有無ACL撕裂巴打

前兩日斷咗 同你一樣係踢波 同樣27
有心理準備退出足球圈

通常唔係斷一條咁簡單
點解大家咁西利唔做手術

報告大家
啱啱排完公立照MRI，半月板都裂埋
最後都係要做手術

我兩個禮拜前做完手術
重建acl+修補半月板
依家個膝頭仲係腫到hihi
不過起碼feel到隻腳有力先

巴打最後有冇做手術？生活成點？

咁巴打你有冇做手術

無吖 我係撕裂唔洗做手術 會自己慢慢好返
呢家都過左差唔多成年了 今年三月唔洗再做復健 今年一月開始做返重量訓練 操返萎縮左嘅大腿肌肉（耐無用真係會萎縮）不過好明顯運動表現未有辦法返到舊時100% 目前做劇烈運動都係要戴護膝

巴打你好 我最近都係打波整親ACL 部份撕裂 ，睇左公立佢話我係2級撕裂 ， 我諗緊做唔做手術好 （因為無買保險，都知道手術講緊10萬起跳 ）驚自己負擔唔起 。（我24歲 但係每個月都有一筆固定卡數要還）

醫生話唔做手術都唔會影響之後做gym 但係會影響做急停轉向等動作， 所以我都唔知點做好

你有無照MRI 先？我醫生幫我照完MRI 淨係同我講係撕裂 無話咩2級 不過佢就無建議我做手術 我估我傷勢應該比你輕
我諗我淨係可以分享我呢家嘅狀態 呢家急停轉向都無乜大問題 都有試過唔戴護膝去打羽毛球/踢波 不過都唔敢太劇烈 有戴護膝先會放心啲去跑去跳
我覺得巴打你做唔做手術都好 都要耐心咁做復健/做gym 唔好心急未好返晒就做運動 我都係過左半年先可以直線加速衝刺 到呢家差唔多一年先可以正常運作 加油

ACL 撕裂 或者受傷 係咪一定會即刻腫起？
我以前斷過一次 就即時腫到豬頭咁
前排 跳起身落地 都聽到膝頭啪一聲 感覺好似以前ACL 受傷咁 之後膝頭而家行路都痛 但我又冇腫 我隻腳仲可以伸直同正常彎曲 但都feel到knee有啲唔stable

一定唔係即刻
每個人唔同
我斷晒都唔踵

巴打 咁你果陣有冇啲咩症狀？

上落樓梯痛
行路行唔得快
追唔到巴士

都係可以完全伸直同屈曲？

仲有冇tg討論區可以入

巴打你係用邊款護膝？Decathlon嗰啲o唔ok?

巴打你嗰陣有冇咩症狀？我懷疑自己傷左ACL，行路個膝頭又係feel到有啲唔穩，但仲可以跑跑跳跳同踢波，係運動完嗰幾日先會痛，抖幾日之後又冇咩嘢

我朋友介紹我用Bauerfeind 嘅護膝 他自己都係傷膝青年 佢話用兩年都唔會鬆

我嘅症狀就係膝頭哥痛到仆街 腫左幾日 之後差唔多一個月隻腳都係彎唔到

我應該冇咁嚴重，多謝你先

巴打有冇踢返波？

巴打依家康復成點？仲有冇打拳？

咁踢波時，爆發力有冇差左？