有無ACL撕裂巴打

真係想話你on9 咩踢波係你生命 你估你踢英超 世界杯咩
照咗MRI話你撕裂 你可以疊埋心水做手術好過 佢唔同一般組織係唔識自己好返(之前醫生咁同我講) 你應該感恩你半月板個啲冇事 咁樣你會好得快好多
做咗係唔係可以變返100%咁 我可以答你一定冇可能 有駁口位就有風險 點都係冇一條正常嘅ACL咁好狀態 唔係處女就唔係處女 冇得呃人 你想變返正常嘅幾多成 就要睇你rehab 嘅努力 你可能會話做咗都唔係100%好返 咁我唔做都有80%啦 你咁做只係賭緊你條ACL幾時斷 到你斷個陣可能已經30幾歲 到時你康復能力又會比依家差啲
同埋改變下個心態啦 踢波興趣黎姐 出身汗 玩下咪算 唔使博命 又唔係踢職業 人冇事先係世界冠軍
做完記住跟足protocol 做rehab 唔好心急!!!!!!!!

最後祝你早日康復

謝謝你

老鬼踢法, 進攻現位同隊友彈彈波/, 多比波少上腳, 防守遮線捕位截波回追唔爭55波

我本係諗住咁
但係防守又真係都係多轉向

公立最仆街係照完X光就踢你走
我個膝頭腫晒，根本就冇得呃
程序上骨冇事急症要踢我走我明
但係如果佢同我講一句：可能係韌帶有事
我唔會拖咁耐先去睇，而唔係一句話冇事返去抖
後尾去st john學急救，果個救護員都話其實睇個病人對腳，即使淨係得X光，大約都會估到係軟組織出事

但係造影中心個醫生就話手術黎講公立都ok
因為佢地做到熟晒手
見到政府骨科醫生去到做到手術果到其實係兩個月左右，唔算真係好耐
但係你要拎封私家referral返去先可以有快期見到骨科

做唔做手術你聽醫生意見啦，佢認為你個情況唔使做咁梗係好
不過可以話俾你聽，你心態上要接受踢波只係興趣，先可以踢到養生波
你要提住自己，你仲可以落到場已經好好
心理上就住就住，可能會令到你落到場俾啲柒柒下既MK當狗咁撚
你諗下如果你真係唔急停 唔埋身 伸腳又唔伸到最盡 跳又唔跳到最高，會踢成點
你接受唔到既話，即係拎條ACL去賭

你宜家打羽毛球仲有無咁博

冇錯，係拎膝頭正面對落
會好得慢d但實淨，同埋果個位會少左感覺
so far 我d fd 會再傷ge都係拎後面
同埋我冇你果個問題，你有冇覆診？

睇落似Achilles 做法？

我認為識唔識用正確動作去保護自己即係人地口中嘅玻唔玻璃
有時唔係講就唔就住，而係你個動作本身危唔危險，信心有冇恢復

我上年12月打籃球嗰陣斷左acl 今年3月喺加拿大做左手術 其實會建議攞second opinion 因為喺醫生嘅角度做手術就最好 但其實有人係可以接受唔做手術但照做自己鐘意嘅運動 但同時都要做多好多野去舒緩 eg帶護膝/拉筋etc 但到年紀真係開始大嘅時候就會有好多問題 (風濕最常見) 而且斷左acl唔盡快做手術修補 啲cells只會不斷差落去 亦有人會直接做手術 減少後患 個人建議係做手術 雖然做完手術到宜家5個月都未完全練得翻啲肌肉 但至少我宜家行得跑得 又可以好似以前咁打翻波

復康路

樓主專科同MRI都係公立照？

係公立醫院骨科醫生檢查先有料到，查到有無問題！

急症室醫生一般都輕視骨科病症！

垃圾醫生抵你一世考唔到專科資格

專科公立，然後話mri有排等refer出私家照 65折

幫佢地講少少好說話，好可能當刻有腫根本唔會test得準
不過唔應該好肯定講無事囉！

撕裂到斷裂唔同。

斷裂就真係斷晒，要開刀微創去補返啲肌肉落去。
撕裂算好彩。

P.s. 斷過第一次，做完手術操咗好耐，夠晒肌力再落場，即時同一隻腳再斷，已經退役無得再踢波。

你本身踢職業

形容得幾好
斷過既人要避免呢d動作
補充： 跳起單腳落地 都係勁危險

就算職業
斷ACL 後都會嚴重影響表現
更何況一般人

我斷果下就係同對手一齊爆速 佢從後撞到我隻腳

我都係摺唔盡，差好腳十幾度咁

樓主加油
復健過程好辛苦+重要

長期戴護膝有冇用

雖然一定會俾人笑