[少年監獄] 感受沙咀 五

「Good afternoon sir, 我學童S325412 蔡衡, 於今天見board時, 升上二年班sir, good afternoon sir Thank you sir」

「二年班了喎.哈哈, 真係唔經唔覺啊...你知咩牌頭嫁啦.」
張sir拎起把尺 fing 左兩 fing

「Yes sir.....」
仆街..唔想食板啊...

「咁伸手出黎啦.你呢啲板得升班先有得找架」

「Yes sir.....」
我情願，但又有啲不情願地伸出手

我擺好位, 預備接受衝擊

啪 !

「Thank you sir 1 !」

啪 !

「Thank you sir 2 啊嘶.....」

哇屌...兩個月無食過呢塊板, 真係比較痛啲.....

「拿, 二年班啦, 比心機捱完佢, 爭取下表現, 咪有機會過黎洗衣到幫我手咯.」

我乸住塊面忍住餘痛回答
「Yes sir 」

「哎,得啦得啦, 又係到扮痛, 出去搵返你大佬啦.」

「Yes sir Thank you sir !」

我操回自己S既隊伍, 這時君實sir落左指令, 話要同戈sir 君實sir報升班既話, 夜晚再一次過報

我跟著前面要報既人龍, 開始在有蓋空地上, 四處搵未報既阿sir報野..

呢種感覺, 就好似拎自己去認叻一般

所以當然少不了比中意同我地玩既阿sir戲弄


「咦 ? 呢個咪衡仔!? 咩事啊? 我同音sir一齊聽. 」
羅sir笑住說

「Good afternoon sir, 我學童S325412 蔡衡, 於今天見board時, 升上二年班sir, good afternoon sir Thank you sir」

「噢, 升班啦, 咁你個水泡呢? 」
羅sir毫不客氣地行埋黎,渣起我層肥膏

「誒 ! 瘦左喎 ! 起碼縮左幾圈喎 ! 雖然都仲有啲, 不過你一定減到既 」

「Yes sir !」
我笑著回應他們兩位既讚賞.

「阿仔, 升班就醒醒定定啦, 二年班要做啲咩, 唔好做啲咩, 你都知嫁啦, 總之低調啲就得架啦.」
音sir一如既往地給予鼓勵.

「Yes sir !」
我感到既窩心同喜悅，讓我喜得像個小孩

「哇羅sir, 你睇下呢位學童,笑得幾得戚, 不如...擠佢痕咯?」

「咁係要啦, 咁開心既野, 一於賀一賀佢!」

「啊唔好啊! 音sir , 我怕擠嫁 ! 啊哈哈哈 ~~」
隨後便是一頓搔癢之刑

其實, 右班大部分阿sir都係呢副模樣,

兩個月既時間, 早已讓我覺得,

其實右班巴, 係巴得有理由.

當然升班既消息, 其實並唔會一日就通知得曬沙咀全部阿sir.

所以那天下午,能報的阿sir並不多..

吃完晚飯, 回到A座, 換上了睡衣, 戈sir決定今晚係A座內食包奶.

係食包奶前, 有四人舉了手, 等待向"爸媽"報一個明知故問既消息

不過, 四人中, 多出黎既人,係一智.

「咩事啊一智?」
君實sir問

「good evening sir, 我學童S324715王一智,於今天見board時, 食左四分一個檸檬sir. good evening sir thank you sir」
佢害怕既語氣中, 藏著一絲灰心既情緒

「恩...你知咩事嫁? 呢個四分一檸檬算少嫁啦, 你啲毯試下再閪落去啊 ! 有排你食啊 !」

「Yes sir….」
佢喪氣地回應

食檸檬既心情, 睇怕都係唔好受..

「企返身, 無鬼用..今日升班果啲, 報埋啦.」

「Yes sir Thank you sir !」

然後我們三人輪流報左自己既升班喜訊

「嗯...見你地都算聽話, 又肯努力, 我先比你地升嫁炸, 同我keep住啊, 宜家做左前輩, 就要教好啲一年班啊 ! 仲有你啊肥仔」

「Yes sir !」
我立即應機

「你未減曬肥嫁 ! 升左二年班既頭一個星期, 下午係大棚到都係要做加強體能訓練嫁 ! 夜晚既訓練你都唔好同我停啊!」

「Yes sir !」

「嗯..好啦.記住你地自己應承左我啲咩, 仲有, 呢個月都應該有唔少人走, 全個S啊,包括一年班, 呢個星期靜坐既時候, 好同我諗下, 出到去之後, 你自己條路要點行, 會返咩工之類, 唔好隨便諗個答案敷衍我啊, 我唔滿意個答案既, 就十板!」

「Yes sir !」
S給予了回應.

