[中六續集][愛情][懸疑?]擁抱,失憶(重修版)

214 回覆
3 Like 6 Dislike
2023-03-21 01:54:04
2023-03-22 15:23:43
六十九.
「你話點就點啦。」

我講完就捉住佢,準備推佢上床。

佢拍咗拍我手臂:「等陣先。」

有咩未做?

「萬事俱備架喇喎。」

我冇搞錯啩。

「你企錯位啊,同我調位啦。」

是但啦。

我同佢調位:「咁樣?」

應該冇錯喇啩。

「咁就啱喇。」

佢講完就一嘢推咗我上床,之後就坐咗上嚟。

我怕羞咁擰轉面:「喂呀!」

佢冇理我,專心咁繼續佢嘅攻勢。

佢摷起我條衫用脷尖輕輕咁掂落我Lin頭到,而隻手都隔住條褲溫柔咁按摩我袋底。

我就好似女仔比人吉中G點咁嗌到拆樓咁嘈,而下面都扯到好似食咗偉哥咁。

佢摸咗摸我碌嘢:「差唔多喇。」

佢講完就一嘢除低我條褲,之後就幫我戴套。

//

經過一輪翻雲覆雨,我哋唞曬大氣咁攤喺床上面。

「好攰啊。」我好似狗仔咁趴喺佢身上面。

好彩佢係買三個裝,如果係六個裝嘅話就真係精盡人亡都似。

「你有咩咁攰啊傻佬?」佢敲咗敲我個頭:「明明全程都係我郁。」

好似又係。

「知喇傻婆。」我用頭抆咗抆佢:「唔好嬲嬲啦。」

我顎高頭之後就扁曬嘴咁望住佢。

「冇嬲啊傻佬。」佢微笑:「不嬲都係我郁架啦。」

好似又係。

「冇嬲就好喇。」我嘟嘴:「要錫錫!」

佢好溫柔咁摸咗摸我個頭,之後就耷低頭蜻蜓點水咁錫咗我一下。

「好攰啊。」佢打咗個喊路:「瞓喇好冇?」

大家都咁攰,梗係好啦。

我爬落少少之後佢就好似平時咁攬住我,而我就好似BB咁縮埋一舊。

「早唞喇傻佬。」佢冚被,仲冚埋我個頭。

咁樣會缺氧架。

「等陣先。」我拉低張被:「早唞喇傻婆。」

//

「我要去做嘢喇,今晚八點幾喺旺角收工。」我留咗個Message比佢。

我所謂嘅做嘢其實係將隻草戒指帶離嗰個隨時會比佢發現嘅地方。
2023-03-23 02:02:25
2023-03-24 12:42:26
七十.
我周圍行嚟行去,好快就嚟到八點。

//

「傻佬!」啊晴衝向我。

我擘大雙手,之後就同佢攬埋一舊。

「我哋去食嘢先?」我問佢。

我估你都餓架喇。

「好啊,我要食譚仔!」佢喺到揈我隻手。

唔係咁好嘅,話曬一間單嘢咁重要。

「去鋸扒好冇啊?」我諗咗陣:「定係你有嘢想食?」

食貴啲啦,搞好個氣氛佢。

「做咩無啦啦食咁貴啊?」佢上下來回咁掃視我:「今日咩日子?」

我先唔會同你講。

「冇特別架,想食咪食囉。」

先冇咁易比你Chok到。

「唔通你…」佢皺曬眉咁望住住:「做咗虧心事?」

我呢啲擔屎唔偷食嘅人會做啲咩虧心事?

「冇啊。」我輕輕敲咗佢額頭一下:「食懵你啊傻婆?」

咁諗我嘅,抵打。

「喂呀!」佢扁嘴:「呢餐就食到你破產。」

無任歡迎,睇你爆肚先定我破產先。

//

「唔排得喇。」櫃台姐姐答啊晴。

連排都唔排得。

「唔該曬。」啊晴微笑點頭。

雖然佢微笑緊,但都只不過係因為禮貌。

//

我千算萬算,都係算漏咗樣嘢。

今日星期日,唔Book位根本連屎都冇得食。

//

我哋行下行下就嚟到兆萬,而啊晴竟然…

「不如上去睇下?」佢問我。

唔係啊?

