[少年監獄] 感受沙咀 五

洗衣咁輕鬆 即係減唔到肥啦
今鋪仲唔打爆你六個月

仲寫緊

最遲2點出

仲寫緊

最遲2點出

於是我由沖涼房出來後, 心口袋內多了一隻曱甴陪伴我

好好笑

訓醒就應該有故睇
衡仔晚安

仲有20分鐘

同學仲有十分鐘 又想找扳？

九分鐘

1min

升左二年班仲咁西既？

入了洗衣, 自然要熟悉洗衣,

初初上二年班的第一個星期, 就是我熟悉洗衣既時間

首先, 做洗衣期既我地, 其實每個人都各司其職

阿大, 就係洗衣期既 "Check 架", 燙位既大佬,
專門負責檢查同確保每一件出去既軍裝,都會燙得好好睇睇. 所以佢對每一件燙好,上左架既軍裝都特別緊張

點解呢? 因為如果阿sir拎到佢件軍裝唔滿意既, 燙得唔好既, 分分鐘會找返"Check架" 數

然後就係新加入既我和武傑, 同為燙位

阿偉, 阿強, 則是水位
專門負責洗衫, 管衫, 干衫

最後就係士多, 士多專門負責管理各種沙咀所需既物品, 比如鞋油,手巾, 每次沖涼既時候分配既替換衣物等等,

現時做士多房既係培傑, 而諸家威,就係下一任士多

回到那天，

阿大一開始並不太滿意武傑的教學, 所以佢親自黎教我點樣燙好一件軍裝

上身襯衫,加下身既軍裝褲, 就為之一個阿sir既整套軍裝

但要燙好一套軍裝既功夫,其實著實不少

不過, 燙衫既細節在這就不多說了, 總之, 我好比心機地學

最後終於, 我可以拎嚴sir既一套軍裝試手

我拎起燙斗,按了按手把上噴蒸汽既按鈕

滋----------

噴出的白煙,附在了嚴sir既軍裝上, 我照著阿大教我既手勢, 將衣領, 手袖, 正面, 背面,膊牌, 最後再起埋條骨(骨姐係一條手袖,或者褲管既直線折痕位),

全程我集中非常, 確保過程順利,不出意外

最後完成了一套軍裝, 我掛在衣架上, 然後比阿大檢查

「嗯..唔錯啊..呢個星期你燙左既都比我望望先,再擺上架, 啊仲有,拎衫燙之前都要問我」

「哦好啊, 但點解..要選衫燙既..?」

「因為有啲阿sir既要求唔同咯,比如話虎sir, 特別交代過佢既軍裝一定要燙埋個袋之類啊...同埋一啲正裝既阿sir,比如我地既阿爸阿媽,J果邊既羅sir同音sir呢啲, 你唔通唔燙好佢咩 」

「哈, 你又啱wor..咁其他阿sir呢?」

「其他果啲就是但啦, 燙得好好睇睇既就算數啦, 邊有時間招呼佢地姐, 狗也不屌啦..啊.你」
阿大口快快,講左啲衰野出黎

「拿, 你醒目既, 唔好話比張sir聽啊...」

「當然啦..我都唔蠢既..」

「哈哈」阿大豪氣地笑說「呢位學童果然係可造之才..抵屌, 抵屌.」

「喂趙氣榮,蔡衡,係唔係好好傾啊? 快啲做野啦」

「sorry sir !」我倆回應張sir後, 繼續工作

那麼, 到底做洗衣, 仲可以了解到咩呢?

首先, 洗衣燙位到, 有一個沙咀職員表

而由呢張職員表, 我就可以知道, 邊啲阿sir係特別麻煩, 對軍裝有要求,又或者係邊啲係要特殊留意既, 因為Check架會將用marker將呢類需要注意既阿sir mark低

另外就係可以見到阿sir們既全名同號碼

「可以既話就盡量自己記住呢張表啦, number越前既阿sir, 通常個官職就越大既, 比如戈sir 4578 就係AOI, 右班成日坐飯堂既果個李主任, 就係3746, 膊牌會寫住佢地既number嫁啦, 你拎到呢啲衫既時候, 就唔好燙住先, 燙左啲細number先啦.」

「哦好..咁後面果啲工作崗位呢? 」

「果啲唔好信嫁, 我地燙位仲有一個每個星期都會出既更表, 每日要燙啲咩衫,就會睇住呢個更表燙. 但係呢個更表就淨係得我呢個check架睇既...」

咩話? 更表?咁係唔係姐係意味住..!?

