歌影視文化：
當時韓流未入侵，本地十幾廿歲啲後生仔基本上全部都追本地明星
本地歌手隨便都up得出幾首名作，廿年後而家仲唱緊
英皇歌手雄霸樂壇，追捧程度全盛時期同而家mirror有得比
當時仲未有太多合拍片，港產本土電影大放異彩，經典無間道唔提，龍咁威、頭文字d呢啲經典睇到識背
TVB都仲未淪落到而家咁，當時求其一套劇都會成為話題，間中有金枝慾葉、溏心風暴呢啲佳作甚至會成為全城焦點
娛樂方面：
PSP, PS2, NDS陪伴左好多中學生渡過年青時期
當時放學活動就係去同學屋企開ps2打winning, 又或者去M記圍埋屠龍
再唔係去機鋪放低幾蚊玩seed d, gvg
女仔就用nds玩孖車
除此以外仲有好多創意爆棚嘅game, FF, 塊魂…
相反而家PS5 switch時代，先唔講啲game千篇一律，你有幾耐冇同fd聚埋一齊打機？
機鋪而家已經變成廢老賭馬同煲煙嘅聚集地
網上文化都係呢個時候爆發
高登高質之餘每日都有笑料，大量高手改圖改歌
加上2.0興起，google youtube技術成熟
多人用bt, 版權意識又未有而家咁高
基本上每日打開電腦已經可以接觸全地球，獲取全世界嘅娛樂
政治方面：
03年人民政治覺醒趕走老董，市民開始了解人民嘅力量
曾蔭權無為而治，當時都有人屌但又未去到天怒人怨嘅地步
人民有充分嘅遊行示威言論自由，上至共產黨下至局長任鬧唔嬲
當時mla仲有首歌叫donald tsang please die, 我地實上街，基本上冇人譴責
你試下而家寫首歌叫pikachu(真名) please die, 第二日應該即刻有警察上門
但當時香港人都未有而家咁熱衷政治，至少政府當時係尊重市民，市民冇咩事都唔會反政府，寧願花時間炒股炒樓
總括黎講，00年代嘅香港人應該係最快樂嘅
