是源係咁的 係星期二晚11點幾 突然收到短信話我係apple.com/bill 碌左成$2888.88 ,但我十分肯定冇進行過呢筆交易,咁我緊係即刻打上銀行同銀行講番喇,咁銀行就即時幫我停左張卡,仲話會幫我調查番筆交易,但要等6-8個星期。
咁當時我就問等查完筆交易唔關我事仲使唔使我俾,咁銀行職員就話等查完唔關我事就會回番筆錢落我信用卡戶口,唔使我俾。
當時我仲質疑佢平時係網上買野都要入OTP ,點解俾人盜用我張卡,可以唔使入OTP 都可以過到數。佢就答話係商戶個邊冇呢個設定,就唔使入。
個陣完全醒唔起報唔報警呢個問題,之後上網睇番,好多人俾人盜用信用卡,銀行要事主硬食。
琴晚醒起要打去銀行問下使唔使報警,點知打左好耐都冇人聽。
依家又打緊入去,都係等好耐…但呢刻都仲等緊…
有冇人好似我咁信用卡俾人盜用左?