「我真係唔可以睇? 」

「唔得啊, 牌頭黎嫁.」
阿大望了望張sir位置,回應我

「不過呢....我平時就會擺個更表board係呢到既,如果我無睇到, 張sir又唔係到, 咁個更表被邊個睇到, 我又點會知呢......」
阿大將更表放入燙位下,用布遮住既鐵櫃入面,故作樣子地說

哈屌..呢條友仔又真係蠱惑既

我開玩笑細細聲道
「Thank you sir !」

「哈哈, 屌你又學閪仔傑玩野, 仲有啊, 呢到千奇唔好叫阿sir全名,記住記住, 絕對唔好衰呢樣 」

「Yes sir !」

「啊屌你真係 , 咳咳.....學童 ! 兩聲~踎低down !」

「Yes sir Thank you sir ! one two....」

「哈哈哈........」
我倆拼命忍笑, 費事被張sir望到

事後, 趁阿大去餅, 張sir走開左一陣既時候, 我偷偷拎出左果張更表board望

果不其然, 上面印了黎緊兩個星期既阿sir返工編排, 邊啲阿sir會返早, 邊啲阿sir會返夜之類既資訊,一目了然

呢份更表,簡直讓我喜出望外,因為係沙咀,學童最怕既就係突如其來
所以係大棚既時候,每次接更都會讓人心驚膽跳, 心諗唔知今日帶我地既阿sir係邊個, 唔知今日既阿sir巴唔巴

而宜家呢份更表, 正好可以將我每天既呢份驚險抹掉...縱使我知道某天係好巴既阿sir帶, 但起碼我都會有心理準備

另外, 沙咀既阿sir原來有分三個班

分別係宜家已經講緊既左班同右班, 仲有一個班叫中班

中班, 就係準時朝九晚五既返工時間, 返中班既阿sir有探訪室既偉sir, 宜家帶我地洗衣既張sir等等....

同阿大傾得越多,我就知得越多

我慢慢, 開始了解到沙咀的全貌

開始知道某啲阿sir比較中意邊個學童, 開始知道點樣扮得好醒目, 觀顏辨色.

開始知道自己既走期取決啲咩, 開始知道邊啲阿sir討厭邊一個學童

我真正地,開始學會點樣以二年班既身份,生存落去

比如話, 勁sir , 我地S左班既副手(媽媽)

平時中意同我地有講有笑, 但有啲只屬於佢既牌頭, 真係好鬼盞鬼

勁sir話過, 只要係得佢帶S既話, 任何時候, 唔可以啪手指,發出骨頭聲

如果聽到一聲, 就要做二十組四聲掌上壓

「你忍唔到啊嘛, 骨頭賤啊嘛, 咁咪做咯 」

阿大話, 勁sir係比較中意乾脆既人, 如果比佢找數, 千奇唔好講數或者駁返嘴啊比反應.直接受可能仲痛快

「另外係, 你都知嫁啦, 勁sir好鬼憎啊羅子建嫁.所以佢果更既時候, 唔好同羅子建癡得太埋啊」

我猛地點頭, 表示明白佢呢番說話

因為勁sir好憎羅子建呢層, 我都深有體會,我仲記得羅子建果陣時處罰

羅子建係一個先我入黎既二年班, 由於我升左班,所以我宜家同佢同級

但我一年班果陣,有一日係勁sir帶, 因為又比勁sir捉到啲濕碎野而被罰了出去冰天石地跑圈

但羅子建不同, 佢唔知點解,每次有人叫佢做野,佢仲會有種好似好難為佢既神情出現,佢呢個面色,就連阿sir都會比

所以勁sir, 特別憎佢, 因為子健...真係唔識睇面色做人,唔乾脆

「出去跑圈.」
勁sir睇完子健份作品,直接一句

知勁sir脾性既人,都知道直接出去拿拿聲跑完圈返返黎先係最好既做法

但子健,就係有佢既難為佢既一套感覺同回應

「下..? Yes sir....」
子健難為的發出疑問,再屈服

「下? 你下乜撚野啊?係唔係唔妥啊?」
勁sir既火藥立即被點燃

雖然, 係沙咀你永遠唔會知道幾時會衰

但好多既衰位, 比如勁sir既呢個位,其實一早就可以觀察得出,係可以避免的

但太遲了，子建已經衰左了