良心AA 您問我答 38

完左喇 仲移民潮要走要等到依家？

Yes 所以宜家仲會有少量優質貨放出黎
但普遍個價都係極硬
如果唔係急移民，我諗連果少量貨都唔會見到

質素一般嘅貨，只要一表現出急出貨，即刻俾全世界㩒到不似人形
只要一個認命，後面好易就兵敗如山倒

作為業主，只可以希望果一間半間劈價係個別例子，其他業主全部企硬，咁先可以撐多一排
一兩間低價成交都仲頂得住，當出左3 4間類似價，令個價成為當區主流，到時擋都擋唔住

咁唔排除有小量業主係先走後賣
我宜家都接觸緊個業主已經移左台灣，宜家返黎專門處理出貨

優質貨有其他人搶好難劈 有冇攻略

作為你應該想佢地減多d，最緊要有成交，2邊都企硬無意思

有咩攻略咪就係價高者得/等個大市再跌。
你唔係幻想你/aa講多兩句，業主會因為咁就減咩

優質貨你預左個價好難劈得郁
只可以盡砌
唔好預太多，基本上係預佢報個底價再落小小
你如果仲想大劈砌佢，都係建議慳返啖氣好過

通常呢D貨嘅業主一定收到好多報價
唯一可能有機會跑贏嘅情況，就係收票上門埋身砌
呢D情況我通常會寫多幾份合約
每份唔同價，到時執生睇下塞邊份俾佢
如果呢份唔得就塞第二份俾佢
睇下個業主去到邊個位認命

咁當然，所以宜家睇返成交都知，跑出嘅反而好少係最Top優質貨，大多數係叫做食得落唔太差，又肯劈嘅一般貨

搵多幾間唔同屋苑囉
九龍個邊唔一定要追九龍站
與其買上蓋但低層無景 不如諗埋附近個堆
柯士甸 港景峯之類

有無例子 近排睇瓏門果啲 搞一大輪減得果廿萬

唔好睇龍頭屋苑
退後一格睇下隔離卓爾，果邊有唔少都肯減

瓏門都回左啦
700中之前得個一房 而家兩房都唔難
荃灣西個種先減得少

荃西硬過石頭

仲有一個銀湖天峰都係石佛

物以罕為貴 有眼光有財力先買到靚貨作投資
實力派業主揸靚貨係呢水調整根本未洗咁驚

終於知點解SOYO之前走得咁癲

咪搞笑啦，大把人後知後覺
大把人邊搵錢邊搞手續
你認為無你身邊無人而家先走唔代表實際無

agent肯讓傭係咪代表都真係劈唔掂

係 最後一步黎
係睇讓俾邊一邊，真正入肉

不過全球經濟衰退只不過啱啱開始，冇咁快完

同埋今次衰退會係正常經濟週期，唔好以為好似covid樓價瀏覽不跌反升

有咩原因令到荃西特別硬？

我都想知 下下劈都話唔考慮唔傾