有冇沙駕考車既巴絲（7）

我操作冇問題，主要係上咗咁多堂都冇點練過過死車，然後我又考河畔所以就肥鬼咗

排咗尾期去忠義街考

學車x補鐘 突然cut晒我啲堂, 得番10日左右就考都唔知點搞

有冇打去問下乜事

係咪有師傅走

智專？買學校補鐘？

7堂駕院9堂學車駅
一堂45分鐘

唔該晒巴打

有個師傅無啦啦請假, 有個就要隔離7日(上堂前一日, 補唔到堂俾我

但佢又叫我搵另一個姓梁既師傅補

咁好可能佢自己都已經Full左
咁姓梁嗰個有無期俾你補鐘？

考前搵街師傅補左2日，總共四節
如果對自己泊位調頭有信心嘅話，建議搵出面啲師傅
駕院補鐘真係唔抵，貴成倍有多

我考棍van佢淨教私家車, 梁岩岩覆我full埋

Sor唔知你棍Van
一係問下你駕院師傅有無期幫你補鐘喇
貴就貴啲，但係好過你Fail左又俾多六千銀

點解唔叫師傅同你練河畔？ 我之前學院行過兩次都好亂，之後補學車易，阿sir同我行咗四次，嗰晚已經掌握到點樣處理
7/7 考河畔一take pass

有冇人買補鐘泊位

有練，只不過我每次見到有對頭車都會忍唔住問師傅點處理，從來冇試過自己搞掂，所以上咗咁多堂都係唔熟

同埋學車駅個阿sir好鍾意叫人過死車要爽手，話就算有對頭車，只要夠位都可以照過，停車塞住後面反而會俾人肥，跟住我又信咗佢嗰套，到考試遇到呢個情況都係咁做就俾考官踩停咗事後諗返，其實停錯車最多只會細剔警覺性及判斷力弱，只有killer先會即刻肥你，但唔停車就個個官都會覺得危險而踩停你，所以點都係停車好

總結黎講就係衰on9

唔關你事，你唔好彩遇到個阿Sir誤導你啫

過死車，打燈+望鏡+望盲區，爽手過係啱

但前面有對頭車，如果同佢距離遠，之後有位入返左邊空位（當然要有最少三四個車位長），就盡快响佢到之前入咗左邊空位（或入返自己線內）停車。如果左邊無位俾你入返去，就搵個右邊無死車嘅位停，等佢有位過你。

如果距離近，就最好停車俾佢過，佢駛到同你好接近考官唔會話你錯。

如果前面近距離有一個窄位左右都有死車，我會响嗰個位前最少一個車位停車等對方面過哂先開車。

總之有對頭車除非兩邊都入哂自己線同埋有一米距離，否則停車通常都係一個優先嘅選擇

想問下學車駅補鐘其實係咪個個師父都差唔多比4個期要分兩個師父黎幫手補，仲要勁多期都full

試過3個，3個都好唔錯
教到嘅技巧同留意嘅地方比沙駕多
係風格有少少分別

你阿sir係咪叫你有對頭車 都照扭出去騎線？

學車駅邊個呀sir？我黎緊都補鐘

係。補鐘阿sir話只要對頭車冇騎線，而且夠位就可以出，慢少少過。不過駕院阿sir話有對頭車就點都要停

陳sir
個個都話佢唔錯，但我覺得佢教過死車嗰套做法有啲伏，唔知係我理解錯佢意思定點