其實係睇下有冇心有冇權力去解決架遮
回想返25年前董伯伯既八萬五政策似乎係有心去解決
不過唔好彩地遇上亞洲金融風暴 再之後既SARS
樓價大跌而歸咎哂"八萬五政策"
果段時期其實係結構性改變香港房屋問題, 政府收入結構問題既好時機
可惜政府只用重藥"孫九招"減供應停居屋黎拓市, 治標唔治本
之後自由行, 地產霸權, 樓市升到咩樣大家都見到
樓市癲升既代價係加大貧富懸殊, 年輕一代無力感, 埋下社會不穩既種子
樓市升有樓者高興, 無樓者(特別係年輕一代)絕望. 樓市跌有樓者(成熟一代)痛苦, 無樓者有希望. 總會有一班人付出代價.
而樓市唔升唔跌keep status quo, 似乎係政府覺得係一個唔做唔錯既處理方法 (一貫作風啦)
其實要去結構性解決香港房屋問題, 當下香港政府要好有心, 好有權力, 同好有耐性先可以做到
但試問香港而家咁既經濟情況, 在位既人既分析問題既能力同解決問題既魄力, 有冇可能做到?
我只知道如果香港唔解決呢個深層次問題, 未來都只會係保持住一個不穩定狀態下內耗