎 我地接受/讓呢啲事存在 (呢個係我地可以做嘅事) 係會唔開心 但正因為大家都"上心"先會唔開心

其實每人都有唔開心嘅嘢 我個人唔鐘意二分 一啲人有抑鬱 而其他人唔係
有時一班人中是旦一個有事 就算係有"抑鬱"嘅人 唔係就可以用佢第一身經驗去理解對方咩
其實解除困擾唔係一朝一夕嘅事 否則啲人睇幾次醫生就可以"藥到病除" 可以係性格/可以解到呢個結又有另一個結...
我冇乜講到 亦打唔到心入面嘅長文 最想講嘅係兩樣: 1. 一定要搵人傾 只求用多啲角度去睇件事 2. 唔好judge 可以advice...judgement可以係自己俾自己或俾人地 一句到尾judgement hurts
努力! 攰嘅休息下 有啲力就再做下 唔得又休息下 其實人人都係咁的 可能你要用更大嘅力更長嘅時間 但起到身反到身就努力下 欣賞下自己起過身出過力的過程吧!

ching 我想回應下"俾個人意見同judges佢地，甚至要話畀佢地聽已經好叻做得好好"呢度
X: 我真係頂唔順, 好辛苦
Y: 你食啲想食嘅嘢休息下先啦 (意見)
Y: 你咁就頂唔順嗱? (judge, judging X 咁已經頂唔順了)
Y: 你頂左咁耐已經好, 下次可以再試下, 又或者可以再頂多一次/頂耐啲 (欣賞, 意見[可以再嘗係意見])

Y: 你咁就頂唔順嗱? (judgment gives a negative response)
Y: 你頂左咁耐已經好, 下次可以再試下, 又或者可以再頂多一次/頂耐啲 (欣賞, 嚴格來講呢個都可以係 judge, but judgment gives a positive response)

我唔否認用字/語氣好有關
又或者你有冇例子? 可以講來大家分析下可以做啲乜?

如果你想搵人傾計, 可以試下搵外國既人
唔好接收太多依個臭港已經扭曲哂既價值觀

論壇啲閪人 更加唔好信
因為依度風向狗多到痴線

咁又唔係個個都係風向

始終自己先係最好嘅朋友

係架，唯有扮無野咁生活落去
夜晚有時自己偷偷地喊，
好怕比身邊既人知，
就算同佢地講，
好似只係帶左d負能力比佢地咁，
佢地又唔明自己諗咩，
所以到最後都係收埋自己算

正評 學到嘢