我吞咗啖口水:「你認真架?」

會唔會無命出嚟架?

「我認真架,其他都冇位。」

對唔住。

我耷低頭:「我下次會Book位架喇。」

搞到你連飯都冇得食。

「冇事啊。」佢摸咗摸我個頭:「行啦。」

//

「有放題喎。」佢停喺一間放題前面:「食呢間好唔好?」

放題本身就冇咩問題嘅,但喺兆萬食放題就…好似唔係咁好囉。

「你想食?」我問佢。

如果你想食嘅話就食啦。

「咁行啦。」佢趷高腳望入去:「有冇人啊?」

佢講完之後裡面就傳嚟腳步聲,之後一個啊姨就嚟到我哋面前。

「係咪食嘢啊?」啊姨問我哋。

嗌你出嚟唔通搵你傾計咩?
2023-03-25 01:58:09
故事好似都圍繞飲飲食食,仲未進入到高潮。
2023-03-25 03:04:44
高潮嚟講,成個故都係偏慢(就嚟悶死曬啲人)
2023-03-26 14:13:52
七十一.
「兩位啊唔該。」我同啊姨講。

快快手啦唔該。

「你哋好彩啊,咁啱好有位。」啊姨答我。

佢講完就行咗入去,而我哋就跟住佢。

//

入去之後我有一句嘢好想講…

「你肯定呢個叫做咁啱好有位?」

你個場連烏蠅都冇隻,空到直頭可以拎去打War Game喎大佬。

不過個場空都唔代表啲嘢難食嘅,話唔定係隱世鋪頭呢?

人與人之間係應該要有信任架,比次機會佢啦。

//

雖然去食放題通常都應該要食下刺身同壽司,但特別嘅鋪頭應該要有特別嘅對待。

我哋暫時淨係嗌咗兩個湯烏冬,話曬一間仲有行程。

//

我懷疑呢間鋪嚴重人手不足,因為真係等到蚊都瞓。

等到我哋差唔多瞓著嘅時候…

「兩個湯烏冬。」啊姨將兩碗冚咗蓋嘅湯烏冬擺上枱。

又係你嘅?

加埋呢個製作速度,廚師應該都係佢。

我絕對欣賞啊姨你呢個一腳踢嘅精神,但如果我一間肚痾嘅話都係會投訴你。

//

我開蓋:「你嗰碗咩樣架?」

一定係出咗啲意外啫。

啊晴開蓋:「一樣。」

呢間其實係提倡健康飲食嘅鋪頭,唔接受任何反駁。

湯烏冬全名係清湯烏冬,而清湯講緊嘅係雞湯之類嘅嘢。

我相信大家都係咁樣理解,但睇嚟廚師有唔同嘅睇法。

佢個湯係清到冇味嗰隻,因為佢係…

清水嚟架仆街!

「都好合理啫。」啊晴同飲咗啖湯。

咁合理咩?

「願聞其詳。」我食咗條烏冬。

無味,但至少食得。

「清水咪夠曬清囉。」佢苦笑。

你咁講…

「都冇錯嘅。」

現代人餐餐都味精,一餐冇味精都唔係好過份啫。

健康啲就可以慳返啲醫藥費,到時咪藥箱都變手飾箱。

佢比咗個讚我:「正能量啊。」
2023-03-27 02:14:31
2023-03-28 13:29:05
七十二.
喺啊晴嘅正能量攻勢之下,啲嘢食都好似變得冇咁難食。

或者唔係因為佢嘅正能量攻勢,而係因為…佢。

有時覺得啲嘢好食唔係因為嗰樣嘢取悅咗你味蕾,而係嗰餐飯取悅咗你。

只要你嗰餐飯食得開心,啲嘢食就一定係好食。

啲嘢食係咪真係好食?可能係,但更多係因為心理作用。

點解啲人成日都講日心理作用?因為心理作用,真係好有作用。

如果心理作用冇咩作用,呢個世界點會有咁多人有信仰?

