[少年監獄] 感受沙咀 五

btw今日tg收到個無連登ac既人比鼓勵我

感動死我了

真係多謝支持厚愛

好多人都支持你

肥衡

真係無人放肥衡岀相上黎 大家都好守規矩，知牌頭

真係無人放肥衡岀相上黎 大家都好守規矩，知牌頭

我啲讀者質素咁好 唔會既

夜訓的鳥兒們

夜訓的鳥兒們

有故睇

人無法走過每 天

為求沒有帶著遺憾 活到終點

就是你 讓感覺從此不再簡單 平凡

到處也是彩色 只因歲月印有你我的足跡

情從未變 歷練了多少變遷

還記得 當初的手臂 滿載了浪漫與歡喜

好比櫻花盛開日期 我會替你統統儲起

願你沒有牽掛遠飛 在地平線上也有我為你打氣

去吧 我會永遠珍惜你 直到下世紀...............

培傑鞠了個躬, 為這場演唱畫下句號

後來我出返去之後,查了查, 再重新聽了遍

原來這是super moment唱的"最後晚餐"

培傑唱完後, 作為觀眾既我們相當比面, 掌聲雷動

我雖然唔知道佢係出面夾既band有幾大,

但起碼這刻佢作為主音唱得十分動聽,感人.

我睇緊

「哇, 好聽! 好聽 !」
戴sir拍掌以示精彩

「唱得咁好聽, 唱多首呢?」

「啊唔好啦戴sir..我無貨啦....」
台下冒出笑聲

「咁快無貨!? 唔撚係掛? 咁講啲野啦? 如果唔係就上返PE堂嫁啦.」

啊屌, 千奇唔好啊!

「Thank you sir 唔該同學, 分享下啦」
「講啲野啦, 又唔會點」
「唱多首歌啦 !」
「傑哥 ! 傑哥! 唔好比佢停啊傑哥 !」

台下既我地立即催促培傑做野, 因為個個都唔想上PE

「哇平時又唔見你地...唉..」
佢少少埋怨後

「不過我都有野想講既..」
培傑搔了搔後腦唔好意思道

「嗯.」戴sir翹了雙手,等待佢接下來的話

「咁我就叫王培傑啦..」講完呢句,佢就停頓了

唔知點解, 每一個就出冊既人, 當眾講野果陣總係會帶住青澀和害羞

戴sir見氣氛又要被破壞,於是比提示
「衰咩入黎嫁 ?」

「Yes sir. 咁....我就係犯非禮罪啦...」

培傑緩緩, 說出佢既故事

「我原本係出面, 有個中意既女仔既...佢同我住得近,而且又同班, 一齊中五升中六...都算係由中二開始識, 識左三年... 」

「咁讀到中五,就自然要開始預備DSE啦..所以我晚晚同佢一齊溫書,一齊做功課, 果段時間, 我同佢相處得好開心, 就算對住啲無聊既卷同課本, 但只要有佢係到, 我都覺得係有趣的...到後來,我地開始係我屋企到溫書. 」

「佢話佢數學唔掂, 我就日日同佢操數, 佢話佢肚餓, 我都即刻會幫買外賣比佢,反過來,佢亦會擔心我,幫我慶祝生日, 我病左都會whatapp問我點,甚至買埋粥上黎比我 . 」
培傑講講下,嘴角因為記憶,微微上揚

但我地都睇得出,那種笑, 係苦笑

「之後, 說來也是奇怪, 我同佢相處左好耐, 關係有陣時好得甚至超過左朋友, 每次同佢一齊,我都有種我係佢男朋友既感覺,但係, 我一直都無同佢表白過 」

「於是, 有一日啦, 我依然係同佢溫書, 因為搵資料,無意間見到啲愛情既文章, 於是突然,我想同佢表白. 」

「咁...我就講, 其實我好中意你..一直一直, 都好中意你...」
培傑既眼淚唔知幾時開始流下,語腔都帶著少少哭泣

大家都知道, 佢果份中意係真誠的

Live

「佢聽完之後...就無乜反應啦....咁我就以為佢已經默認左..所以我就錫左過去一啖,個手都揸埋上去...」

情到濃時,有波唔揸又真係罪大惡極既..係男人既,都唔會放過呢啲時機

「但佢之後既反應, 係好突然同討厭我咁...佢車左我一巴, 然後問我做乜? 跟住佢就走左」

故事開始偏去絕望的方向

「然後第二日, 警佬上左黎拉我, 我先知道原來佢報左警......原來我一直都太睇得起自己..」

「之後既野, 官司打唔丟, 我又認左...所以..我入左黎..」

愛情，真係恐怖

「你有無get錯信號啊? 唔係溫左書就等於可以做你女朋友比你屌閪嫁wor ?」
戴sir問

「同sir報..佢同我拖過手, 幫我抹過嘴..又試過係我屋企訓過...行街睇戲食飯又成日有..我.. 」

哇..呢啲行為一早超越左男女朋友的界線吧?

「唉.....所以我地呢班阿sir, 都唔中意見到衰你呢啲褲既人入黎....因為根本唔值得..」

簡直係過分吧? 明明係佢條女唔啱 !

