[Netflix] 日劇 First Love 初恋

嘩, 諗得咁長遠

終於睇完
演員演技, 配樂, 畫面, 剪接都一流, 尤其畫面真係好靚, 見到日本的美。。

大家話劇情老土, 愛情劇其實大部份都係老土, 我諗大家最唔鍾意係失憶梗, 但係如果冇呢個橋段, 而男女主係因為長大後不同環境成長分開(大學vs自衞隊) , 就唔會有之後嘅劇情。

套劇其實都幾反映到女人係不同時期嘅愛情, 初戀只追求愛, 到談婚論嫁會考慮對方是否可比到一個穩定的家庭(雖然係阿媽的考量), 有小朋友時將生活重心完全放係小朋友身上, 為小朋友不惜犧牲自己的夢想同前途, 未經歷過可能冇咩感受, 有經歷過應該會好大感觸。。

阿仔嗰段我覺得反映好多野, 可以係現代日本人愛情, 事業和以前嘅不同, 特別係呢代嘅女仔唔一定一畢業就嫁, 要係屋企相夫教子, 個男友/男人有第二個女人都要屈就, 佢地同樣都可以追夢, 做自己喜歡的事。。

其實女主都已經走得好前, 當年比娘家睇唔起,又知道老公有第二個, 但好果斷離婚, 離開一個外人睇美滿嘅家庭, 我諗係當年日本嚟講係好不可思議嘅事(可能係我固有睇法, 有錯請指正)。。

綜觀嚟講, 呢套係劇係好睇嘅。。

電王亂入

有病睇下醫生好喎

咁成年女主係醜喎⋯⋯
就係個款 令我入唔到戲

未必靚
但演技實力派黎 值得尊重

綾瀨就未必演得咁動人
但我同意綾瀨身型外貌都似啲後生版也英
不過兩睇 其實而家既違和感又真係冇想像中或者純睇相咁大

我google 佢，佢以前靚好多，宜家怪怪地咁個樣

如果第8集完真係sad到仆街

我覺得唔似

抽大陸人水有問題咩？

前面有人講 我都同意
就係女主表白鍾意嘅係並木先生
唔係晴道

佢哋兩個講咗個 tone都真係幾似
但其實滿島光同八木莉可子對眼幾似
都係下垂眼

do姐今日係電台都介紹e套劇, 仲要播埋first love首歌

無左一齊既記憶，再係埋一齊都係另一件事

其實成件事係環環相扣，本身女主角遇返男主角之後，一路都被身邊既事物刺激緊，開始對失去左既記憶有啲印象，就係離開日本先令到部機落係女主角手上，先會完全喚醒記憶，加上有表白果場戲，強調翻男主角面對唔到無左高中記憶既女主，再來先有冰島重遇既感人場面

點解個後生女主唔搵個同滿島光似樣啲
好撚出戲

佢可能係陸喱.

人地作者寫劇本果時已經想像緊女主係滿島光㗎啦。係以滿島光為中心㗎。

凌瀬遙同佐籐健係繼母與女兒的藍調合作過, 唔係幾襯