[本地] [點止廣東歌一種] 香港流行音樂討論 (66)

前排明日戰記首主題曲就係例子
唔通兩間唔同唱片公司夾埋派咩

而家睇返呢幾年其實都幾癲

mirror/造星 帶起咗香港好耐都冇嘅追星熱潮
+him 出道幾年已經去到呢個位準備攞男金咁嘅樣
mc 怪物新人 出道第一年已經有得出碟 新歌破晒streaming 紀錄
仲有jf/陳蕾呢啲出道咗一段時間但而家彈返起

真係可以話係香港樂壇嘅新一章

呢個先係正常而健康嘅樂壇
以前黎明第三年已經天王級
kelly同家謙都係頭幾年已經上位
而家咁樣新人當道正正係樂壇回復正常秩序嘅跡象
最錯都係雞容霸獎咁多年 同埋無線同四大反面

https://youtu.be/wiKNMtVEPnM

JNYBeatz-A Mess 🥀 (你是我捱過困境的勇氣Demo) #jnybeatz #你是我捱過困境的勇氣 #demo

之前推小心地滑上十大，之後又三首合唱歌要plug，老派慘成condom

合唱歌唔派啦

都無改老派已成condom嘅事實

似係903壓mc ap唔想比銅佢多啲

903年年都失算 舊年記憶海綿體 今年老派 次次hit嗰啲都做condom

903最唔鍾意情歌

首小心地滑好似4月中先出，1-4月乜都冇，輸都正常呀

903個玩法就係咁㗎喇
同埋hit唔代表要狂播

咁小心地滑都hit嘅

刷view刷榜係樂壇正常秩序

唱作女歌手王嘉儀（Sophy）新歌《自然變態》，是她加盟幻・國文化的首支派台作品，Sophy為隆重其事，於疫情期間特地飛往台灣錄製，MV中她首度嘗試跳舞，教人眼前一亮。

在《自然變態》中，Sophy親自操刀譜寫旋律，而歌詞則找來過去曾合作的周耀輝，Sophy鍾愛耀輝的意念，她說：「耀輝用一個宏觀角度講何謂『變態』，好喜歡佢呢個從『變』講到『變態』嘅概念。其實好多我哋視為唔正常甚或變態嘅事情，又或者變幻本身呢件事，都係自然嘅一部分，擁抱呢啲變幻、唔正常，或者係社會覺得變態嘅事情，係一種好有力量同解放嘅心情。」

疫情期間推出新歌，Sophy選擇飛到台灣錄音，好學不倦的她希望吸收更多：「可以喺疫情之下去台灣錄音，係一件非常幸福嘅事情，基本上都冇唔方便，始終可以喺台灣同唔同音樂人合作，喺佢哋身上學到好多唔同東西，同埋擴闊視嘢，返嚟再同香港嘅音樂人合作，令今次專輯更多元化，秉承我自己做音樂嘅精神。」

MV方面，今次Sophy找來一班她形容為「古靈精怪」的朋友參與其中，更說：「有一種大家都係自然變態，同屬一個秘密地下組織嘅感覺。」因為有這班朋友一同拍攝MV，Sophy也盡情釋放自己，透過跳舞表達自己的內在情緒，她說：「因為始終係一首舞曲，所以將自己以前從未展現過嘅面向畀大家睇。」除了跳舞，不懂駕駛的Sophy更要在MV中「飛車」，Sophy笑說：「場景同歌曲係非常吻合，但本人係冇揸車，係幾需要豁出去同埋有膽量去做嘅嘗試，不過最緊要拍出嚟好睇同進入到呢首歌嘅音樂世界。」

除了忙於新歌宣傳，Sophy亦全情投入月尾《“我是現場”音樂會005 陳柏宇 x 王嘉儀》的綵排。對於今次與陳柏宇（Jason）於音樂上的交流，Sophy也十分期待：「同Jason及團隊都有好多唔同諗法，當中特別加插咗合唱環節，有啲本身係合唱歌，亦有一啲係其他歌手嘅獨唱作品改做合唱！」

刷榜到其他人喺榜消失晒叫百花齊放

未有鏡前 韓國歌先係榜首

起碼唔會一個團啲人霸晒榜先啦

其實鏡19年已經出道，但係21年廣東歌串流播放率先開始反cup。

我個重點係新人當道先係正常秩序
唔係好似雞容咁玩咗20年仲爭緊

我成篇reply完全冇講過任何有關刷榜刷view
請勿斷章取義

冇斷章取義過
造星到追星熱到刷榜
到刷到其他歌手消失晒
尤其搞到女歌手影都唔見
絕對係有連帶關係