「Thank you sir...」

「咁唔傷都傷左啦, 呢半年,有無諗通啲乜啊?」

培傑呆了呆,然後很快道出答案.
「同sir報 有」

「我之前將愛情呢樣嘢,擺得太重.」
佢說出佢半年所得既醒悟

「那時候,其實為左同佢一齊,我幾乎乜都唔理咁濟, 明明自己中意夾band, 我都放棄左去陪佢..明明無錢買野, 但都會為左佢開心, 拎曬啲錢買禮物比佢..」

「雖然有同佢溫書, 但其實係我幫佢溫書.結果自己唔識果啲,依然唔識.」

「雖然同佢一齊,我覺得開心, 但果種開心,並不是真心.」

「我...之前真係好傻好蠢...」
佢懊悔地道出最後呢句

唉,在這裡的人

誰..沒有傻過?

「嗯..你識咁諗就好嫁啦...入一次冊就學識呢啲野, 算賺到嫁啦.」
戴sir這句話真係充滿說服力

「咁出返去, 有咩打算啊?」

「Yes sir..同sir報, 我打算讀返書..繼續讀書考埋DSE..然後..孝順屋企人..因為今次真係辛苦左佢地.....有時間的話...再夾返band.」

重拾返生活,重拾返那些時光...

這種對未來的想象和渴望,我每天都有

「嗯..幾好啊...咁鐺鐺(監管令)呢? 守到啊嘛 ? 」

「Yes sir ! 」
這時候當然一定答Yes sir

「你講嫁 ! 如果你返黎, 我打你老母臭閪,大找你嫁 !」

「Yes sir ! !」

「嗯..咁有無野想同其他同學講 ? 」

「Yes sir ...呃..咁我就五個月走期啦.大家唔好妒忌我.」

「哇 」屌啊?咁囂張?

「哇你個衰仔啊,曬命到呢, 得, 等陣我地兩個留低,慢慢比我妒忌下你啊下 」
戴sir都忍唔住發聲屌佢

「啊sorry sir..講笑講笑 」

「嘿嘿, 等陣同你慢慢笑 ,講返正題啦, 仲有人排隊嫁」

「Yes sir ! 」培傑望了望那位YA

「咳咳...其實呢 」

「沙咀呢到,真係好簡單, 我同你地一樣, 一年班啱啱入黎, 都係乜都唔識, 乜都做唔到. 」

「但係千奇, 唔好因為自己做唔到, 而唔去做, 反而,你地要盡力去做.. 」

「我仲記得,我一年班果陣,成日比戴sir, 紅sir兩位PE sir鬧..話體能唔好啦, 姿勢唔正確啦...其實我成個一年班, 都未試過做到一下標準既四聲掌上壓」

哇屌..聽到我都有啲慚愧, 我宜家二年班都未做到標準, 仲有少少屌地

「但係..我有努力..我一二年班係每次PE都出盡全力去做, 返到倉都繼續練, 所以」

「噢, 姐係三年班果陣唔盡力啦, 唔怪之得上星期你既抬腿咁肉酸啦 !」
戴sir趁機潤了佢一潤

「哈哈哈哈」
呢下插入真係恰到好處,好鬼好笑

「唔係啊戴sir...我都有繼續比心機嫁..」

「係咩? 睇唔出wor ! 」
戴sir頭望天,扮曬睇唔到

「哈哈哈.. 」
我地又被逗笑了

「sorry sir...」

「誒繼續啦, 繼續講」

「Yes sir ...於是啦, 我升到二年班之後, 終於開始可以做到標準既四聲掌上壓.」

「有日啦,我係戴sir帶既PE堂上面, 做左果下好標準既動作啦..然後戴sir果陣時讚我, 真係好開心...」

「姐係..果種開心, 真係好難形容..總之好開心.」
佢詞窮到形容唔到, 但身體姿勢同語氣都表達出, 果刻佢收到既喜悅,係多麼的大

「恩..講得好啊..你地都係啊 」戴sir對我們發話

「培傑佢一年班果陣, 真係閪撚仆街嫁, 又廢又唔練, 好似啊你地S既邊個邊個..好肥既果個呢..」

屌.一定又係講我

我已經成為左沙咀呢到肥既代名詞

我立即起身應機
「Yes sir .!..」

「啊係啦, 肥衡, 就好似肥衡一樣啊, 培傑果陣都廢到同你差唔多..」
戴sir終於搵到樣本比較

「不過呢, 睇下宜家點? 扯高件衫佢」

「Yes sir 」

培傑扯起了上衣,露出了線條分明的腹肌和上身

「睇下睇下, 佢一年班果陣唔係咁嫁, 你地肯努力既,都做得到嫁」

「Yes sir . ! !」

「到你啦肥衡, 扯高件衫佢」

屌我都要?

但sir命難違,唯有照做

「哇...」

我知..我仲係好肥啊嘛..又要被人當眾羞辱了

「見到未? 睇下肥衡佢瘦左幾多 !」

? ?

竟然讚我 ! ?

雖然我上次照鏡,的確見到效果

但都無希望過嚴厲既戴sir, 會認可我

「你地都知嫁啦, 肥衡佢岩岩入黎幾撚多肉, 睇下佢宜家, 雖然都仲有啲, 但都算大大進步.知唔知點解啊? 因為佢每日PE做到面都紅埋,都繼續做.有次連主任都讚佢, 所以你地真係要學下呢兩個人. 」

「Yes sir !」