新加坡都有好多外來人口 但人哋無本地人住屋問題係有兩大原因
1. 政府收入來源
新加坡政府嘅收入來源係個人入息稅, 利得稅同消費稅 而證券投資同物業交易嘅印花稅佔整體收入5%左右
佢哋嘅策略係靠發展多元產業嚟確保利得稅同個人收入稅嘅稅收增長
至於香港政府最主要收入來源係利得稅, 地價收入同印花稅
單係後兩者與物業價格內投資有關嘅稅收已經佔政府1/3嘅收入
香港政府無咗高地價就會喺財政上支持唔住 相反新加坡政府無依賴過地價同物業炒賣嘅收入 樓價地價高低根本唔會影響到政府嘅財政
2. 土地用途政策
新加坡大約70%嘅土地已經發展咗 當中只有14%係郊野公園
同埋新加坡政府可以隨便填海 佢哋近呢十幾年填海嘅規模相當於香港已發展土地嘅1/10
相反 香港只係有大約25%嘅土地發展咗 仲有40%嘅地留咗嚟做郊野公園
所以雖然新加坡面積細過香港但佢哋係從來都無缺地起住宅嘅煩惱 而香港先天性山多平地少再加埋難填海同多郊野公園無地起屋都好合理
簡單講 由公共財政層面去到土地層面嚟睇香港都複制唔到新加坡嗰套人人有屋住嘅玩法