明明冇見過耶穌都覺得向佢祈禱有用,呢啲仲唔係心理作用?

搵到好食嘅嘢并唔難,話曬而家IG有成千上萬個講美食嘅Post。

但要點食到一餐開心嘅飯?無人知。

但要點避免食到難食嘅嘢?係集中。

當你集中咁望住一樣嘢嘅時候,佢周圍嘅嘢都會變得模糊。

望嘢係咁,食飯都一樣。

當你專注咁同你個飯腳傾計,你就會連自己食緊咩都唔知。

我都好專住咁同啊晴食飯,差啲唔記得咗一間仲有地方要去。

//

「食飽飽。」啊晴伸咗懶腰:「返屋企喇。」

你就想。

「仲有樣嘢未做。」我拎個眼罩出嚟;「戴咗佢先。」

絕對唔係我冇橋。

「你又抄橋!」佢扁嘴:「都冇新意嘅。」

條橋係舊架喇。

「咁你覺得咁會唔會正啲先?」

咁你受唔受啊?

「係正少少嘅。」佢露出尷尬而不失禮貌嘅微笑。

佢講完就果斷咁拎走個眼罩戴好。

「你唔洗掙扎下架咩?」

你諗都冇諗過咁喎。

「條橋係我諗出嚟架。」佢嘆氣:「我點會驚自己條橋啊?」

好似又啱。

「你估下我哋跟住要做咩?」

你絕對估唔到。

「要去啲特別嘅地方?」

唔係。

「錯曬。」

估多次。

「唔估喇,你同我講啦。」

其實好簡單。

「係埋單。」

我講完之後佢就送咗兩隻中指比我。
2023-03-28 23:51:22
2023-03-30 13:05:52
七十三.
「搞掂咗架喇。」搞佈置嗰邊連埋張相咁Send咗個Message過嚟。

一切都嚟得啱啱好。

//

我埋單之後就返嚟帶埋佢走,行咗一陣就嚟到之前Book好咗嘅Party room出面。

我除走佢個眼罩:「到喇。」

應該一開門就會見到嗰啲超正嘅佈置。

佢眨咗下眼之後就望咗下周圍:「你唔係又抄橋啊嘛?」

咩啊?

「冇抄啊!」

真係嬲架。

「呢到就有啲似係…」佢皺眉:「酒店囉。」

咩啊?

「邊忽似啊?」我顎高頭:「都…」

其實都幾似。

「都話架啦。」

都唔知點解呢棟工廈會屎忽痕到用橙黃色燈。

「總之就唔係啦。」我開個QR Code出嚟:「一間唔好嚇親啊。」

因為我睇到張相之後都嚇親。

講真,個佈置直頭係電影級別。

「你嚇鬼啊大笨象!?」佢擺好架步:「開嚟見我!」

其實呢…

「裡面冇人要同你隻揪,可以唔洗起曬鋼咁。」

唔係去踢館啊。

「好似又係。」佢又變正常。

咁咪幾好。

「嘟!」

電子鎖解開。

我推門:「行啦。」

我哋一齊行入去,閂門之後就企咗喺門口。

「準備。」我將隻手擺落燈掣到:「三、二、一。」

隨住我倒數完,燈掣都比我啪咗落去。

啲燈眨咗幾下之後就著曬,而我哋都終於見到眼前嘅佈置。

雖然已經睇過相,但親眼睇真係震撼好多。

當然,都有可能係我未見過大蛇痾尿。

呢到成塊地都係粉紅色氣球,而正中間就有一個心心。

個心心係用玫瑰花瓣鋪出嚟、燈條圍邊,裡面仲有一個用燈條整出嚟嘅「Love」,唔講真係以為拍緊劇。

我望向啊晴:「點啊?」

佢O曬嘴、成碌木咁棟咗喺到,好似定咗格咁。

我再嗌多幾次,佢終於有反應。

「點解嘅?」

你唔記得喇?

