電鋸人/鏈鋸人漫畫討論區 [12] 垃圾東立load空氣

其實大家所講唔係品質上既差 係指風格同氣氛唔同曬
當然中間撈左一班期望太高既fans係度

動畫入面既角色個個都好似正常人咁 無左漫畫個種好不穩定同cult既氣氛
特別係電次實在太正常 明明漫畫佢無讀過書 係一個諗野忽忽地既青年
但係動畫既電次似係一個受左義務教育 有禮貌同良好思維既正常人
搞到動畫同漫畫好似兩套野咁
你問我覺得係咪唔好睇好垃圾我會答唔係 其實都ok既
只不過會覺得動畫既電鋸人唔係漫畫既電鋸人

不過講得多又要比人屌鳩你係動畫大師
一開頭動畫post班人惡撚到唔比人批評
而家bd賣得2000幾呢班人唔見曬

我係睇晒漫畫先睇動畫
其實都合格唔係差得咁緊要
係個tone嚴肅向, 搞到無里頭搞笑位弱化左
做最後期死人冧樓劇情情其實會好夾
但期待睇電次on9位既會失望囉
動畫剩係做到踢下體果度完就有D錯配

而技術上有幾集明顯睇得出用左AI補幀
所以搞到動作節奏好怪
即係唔係全部格數畫晒, 中間係AI自動Render出黎
呢個技術有左好耐但因為有以上問題好少動畫用
其實係最影響觀看體驗既位, 唔知點解做D咁實驗性既野
好多動畫大師以為係3D, 但其實真係3D既位好少

同埋BGM真係浪費左牛尾, 落得太低調
如果成套野完美無缺BGM低調係OK既
佢套野未做到, 又無音樂帶住就搞到問題顯露晒出黎

成套野處理電次無里頭同on9位係做得差既
但做死人冧樓做得幾好, 成件事錯配晒
如果做到最後面既劇情其實夾

分鏡同劇情對白都8成跟動畫
我覺得係BGM落得太低調同節奏既問題
搞到你覺得人物性格太正常

正常討論點會有人話你
係之前有班白卡唔識扮識咩都話係3D
又話唔應該用電影鏡頭, 仆街原來係講緊長鏡頭
D專有名詞講錯野點溝通呀, Google下好難咩
又集集都都重覆果幾句搞到令人煩躁

另一方面又有堆白卡未播已經吹到會變神作

真 動畫冇哂d好誇嘅表現搞到冇咁尻

開始有啲唔鍾意奶油多
愈黎愈似瑪奇瑪 諗起佢點害死電次身邊啲人

屍體在說話

唔知係咪我問題,bgm 根本唔夾,成日一聽好出戲,反而係有一段打永遠惡魔果度用咗ed做bgm 反而勁夾

作曲係牛尾肯定唔差既
惡魔人crybaby都係佢作曲既
之前咁多段PV都好正, 無換人作曲架
係正篇tone down到完全唔覺尢其頭5集
直接聽返個ost list會不停係到諗呢首有出現過咩

冇特登去搵劇透
劇透大慨講左咩？

祂還只是個孩子

根本就係漫畫黨有一班人就想講自己一早識欣賞好作品黎攞優越感，
動畫黨(其實都唔知係咪)就有一班人想借反熱潮黎攞優越感

我由漫畫一開始咁濟就有睇，都唔係一開始就鐘意，都係到後面開始黎料先覺得正，講真動畫第一季D劇情完全唔記得咁濟

對我黎講，只要有動畫睇就已經好開心當然佢做得唔好你可以批評，為佢感到可惜，
但我真係唔明點解有D人係為左依件事而開心，咁個D人其實都唔係鍾意電鋸人，同佢地冇野好討論

同埋分黨唔係問題，但乜野"動話黨唔係點點點"，"漫畫黨唔係點點點"，
講到好似另一邊係對立面咁，屌你老母都on99

電次真心幸福 已經係第三條女主動kiss佢

係去到落地獄打後先愈來愈好睇
前面都仲係到行緊盤好大既棋
所以動畫第一季唔太差我已經覺得合格
我識得大部份睇晒漫畫既都係咁覺得

我覺得係有部份純粹憎 MAPPA
果種憎同跳制除左有血海深仇之外解釋唔到

你有動畫睇就開心係你既事,我唔會因為有部咁既作品而開心,我相信有一大部分人都係。
咁難得有動畫化既機會,大家梗係期望好似隔離孤獨咁,將作品魅力展現出黎,甚至昇華作品,令未睇過既人都會感受到我哋感受既快樂,再睇埋漫畫。
但我哋得到啲咩？一個唔理解作品既監製,慢節奏既所謂電影感,刪表情,壓聲線......出嚟係咩結果？達唔達成到吸引人鐘意電鋸人既期望？睇bd數字我相信答案係否
一套你鐘意既作品畀人攞嚟做踏腳石,你話嬲唔嬲？依家睇到佢仆街,又開唔開心？
橫掂第二季係必定既事,正如大家所講MAPPA 又冇蝕到,我洗乜咁擔心？

得一個 shot 就開始唔鐘意

掉返轉咁講 由一開始 Mappa 負責動畫化已經覺得瀨嘢

電鋸人武戲係好睇但係精髓係文戲

我覺得Mappa整得最差就係啲3D跌flame打鬥

佢既意思係有班人見到動畫銷情仆直好開心
有班人唔係嬲而係打緊香檳慶祝

點解你會覺得第二季必然
就算有第二季拖過三五七年過晒熱潮都死啦

咁第二季拖個三五七年係因為我哋笑鳩佢bd銷量？所以我哋應該奮身買bd等佢知道下一季可以繼續用個自大監製,因為我哋有動畫睇就好開心？

而且最緊張果個梗係MAPPA ,個ip 攞係手咩都唔做等蝕錢？MAPPA 自己識唸,你洗撚同佢咁擔心,學啲人話齋淨係賺流量都賺唔少,你估佢真係會唔出第二季？

3D動畫係唔會跌flame嫁
最流暢就係3D
3D做打鬥既問題係太流暢難做到打擊感
電鋸人唔係跌flame係用左AI補幀, 大部份位都係2D黎