「香港議會」激進主張與呼籲支持文宣嚴重不一，動機目標論述成疑，在地手足必須謹慎了解再決定是否給予民意授權，切勿魯莽行事

無錯呀, 政治既野大家互夾
好似中共唔想佩洛西去台灣
拜登想減關稅同佩洛西講唔好去台灣 (可能為左同習種講好利益?)
佩洛西要去台灣(救民主黨中期選舉+自己上神台?)
龐佩奧即刻跳出來話一齊去 (選總統上位), 共和黨又話支持佩洛西去(中期選舉攞分?)
可能邊個政客想上位就出放料出來話個丁友係收左錢奶共, 自己係清白等等

你見到大家係為左自己各自唔同既利益互相限制
中共唔想佩洛西去要收買佩洛西, 收買拜登, 收買龐佩奧, 收買共和黨一大班人
唔講背後仲有其他機構例如FBI, 稅局, 司法...成個系統望實隔左勁多重
你要收買成個系統容易D定搞掂袁弓夷一丁友容易D?

咁你又唔執行？我真係DILM

你已經預設佢信唔過冇乜好討論， 你應該唔好理呢壇野， 因為嘥你時間

唔使怕有親共人士去選，今時今日仲未知主流民意咩？
最大問題係選民嘅資格啫，一早過外國嘅既得利益者藍絲多，救生艇過嚟嘅黃藍比例係未知數，留港嘅想投但又未必敢投。
反共贏嘅自然無嘢講，親共贏嘅，到時又可以搬上述因素話佢唔代表我，不過咁樣會好肉酸啫。

激進又有問題？有幾激？冇留意，可以講講？

1. 其實有代議士 (流亡議會) 無相應既單位 (流亡政府 / 執行委員) 都好難話 deliver 到d乜野，不過如果你好早期睇過何梁既訪問，佢地係否定過搞流亡政府。如果佢地政治理想真係搞流亡政府，佢應該講明自己係搞香港議會去達成流亡政府呢個目的，依家我淨係睇到佢文宣係講選議會出黎搵代議士響國際發聲，但議程就首先制憲自決顛覆政權，成件事完全係同人講做A但拎左D野資源同選票去做B，成件事接近係誠信問題

2. 呢個就係默契問題，其實本身就係光復香港根本就無定義，如果你睇翻上年定前年香港約章，個 list 都水蛇長咁長，獨立、自治、歸英、回復自由大家都有各自各既諗法，當中唔同人都有自己光復既定義同達成既路線。如果個議會預設左係行制憲自決，咁基本上已經係割開左其它路線上面手足既意願，但問題係佢文宣講既同佢想做既根本係兩樣野。如果拎選國際代議士既票去左搞制憲自決，已經完全係欺騙拎左民意授權出黎既人

3. 我文中唔係講本地人無法投票，而係佢文宣提倡既野，同佢記者會主張既野根本完全唔同。例如手足目標可能只係想好似佢文宣上面咁選國際代議士，但香港議會既公開宣言係「顛覆政權」。咁當佢 on99 FB like 左、share 左，咁佢係咪公開自己係「顛覆政權」？咁大前後矛盾完全係整左個大陷阱比本地手足。當然手足依家可以投，不過必須係個議會要清楚講自己做緊乜，唔係自己文宣講一樣，但實際行緊第二樣野

4. 如果個議會係有預設立場/議程 (例如制憲自決)，唔支持既人根本唔會投，如果佢咁既情況下仍然 claim 自己係代表「香港人」仲做左套憲法出黎選擇左政體，我當只係得 30% 抗爭者支持好未？咁呢份憲法，佢傾出黎既政體、佢對香港未來既構想又點會有人認同？如果咁樣都隔硬上馬話自己「代表香港人」甚至翻去香港 claim 主權，到時幾個光譜內戰都似，又點唔騎劫呢？「革命委員會」同「香港人議會」係兩樣完全唔同既野

5. 要實踐普選價值，最少個議會要有一套大家都認同既機制同系統而且唔會阻止既定立場既人，最少 2019 區議會仲有一定基礎 (但 21 立會冇)。加上依家呢個「香港議會」有預設立場 (文宣無，記者會有)，根本只會變成支唔支持呢個「革命委員會」政治路線既問題，仲有部份人可能本黎諗住係支持選國際代議士但變左無啦啦支持左「制憲自決」，其實係實踐唔到普選價值，因為佢只係用「好似普選」既工具去達成政治理想。

6. 我其實係歸英自決派，不過如果最終走向光復回復翻自由都唔係咁堅持話邊條路線，仲有我唔係唔同意自決，問題係如果目標係「自決」，咁一定要講清楚個議會係搞緊「制憲自決」，唔好再講自己係選代議士實際係搞「制憲自決」，咁係欺騙。唔係支持唔支持既問題，係掛羊頭賣狗肉既問題。

7. 點解一個政府比推翻，就一定要有新政府？我某程度上係無政府主義者黎，如果香港光復到去有自由同民主，就算係變翻英殖、歸英自治、甚至獨立我都冇所謂，但呢件事一定要通過公平既公投去決定，而唔係有個「革命委員會」去幫你決定