「我之前話要表白多次同埋求多次婚架嘛。」

依家就做比你。

「咁你呢個係表白定求婚?」

呢層呢…
2023-03-31 03:38:25
2023-04-01 15:51:38
七十四.
我微笑:「你而家咪知囉。」

我講完就喺褲袋到拎隻戒指出嚟單膝下跪。

佢驚訝到雙手撳住個嘴:「你之前收埋嘅嘢就係呢個?」

冇錯就係佢。

「一隻草戒指。」

雖然冇戒指盒,但我都係用返標準手勢咁托住佢。

「你合埋眼諗下嗰時係點同我講。」佢扮曬高逗咁擰轉面:「太Hea我唔收貨架。」

知道喇。

「咁你要等陣喎。」我合埋眼:「個人老咗,轉數有啲慢。」

要醞釀返當時個情緒出嚟唔係咁易架,話曬我又唔係演員。

//

旺角街頭逼滿曬人、塞滿曬車,想插枝針都插唔落。

可能你會覺得我黐黐地,因為我決定要喺呢條毛都插唔入嘅街到求婚。

//

「晴晴公主。」我搭住佢膊頭:「我想食枝煙。」

佢扤咗扤頭,之後就拉我去垃圾桶隔離。

「唔好喺到啦。」

我拉咗佢去朗豪坊側門個雕塑到。

「喺到咩?」佢皺眉:「有啲特出喎。」

梗係要特出啲啦。

我單膝下跪:「綁個鞋帶先。」

我拉散個結再綁多次,之後就伸隻手入褲袋。

「你個傻佬真係麻鬼煩。」佢好嫌棄咁望住我。

你以為我要拎煙?

我一嘢抆咗戒指盒出嚟打開:「咁樣麻唔麻煩?」

麻煩就唔講咁多架喇。

路人見到都開始圍觀,而我哋就好似摩西咁喺人海之中開咗個空地出嚟。

路人開始大叫口號助攻,真係夠曬疊馬。

「我願意。」佢直接應承咗。

你咁跳嘅。

「一間先講啦,我仲有對白。」

比我講多幾句先啦。

「而家啲人求婚都會搞好大壇嘢,而因為我冇錢請老臨,所以我決定將路人當成我嘅老臨。」我苦笑:「雖然唔係啲咩名牌子出品,但我盡咗力架喇。」

雖然我冇咩能力,但我會比我能力範圍內最好嘅嘢你。

「多謝你陪我行咗咁多年,而我都希望你陪我繼續行落去。」我深呼吸:「所以向晴小姐…你願唔願意嫁比我?」

多嘅就唔講喇,在心中。

你而家可以講嗰三隻字喇。

佢顎高頭不斷用雙手撥眼,用咗一陣先冷靜到。

「我願意。」佢伸隻左手出嚟。

我將其中一隻戒指戴落佢中指,之後再將另一隻戴落自己到。

路人嘅口號由「嫁比佢」變咗做「咀佢」,而我都毫不猶疑咁企起身錫落去。

我合埋雙眼,路人嘅叫聲漸漸收細,最後變到一粒聲都冇。

我退開:「我而家多咗個稱呼。」

一個喺你人生中得我有嘅稱呼。

「老公。」

你都多咗個喺我人生中得你有嘅稱呼。

「老婆。」

佢聽到之後笑得好甜,直接笑融咗我個心。

幸福嘅女人果然最靚。
2023-04-01 23:46:23
依家幾歲? 咁早結婚?
2023-04-02 00:17:42
28
2023-04-02 00:18:05
文中提及嘅求婚係27
2023-04-03 12:20:22
七十五.
//

「你講未架?」佢彈咗我額頭一嘢。

佢咁樣一彈,直接將我由回憶彈返去現實,差少少變埋離魂記。

掛住諗舊時,都唔記得佢等緊我講嘢。

「而家講。」我清咗下喉嚨:「雖然真愛冇一個客觀嘅定義,但我覺得你就係我嘅真愛。」

//

愛冇一個客觀嘅定義,更何況真愛?

