真係抑鬱嘅人根本好難主動求助，有無同感

千祈千祈唔好入啲圍爐group, 想好都難，當你有一刻好似正面少少嘅話就有千千萬萬隻手拉翻你落嚟。

嘗試一下寫信，係信入面講你想講既野，好好講番哂你屈係心入面既野。

如果係正面既野，寫完就係信入面多謝佢。
如果係負面既事:
如果係你對佢做左負面既野，寫完果件事就係信入面向佢道歉。
如果係佢對你做左負面既野，寫完果件事就係信入面正式原諒佢。如果有必要，你可以係原諒之前先係信入面講清楚佢到底點樣唔啱，你受到咩傷害，而佢應該點樣對待你。

如果唔屬於以上既野，只係有D野想講，咁講完就可以了。

係信既最後，正式向佢道別，作為你同佢之間一段關係既正式結束。

我有寫嘢抒發下, 但如果叫我唔好再去探佢, 我真係做唔到, 因為我對佢仲係念念不忘...

sorry唔係太明。過咗身點探佢?

不過你可以skip左最後果part唔道別先既，只係向佢講番想講既野，講心底話，道歉，感謝，原諒，之後有時間再繼續寫。

我諗係掃墓掛？
一係寫乜都好，寫完燒咗佢，當寄咗畀佢囉

成日有人話可以同佢講 先唔好話點講，我第一下諗到嘅係你會唔會講左出去。好喇當你好fd唔會爆響口，自己又唔想將所有野都講晒，好似當人垃圾桶咁結果就係寧願自己屈埋

係... 去佢靈位探佢,

至於抒情文, 我打喺自己fb 同ig 度...

你覺得痛苦，因為試過去同人講但係人地都接唔到你既感受

係，以前唔明點解人哋屈埋屈埋，當依家自己都有講唔出口嘅情緒時先明

個人認為，用紙同筆寫會好好多。你可以試下看看有無分別。fb同ig既話，有D野你或者會下意識唔講，因為驚俾人看到。但就算係私底下，都建議用紙同筆。紙同筆寫出來會正式好多，亦可以無咁多電子野干擾，可以更清楚咁表達懷念。

不過"正式向佢道別，作為你同佢之間一段關係既正式結束。"
並唔代表唔再去探佢/忘記佢。

寫呢封信係去完成番你同佢係人世間關係之中未完成而要完成既事: 表達心底感覺，並正式道歉，正式原諒，正式感謝；並係信入面正式承認番，你同佢作為人與人之間既關係已經完結左。信幫你完結既只係針對人世間，未去世前的關係。

所以，就算寫完封信，如果你對人死後有特別信仰的話，你之後仍然可以去探佢，表達懷念。

另一方面，人世間關係當中未完成既事完成左，心入面既負擔都會少左。

有本野叫The Grief Recovery Handbook, 20th Anniversary Expanded Edition: The Action Program for Moving Beyond Death, Divorce, and Other Losses including Health, Career, and Faith，你可以看看。

其實有時我都自問, 有啲嘢係咪我諗多咗... 詳情唔喺度透露太多, 唔想引人抽水

明白你怕連登仔抽水。我亦自問唔係好既聆聽者。

可以考慮下佢地。
https://www.fcec.caritas.org.hk/18288

你仲識得開post都仲有得救

介唔介意同你喺tg 傾?

https://t.me/oncheungroad

個人好焦慮 成日擔心太多 啲精力去哂擔心度返到屋企無哂動力 成日都搣自己手指啲皮好多講唔出既情緒同諗法 想參考意見，我應該睇輔導啲醫生

可以考慮下佢地。
https://www.fcec.caritas.org.hk/18288

向晴熱線
18288
困局與出路，往往只差一線。由李嘉誠基金會及社會福利署共同資助，我們的服務從不間斷地為面對家庭危機的人士提供即時危機評估、介入及電話輔導服務，並為有需要的服務使用者提供轉介服務，讓面對危機的人士能獲得即時的支援及關顧。

多謝你 但我接受唔到傾電話 感覺周圍會有人聽緊我講咩咁

我明
講完出黎都搵唔到明嘅人
每日不停loop住自己一個諗埋一邊真係好辛苦
到底幾時先可以完

1. 可以試下照打，不過問下有無text/線下服務
2. 有無讀緊書可以揾駐校輔導員/社工？
3. 有無試過OpenUp之類既服務？

同chatgpt傾可能仲好過啲社工

情緒病只有自己先幫到自己 求助不如自救
接觸多啲身心靈 禪修之類 會更加容易搵到所謂嘅出口

最慘係唔知唔開心啲咩⋯

好多人慘過你呢句真係呃人憎到

我明白，留個tg傾下