不過.....


誒,又係一個難題....

「仲有啊, 諸家威, 李武傑. !」

「Yes sir !」
他們兩個回應道.

「聽日你地兩個,做完PE食完飯之後, 跟洗衣走..」
.
.
.
.
.
.
.
.
.
.
.
.
.
.
.

這個消息, 殺得我措手不及.

「Yes sir Thank you sir ! !」
他們兩個略帶興奮和高興,回應道

但我的心情, 卻一下跌向谷底...

因為洗衣....



只有兩個位...

無啦

聽日繼續

無啦

聽日繼續

無啦

聽日繼續

Yes sir thank you sir 唔該同學

1.(左班YA)未知
2.(右班YA)未知

3.(左班S)朱sir:近視帶眼鏡, 一副有家室的男人既感覺
4.(左班S)勁sir:帶左遮陽鏡既樣, 有著一股出去行既莫名霸氣同古惑feel，佢係唯一個著左懲教軍裝，而又可以著出古惑味道既阿sir
5.(右班S)戈sir：曾經因為同阿勇既恩怨而逗過衡仔，雖然嚴厲經常開憤怒mode，但被肥衡評價為真係關心學童。
6.(右班S)君實: 出名好人，找板好溫柔，成日覺得自己好靚仔

7.(左班J)大翼sir
8.(右班J)羅sir:都算係一個好爽朗,但又表現得嚴厲既阿sir
9.(右班J)音sir: 衡仔病左個陣好照顧佢(未找過衡仔數）

10.(左班校長)秋sir:沙咀殺手
11.(右班校長)子藍sir: 衡仔俾保安踢爆左個屎忽個陣，俾左跌打酒佢捽

12.(左班Recall)易sir
13.(右班Recall)虎sir: 成日俾衡仔話好似老虎咁惡

14.(左班PE)戴sir表情嚴肅,但睇得出,佢四十幾歲既面孔,蘊藏著二十幾歲的活力和精神,教PE 猛揸住蔡衡啲肚肥膏唔放
15.(右班PE)紅sir,帶著眼鏡,長袖藍色外套和長褲,但最顯眼的,應該都是他的光頭

16.(右班)楚sir:面容有些正正方方,唔帶眼鏡但隻眼好細,普通身形,幫手令呀勇同衡仔和好
17.(右班)子候sir:比較瘦,唔帶眼鏡但氣場有種冷酷的帥氣, 好cool ,好有男人味
18.(右班)子倫sir原諒左我啦...無找我數之餘.仲同我講左好多道理..

17同18係唔係同一人???

19.(右班)豐sir, 聽過培傑講過, 佢係右班少有既好sir之一, 但唔係成日返工

20.(左班)嚴sir:麻煩少少,因為佢既做法真係好鬼婆媽,有種小氣既感覺,更誇張既係, 佢真係有本小賬本隨身帶著, 記錄住我地邊個邊個差佢幾多體能數
21.(左班)輝sir:帶過一日，講過一句說話,沙咀，其實就係一個小型既社會.呢到乜野人都有, 個個都係到做戲, 扮演自己既角色,說話有些弦外之音, 好難參透.

22.保安志強sir
23.保安輝sir
24.洗衣期張sir: 斯文樣
25.探訪偉sir:話衡仔係一個喊包?!
26.廚房既龍sir好中意煮野食同好好人

君實變左做覺得自己好靚仔

咁多阿sir出返黎唔quote返都唔掂

吃完晚飯, 回到A座, 換上了睡衣, 戈sir決定今晚係A座內食包奶.

係食包奶前, 有四人舉了手, 等待向"爸媽"報一個明知故問既消息

不過, 四人中, 多出黎既人,係一智.

「咩事啊一智?」
君實sir問

係君實sir問，之後係戈sir屌？
君實sir唔似會屌到咁勁喎

吃完晚飯, 回到A座, 換上了睡衣, 戈sir決定今晚係A座內食包奶.

係食包奶前, 有四人舉了手, 等待向"爸媽"報一個明知故問既消息

不過, 四人中, 多出黎既人,係一智.

「咩事啊一智?」
君實sir問

係君實sir問，之後係戈sir屌？
君實sir唔似會屌到咁勁喎

你意會得岩

抵撚死，無得做洗衣

個故事 每一幕既動作同對話都好似係我個腦run一次咁 好有畫面
但入面升班 啊sir會不會真係替你開心？

個故事 每一幕既動作同對話都好似係我個腦run一次咁 好有畫面
但入面升班 啊sir會不會真係替你開心？

睇落真係會

好慘連洗衣都無得做