人會講得出真愛同愛,完全係源自於感覺。

我覺得真愛,就係陪你行到人生盡頭嗰個。

而家,我想邀請你陪我一齊行落去。

//

「咁點解係草戒指嘅?」佢問我。

有兩個原因嘅。

「你唔覺得草戒指代表我哋嘅感情好純粹咩?」我微笑:「冇銅臭味之餘,仲有浸青草味。」

我講完都覺得有啲怪怪地。

「愛情有青草味唔太老嚟喎。」佢苦笑。

咁又唔係嘅。

「講緊好天然同冇雜質啫。」

冇咩特別意思。

//

其實求婚最重要嘅係咩?

戒指、地點、排場,定係對白?

除非你黐線到喺M記求婚,否則最重要嘅係心。

//

「仲有冇嘢講架?」佢扁嘴:「都冇諗過嘅。」

你就冇諗過。

「梗係仲有啦。」我又清咗下喉嚨:「你記唔記得嗰時我飲到醉曬咁走去返學?」

如果冇記錯應該係中六開學幾日之後發生嘅事。

「梗係記得啦。」佢敲腮:「勁臭囉唔該。」

嘔吐物又好難唔臭嘅。

「總之就多謝你陪咗我咁多年、照顧咗我咁多年啦,希望你可以陪我一齊行埋淨低嘅人生。」我深吸一啖氣:「或者我唔係最靚仔、最有錢嘅新郎,但我會盡力咁去付出我嘅愛、照顧你、珍惜你,令你成為最幸福嘅新娘。」

大概係咁啦。

「喂呀,好公廁啊啲台詞!」

橋唔怕舊。

「咁你鍾唔鍾意吖?」

都最要受。

「你話呢?」佢抺咗下對眼:「我願意。」

咁就掂曬啦。
2023-04-04 01:02:09
其實之前同結婚差唔多
2023-04-04 08:19:21
求咗未結
2023-04-06 08:27:32
七十六.
我將隻戒指套著佢中指:「又幾靚喎。」

我整架嘛,梗係要讚下自己啦。

「你咁厚面皮架。」佢搣住我塊面:「不過兩隻擺埋一齊又真係幾靚。」

一個亮銀色,一個青草綠色,都真係幾特別。

「嗱,係咪啊?」

都話我勁架啦,係都要死要面咁唔讚我嘅。

「係喇係喇。」佢攬住我:「最叻係你喇。」

咁就差唔多。

「我就係最叻嘅男人。」我戚一戚眉:「I am the king of the world!」

你話我係最叻架嘛。

「咁得戚架你。」佢扁嘴:「扣你分。」

吓,點解又扣分嘅?

「我又做錯啲咩?」我黑人問號咁望住佢。

想問有冇錦囊?五十五十或者打電話問人都得架。

「你唔覺得好怪架咩?」佢舉起戴戒指隻手。

有咩咁怪?

「又靚又啱Size,冇問題啊。」我捉住佢隻手左望右望:「定係有臭青味?」

應該冇架。

我講完就趷個鼻埋去索咗嘢,但都係冇任何發現。

「唔係啊。」佢彈咗下我額頭:「你邊到鄉下架?」

「咯」一聲,我反射動作退後。

「咩啊?」我皺眉:「邊到嘅人都係咁求婚架啦,會有唔同架咩?」

係咪有啲地方會倒住立咁求婚架?

「唔係啊。」佢揈咗揈隻手:「你再諗下。」

咩啊?

「開估得唔得啊?」

諗到頭好痛啊!