8. 我反對既主因係因為「香港議會」根本唔係搞緊「代表香港人既議會」，佢只係通過一個大既普世理念，呼籲人去支持自己「制憲自決」政治路線既一個「革命委員會」，成件事係個理念同「代表香港人」個理念完全唔同。咁唔好話策略，游說定武裝，淨係互鬧代唔代表我都係問題啦，好地地各有各做兄弟爬山，做多檔人「革命委員會」出黎「代表香港人」撕裂抗爭陣營，傻的嗎？

其實佢條友連個論述都 copy 左我地，但拎左個底去推廣一樣完全唔同目的既野，不過有 D 野廢事講得太難聽，講到呢到就算，多謝你打左咁長既文覆我，感謝

其實照佢地講法，應該乜都唔好做，做嚟都多余，因為支共只會加快清洗真正支持民主嘅香港人，引入強國人，到時只會藍多過黃，所有投票一定輸硬， 到時香港重光，公投歸英都輸硬

我咪同你講就算佩洛西龐佩奧搞我都未必信,
都唔關信唔信事
你同好熟既朋友買樓做生意都要有張合同, 有成個法律系統後面做支援啦
你無可能朋友叫你簽個約你就講"你唔信我"

我都仲未講就算袁弓夷真係有心, 佢有咩能力去阻止共諜入來
你自己都識講民主共和兩黨入面都有收買,
「香港議會」會無?

你打咁大段野冇意思，我只會 copy翻上面回覆，因為根本冇人信得過，亦冇野100%安全 ，你嘅最終結論:等運到

好似係
不過梁頌恆有參與
唔知呢個Simon有冇份

我見影子議會嗰個幾認真不過無人理，呢個香港議會好似有啲準備不足

你係有心討論， 不過都只係純粹理論階段， 書生論政個個都可以講到天花龍鳳

好快班友又會對列根號打飛機

呢樣最叻

歸英派，歸條毛，到時唔夠人多，連自治都冇回歸強國

都係既, 你一句都駁唔到除左copy仲有咩辦法呢
最多加埋老屈我係等運到, 想問下我邊句邊隻字話要等運到呀?

我咪講左流亡議會呢D野要有西方國家背書
再上D既reply有講用中英聯合聲明為基礎打法律戰, 迫英國做野
起碼呢個一定係合情合理合法先, 有國際條約back up既方式點都易過整個唔會比共產黨入來既流亡政府

乜都未開始，人地英美唔洗睇你攪到咩成績又點背書呀?

唔係無條件支持....係唔洗放大件事捉鬼遮...係香港乜都做唔到係事實.....移民左既去投，有咩好驚？好驚比港共發現，返唔到香港呀！.....所以，乜都唔好做就最好.....港豬移民做英豬！

利申:我只係想97前香港出世，全部可以有bno申請權利，一年內唔申請就BYE BYE. 唔係要一個所謂BNO放寛，比BNO家長做太空人，仔女自己走既放寛。

香港個班自己行哂入去坐10年啦.....仲邊有人？

我反對既主因係因為「香港議會」根本唔係搞緊「代表香港人既議會」，佢只係通過一個大既普世理念，呼籲人去支持自己「制憲自決」政治路線既一個「革命委員會」，成件事係個理念同「代表香港人」個理念完全唔同。咁唔好話策略，游說定武裝，淨係互鬧代唔代表我都係問題啦，好地地各有各做兄弟爬山，做多檔人「革命委員會」出黎「代表香港人」撕裂抗爭陣營，傻的嗎？

呢個我都同意
我所講既"騎劫"就係呢D, 如果個議會變左"香港人支持習近平同志"呢D一睇知係假
但共產黨既騎劫係真真假假, 聽落又好似好合理但其實另有目的咁
好似騎劫左"為地球, 限制炭排放", 事實上係想搞死美國制造業
騎劫左"文化多元", 等中共可以係咁放孔子學院洗腦

呢個on post竟然仲嘈緊
支那要管人真係好簡單

點樣歸英可以唔洗開戰？......你都要有民意支持開中共波啦.....香港議會如果有英美支持，都係其中一條路....咪等下囉

其實你唔使睇到「合情合理合法」係咁重要，
呢個世界如果個個都係貫徹呢啲原則，就唔會嘴炮咁耐，一早開咗戰。
到最後都係睇邊個拳頭硬，各國衡量個得失去決定做唔做嘢，你估今次今日仲需要拗邊個理虧，然後全世界聽晒呢個裁決去執行？
所以你唔好旨意揸住個受害者光環去遊說各國幫你去復國，或者拎住政客講幾句做SHOW自HIGH，以往嗰啲流亡政府做得出啲咩成績大家一目了然，最大作用咪又係畀外國拎嚟激下中共。
但當你凝聚到經濟同軍事力量後，求其摷個理由都可以驅使其他人同你合作去消滅共同敵人。

心水清 推

「五毛出沒注意」著名引戰分化狗會員reganlam 係一件用殘體字+蝗語嘅大陸仔嚟
https://lih.kg/3063463
- 分享自 LIHKG 討論區

攝影台私怨狗廢文
你睇下佢自己有冇係度出沒先啦

老實講我覺得甚至俾埋支那人投票都冇問題
咪俾佢哋享受下“投票樂趣”
老共反而最驚呢啲嘢