以佢宜家個身份同入門路線,人設呢類嘢係有啲難度,到咗要過版嘅關口。傳統綜藝人擔旗嘅節目,佢響入面多數係忙內;忙內+後生女+有咁上下靚,用幕後角度當係generic gagwoman扮癲同19禁就係最容易做反差效果而又「大路」、方便運作管理 (aka 懶) 嘅諗法。而佢之前係靠呢味嘢做敲門磚打開綜藝條路,又難免加強path dependence嘅傾向。
但調轉頭睇,佢唔少時候響唔同節目順勢表現攰到出樣「心很累」、經常提自己MBTI係ISFP,又好明顯睇到佢係知發生緊咩事 (
「我係用反差效果搵食」)而又搵緊辦法過版 (
「繼續用呢個方法扯,自己都頂唔順」)。佢之前接Learn Way 2嚟做,同埋宜家響手嘅TMI News、近日JTBC個音樂綜藝,都反映佢係嘗試解決呢個問題,盡量發掘唔使大量扮癲19禁嘅綜藝節目/做節目方法。初步睇係有得搞嘅,唯一係驚呢排公司老細柳熙烈啲是非,會唔會多少影響到佢下一步發展;但有大神睇住,(希望)OK啦。
又:佢啱啱呢集睇住幾組人表演同埋教路啲款,有少少似雲尼亞里教波咁,有台型又charm。多啲呢種方向就真係最好~