「你真係傻佬嚟架喎。」佢用意味深長嘅眼神望住我:「你記唔記得自己點解要求多次婚同表多次白啊?」

我知啊。

「因為你到時會咩都唔記得啊嘛。」

所以咪要求多次婚,將個記憶接返佢囉。

「咩都唔記得係咪?」

係啊。

「冇錯啊。」

咁咪要求婚…

等陣先。

「冇錯你個頭啊!」佢再彈我額頭一嘢:「邊有人同陌生人求婚架!?」

你唔講,我都唔鬼記得。

「咁點搞啊?」

收返得唔得啊?

「冇得搞架喇。」

咁好大鑊架喎。

「度下先啦,一定有得搞嘅。」
2023-04-06 13:47:47
喺唔喺為愛甦醒。
2023-04-07 12:05:36
七十七.
你咁醒目,一定有計嘅。

「我諗到喇!」佢躂咗下手指。

都話架啦,就講就有。

「講嚟聽下。」

我盡做啦。

「隻戒指照Keep。」

吓?

「你唔係話同陌生人求婚好怪架咩?」

咁唔係一鳩樣咩?

「照Keep,但佢而家係定情信物。」

咁嘅話…

「好啦。」

你話事啦。

等陣先…

「咁戒指變咗定情信物,咁求婚嗰陣再嚟多隻咪戴滿隻手指咁滯?」

冇話唔得,但就怪怪地囉。

「咁我就唔知喇,你自己諗啦。」

嘩,你玩咁大?

「Er…咁我再諗啦。」

諗多樣嚟求婚應該易過諗點拆。

「咁就得啦。」佢壁咚我。

其實呢…

「有閉路電視架。」

我唔想喺連登見到自己。

「你諗咩啊傻佬?」佢彈咗下我額頭:「咸濕佬。」

你咁搞法,我好難唔誤會架喎。

「明明就係你問題。」

講到我對住咩都有性幻想咁。

「係喇係喇,你直頭同聖人一樣啊。」佢縮手:「行喇。」

我望下錶,原來都差唔多時間。

「行啦,返去食宵夜。」

搞搞下都肚餓。

「唔要啊,我就嚟變豬喇。」

唔緊要啦。

「變豬都係向晴就得啦。」

就算你變咗做三百磅大肥婆都好,我都係咁愛你架。

「你個傻佬今日飲完油嚟?」

冇啊。

「氹你洗鬼飲油咩。」

發自真心架嘛。

「係喇係喇,最叻係你喇。」佢伸脷:「行啦!」

//

我哋登上返去嘅巴士,照舊都係嗰兩個位。

但今次有啲唔同,因為我同佢調咗位。

「做咩今日想坐入面嘅?」我問佢:「你唔係鍾意坐出面挨住我架咩?」

突然唔同咗,有啲唔慣。

「冇啊,想知你個位睇到啲咩。」

咁諗返,你又真係好耐冇睇過街景。

「咁我挨住你架喇。」

你轉去睇街景,我轉去挨住你,成件事啱啱好。

「不嬲都挨得。」佢撥咗下個膊頭:「嚟啦。」

我挨落去,而佢就一手托頭,一手搭住我。

佢隻手扣實我,上下來回咁掃我手臂。
2023-04-08 02:21:07
2023-04-10 13:49:21
七十八.
「其實有咩好睇啫,又咪石屎森林一個。」我顎高頭。

嚟嚟去去都係咁架啦,有幾大分別啫?

