有無ACL撕裂巴打

6月尾踢波扭親膝頭，嗰陣公立急症話無乜野 就咁開止痛藥同refer物理治療，嗰日仲出左去行全日街

到睇物理治療 pt話都唔覺得韌帶有野，一星期去一次去做運動同短波，隻腳又越黎越好，由屈得一半變宜家屈曬先有啲痛，落唔到樓梯變落到。


今個星期排到專科，醫生一扭就話我斷左ACL，仲即刻hold左個期話要做手術，然後叫我照MRI，晴天霹靂

不過宜家有啲希望係MRI顯示仲見到部分ACL 不過有撕裂同埋厚咗，應該係短波導致有纖維修復，同埋其他韌帶半月板都無事

呢幾日不斷上網睇資訊，中文搵完搵英文，發現好多資料都有少少矛盾。例如話韌帶就算撕裂都唔識修復、但係有啲又話可以。

宜家要等9月頭先再睇專科，好煎熬，唔知做定唔做手術好

想問有無過來人可以分享吓自己經驗

利伸 今年27 鐘意踢波 一星期兩三場 有心理準備唔可以踢得咁博

ACL斷 半月板爛
我前後扭過兩次，第一次都係踢波，第二次打羽毛球
兩次相隔左9個月
整親第一次之後10日左右行路已經冇野，好快仲追到車
抖左幾個月再打返波，chok到膝頭發現冇好過
但果陣因為日常生活完全冇影響，仲做到低強度運動
所以完全冇為意，但係都照排左公立骨科

到第二次扭傷，又係腫晒，之後就自己俾錢照MRI
一照完心諗做乜鳩，點解會乜都爛晒
當時MRI個醫生話因為後生肌肉好，幫到好大部份韌帶既工作，所以有啲fit既人係甚至唔覺有事

以我所知，韌帶同半月板都唔多血到
所以自己復元係好有限，半月板得外圍會自己好
同埋韌帶撕裂左，拉力都一定唔夠

如果重建手術應該會係大脾後面拎條筋放返入膝頭到做韌帶
所以hamstring會細力左好多

照咗MRI先啦 唔駛咁擔心

照左了

好消息係無斷曬 但係有撕裂 同埋粗咗，應該係有纖維性修復

所以我唔知係咪好好彩 條韌帶仲識修復
不過有資料話就算修復都係鬆啲 要靠肌肉保護

咁你宜家點阿

有fd係咁，又係繼續打波，好快斷埋

我就差左幾多下
本來都為興趣打開養生波，又冇打球隊
55波都不嬲會縮果啲人
手術之後有段時間心理同生理都唔多掂
所以一打少左就愈黎愈唔掂

自己斷完多左留意其他人，我見大部分有球隊/好自律做gym練力既人，好多都回復得幾好
至少唔會覺佢廢左

斷哂十字韌帶+爛半月板
搞左成年都未好番哂

你係有做手術

有呀，唔做既話做唔返劇烈運動

佢嗰陣透左幾耐再打 我見如果無好好做物理治療好快打真係好易斷埋

未斷晒可以唔做
肌肉夠強可以彌補因acl撕裂
而失去左既膝關節穩定性
rehab得好夠fit ge回復返受傷前運動強度無問題

當然做左會係最好
但做手術有太多因素
其中一個係醫生手勢唔好
聽過唔少做完關節都係鬆/
過幾年就鬆晒

聽你講都係無保險去公立
唔係話公立醫生一定差
但叻既出晒去私人執業係事實

最後忠告
今日開始搵個好既/叻睇膝頭物理治療師
一星期兩次做返好個rehab
兩三個月復出應無問題
貴到無計，膝頭唔搞返好一世踢唔返

同埋去買份住院保
預備定再傷可以去私家
三幾千一年
信連登仔話保險呃人既
一定後悔

唉 踢波都係我生命
只係糾結緊會唔會 韌帶識修復到8成，其實同我做完手術可能得8成一樣

佢休息到覺得唔痛就踢番
我本身見佢又跑又跳，以為冇事
之後有一場佢一急停就

做一定好啲

部分裂同我一樣喎
你有無其他位傷同做手術阿

未斷曬 通常唔洗做手術

做左物理治療先

利申斷曬 做左手術一年了

一樣係撕裂，冇做手術 (醫生話可以observe下先)
之後做物理治療操番啲肌肉就recover 返，醫生話唔使再做手術
但我之後都係踢下養生波算

祝福
希望巴打早日康復

我傷其他嘢都勁長手尾煩左好多年

之前打波整親過一次，後來發現膝頭哥一去到某d角度就會好痛，行樓梯間中會痛，唔知係唔係斷acl
（之前一路睇d垃圾跌打）

我個情況係有啲唔同，我完全斷晒，所以一有啲動作要扭到個膝頭，會即刻覺得個膝頭想散咁，然後隻腳軟晒發唔到力
果種感覺好撚差，冇斷過既人係唔會想像到
同埋半月板都炒爛埋，有時會攝左入關節

依家勤力啲做gym練好啲肌肉先
肌肉夠強保護到軟組織，可能可以唔使做手術
熱身cool down做返足
以前細個都唔明點解啲呀叔搞成個鐘先開得波
依家明晒

未斷晒就唔好做啦，睇keep住睇物理治療先
如果你真係想做你預一星期2日physio 再加自己日常好勤力拉根之類 如果唔係衰過無做

我都有睇過跌打，佢都係話我唔似斷韌帶
不過跌打消腫真係有用，岩岩整親個膝頭腫到行唔到
俾佢捽兩野真係快左行得返
但去睇之前一定要照左X光，確保骨冇事先好捽