「唔知架,睇下咪知有咩好睇囉。」佢望住我:「你都睇咗我咁多年啦,有變過咩?」

咁又唔同喎。

「睇你唔會厭,但睇出面會。」

你就幾時睇、打直睇定打橫睇都係咁好睇,因為係你。

「係喇係喇,你條友真係呢。」啊晴含笑:「把口油到呢。」

冇油到囉。

「講事實咋嘛。」我篤咗下佢塊面:「你冇變過,出面都冇變過。」

一切都同以前一樣。

「咁你就唔啱啦,係兩個都變咗。」

願聞其詳。

「有咩變咗?」

我又真係冇留意到。

「嗱,嗰棟咪上咗新油囉。」佢指住出面:「以前都冇咁白嘅。」

我望出去,真係白過以前好多。

「係喎,都冇留意添。」

真係你指住嚟講我先發現。

「成日坐窗邊位都唔知嘅,你真係。」佢彈咗下我額頭:「仲以為真係有認真睇,原來係扮文青嘅。」

嗱,你唔可以咁講架。

「真係有認真睇架,不過變化太細睇唔出啫。」

你講幅牆又真係難啲發現嘅。

「變化從來都係微細架,大嘅就唔叫變化啦。」

咁你又冇錯嘅。

「但係大嗰啲叫咩?」

真係冇考究過。

「大嗰啲咪叫轉折囉。」

變化係講緊同一樣嘢,但轉折係直頸變咗另一樣嘢。

「咁你係變咗,定轉折咗?」

你就覺得你頂盡都係變咗啫,未到轉折。

「有咩所謂啊,呢啲都唔重要。」

可能係啩,但…

「我想知啫。」

你係我背後嘅女人嚟架嘛,想知多啲都正常啊。

「變化定轉折都好,最後都係選擇返同一個咪得囉。」

你意思係…

「肉麻嘢唔講。」佢讀咗我心仲答埋我:「咁你呢?」

同你一樣。

「冇後悔過,都冇變過。」

再多就唔講喇,在心中啦。

「你攰就瞓陣先啦,差唔多到就叫你。」

//j
2023-04-11 23:58:56
七十九.
「起身喇。」佢拍咗咗我膊頭。

瞓死咗。

我坐起身捽咗捽眼:「到喇?」

睇嚟我真係好攰。

「嗯,落去先啦。」

//

我伸咗個懶腰:「瞓到腰都斷咁滯。」

瞓嘅時候挨住佢膊頭,醒嘅時候去咗佢大脾。

佢有時都係咁,不過我都唔會搞佢。

費事嘈醒佢啦。

「啫係你而家怪我啦。」佢翹埋雙手。

咁又唔係。

「絕對唔關你事,一定係我條腰老化。」我摸咗摸條腰:「仆街喇,條骨移埋位添。」

年紀大咗真係搞唔撚掂。

「移左定移右啊?」佢磨拳擦掌:「講嚟聽下,啊姐我學過正骨。」

碌柒。

「應該係左,但都可能係右。」

咁樣答一定冇…

「我屌!」我痛到爆粗。

佢雙龍出海、一左一右咁拍落我條腰兩邊。

「我想問呢個係糾正緊啲咩?」我撳住條腰。

當移左拍左、移右拍右,咁你拍中間係咩事?

「冇架,純粹想拍你。」佢伸脷。

你隻野真係…

「比我捉到你就仆街!」

佢聽到就即刻起跑,而我就喺後面撳住條腰柺下柺下咁追佢。

「追到我先算啦!」佢停喺到挑釁我。

//

嚟到屋企樓下,我直頭差佢成條街。

佢開定門等我,但我好似見到啲嘢。

樹枝…好似唔應該有呢種形狀。

我嚟到啊晴身邊:「你返去先,我想打個緊要電話。」

我覺得我有必要睇下咩料。

「咁你搞掂就快啲返嚟啦。」

佢講完就入咗去,而我就行埋去嗰棵樹到。

//

「喂!」我向住樹頂嗌。

我講完之後樹葉互相磨擦而發出嘅聲音就變大咗,肯定有啲嘢。

呢個唔似係英倫啊伯,佢唔會匿埋。

「出嚟啦,聽到曬喇!」我嘆氣:「做得出唔夠膽認就唔好做啦。」

通常激將法係…

「係我。」我身後傳嚟一把熟悉又陌生嘅聲線。

有用好多。

我轉身:「我知吖。」

不嬲都知,不過之前唔Firm,而家Firm咗咁解。
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