[少年監獄] 感受沙咀 五

肥衡有工返
我就比人炒 佢竟然快手過我遞信
希望嚟緊見既工請我啦

我一放工你就比人炒

希望下一份請你啦

阿壯又出現返？

佢同我同期架

突然搞亂左呀勇同呀壯

肥衡有工返
我就比人炒 佢竟然快手過我遞信
希望嚟緊見既工請我啦

我一放工你就比人炒

希望下一份請你啦

出文

由於返工 以後夜訓的鳥兒少文睇了

雖然阿壯同我都算關係唔錯, 見到佢升位, 我都開心既,

但見住佢升做我想博既位

我就....




心中真的不是滋味

但我心中既計劃, 就係點都要係三個工作中,博得一職.

於是，牌板, 洗衣,

仲有一個位, 叫指模仔

說起指模仔呢個位置既工作,
係我地大棚旁人看來,其實呢個職位相當神秘, 因為指模仔通常只需要一個,每日早上食完飯就會比指模房既阿sir接走,然後再係下午送返大棚, 專人接送, 不會被大棚累事,所以我睇,走期自然點都有些保障.

而宜家正牌既指模仔因為都就黎攞走期, 所以近期, 我地S又會選出一個人, 去做見習指模仔

神奇既係, 阿壯升見習牌板既第二日, 我地S一個叫阿希既人, 立刻就成了見習指模仔

睇黎宜家,

我得返洗衣呢個位可以博一博.

但, 又容易嗎?

至少,我連點樣先可以被欽點入洗衣,都唔知

但問了問洗衣既培傑, 佢話其實都係睇戈sir頭多

再加上阿勇走左, 黎緊又會多一個三年班拎走期

所以宜家洗衣其實會空多左兩個位.

那麼問題來了, 兩個位中, 其中一個會是我嗎?

「做咩啊? 你又想做洗衣啊? 都好既, 我見你都算醒目, 我係張sir面前推下你, 幫你講啲好說話咯」

「真嫁!? 培傑哥 ! 多謝你啊!」

「唔使..反正洗衣都開始缺人, 黎緊又走多一個, 所以點都會加返啲人入黎..一年班入面, 一智又唔醒目, 仲有個咩志成啊同揚帆, 兩個都係閪撚到阿媽都唔會認佢地做仔, 我地三年班又點會推佢地入黎啊.」

「嗯...」
雖然, 我知佢講既野好過份

但揚帆同志成,確實係S一年班入面最廢既兩個人.

我指既廢, 唔係單單話佢地摺野,步操,同體能廢.

而係佢地活係呢到, 活係沙咀呢到生存既態度, 真係好撚閪...


「屌, 錯撚夠腳未啊! 全部踎低down !」

「集中啲啦! by the left, left wheel , left wheel 啊! 你右轉做乜鳩啊! 全部訓低! 兔仔跳兩個 !」

下, 又關我事?

屌, 又黎! ?

差唔多每日, 我地S心中都會出現被連累既心聲

但志成揚帆一定唔會出現呢個心聲


無錯,

因為係S大棚到, 連坐式既懲罰起因, 絕大部分都係因為佢地兩個

所以被連累了咁多次後，我都終於發現了

佢地兩個真係好唔專心唔上心, 唔係話佢地唔想早走.

而係佢地兩個, 好似接受左自己係廢物般的態度..縱使被阿sir屌完, 打完, 罰完

佢地都係果副得過且過, 不會將錯記上心的懶懶行態度

尤其, 係志成.佢令我經歷了第一次既"大找"

大找呢個詞, 其實係指因為某啲野,搞到帶我地既阿sir大發雷霆, 於是一罰就罰曬全部S Team, 仲會包埋洗衣,牌板,指模仔一齊罰,因為大找既日子, 阿sir通常都係選大衛Day

那次志成,因為衰訓教, 姐係早上被夜更阿sir叫醒之後, 又倒頭再訓然後再比夜更阿sir叫醒, 最後夜更阿sir話比了戈sir聽

戈sir一聽,龍顏大怒
「哦,得 ! 你好撚中意訓啊嘛? 今個星期日大衛Day, 你地全部人預備多謝陳志成啊 !」

這句話說, 聽得出戈sir那股如怒濤般既怒氣,而且那股怒氣,仲燒埋大棚.

隨後, 戈sir一野扯起志成, 擺佢上膠枱, 找佢腳板

大衛day即係咩

而志成, 竟然表現得一啲都....唔似肯承擔

我真係懷疑, 佢一年班有無好好受過子藍sir同虎sir既教導

因為做錯就要認, 打就要企定既沙咀生存態度, 應該一年班果陣,個個都會學識

雖然找板真係令人好驚, 但佢既反應,未免太過無膽和懦弱了

佢居然怕到好似一個細路,滿口叫著Sorry sir之餘, 仲表露出更多既不情願情緒

大衛day即係咩

姐係紅日

同星期日 放假休息 果日唔使上PE 寫完信之後
阿sir想點就點

老實講, 忍一忍, 捱一捱, 啲板真係好快過

尤其係戈sir啲板, 我地私下研究過, 其實戈sir話找十板的話,如果你努力地面不改色捱過頭幾板, 其實戈sir好大機會,唔會再找落去.

但佢居然每食完一板之後, 又縮腳,又喊又剩 .不斷叫喊著廉價既求情話.

「屌你老母快撚啲啦! 你係唔係縮啊! 我打你老母個臭閪啊!」

「你仲縮 ! ? 你老母個臭閪啊有本事就咪撚衰入黎啊! 訓訓訓! 呢到係比你訓得舒服既地方咩! 」

「話撚左你幾次啊! 你一年班到宜家, 有無進步過 !連落左山既新人都好過你啊! 屌你老母!」

「Sorry sir ..! sorry sir !! 啊唔好打啦! 我唔敢啦! sorry sir .....!」


啪啪啪啪啪啪


拳打腳踢, 重板交加

再加上志成夾雜的哭喊求情,弄得場面,十分難看.

因為那是逃避的表現.

佢,就正正是反其道而行, 結果, 戈sir找佢既板, 找得更甘.

縱使,A座充斥住志成既慘叫, 但我地無一個人,內心係同情佢,憐憫佢

因為今個大衛Day,已經比佢陀衰左

來到大衛Day, 成個S換上了PE衫, 無得瀟灑地在有蓋石地下寫信

只能在陽光暴曬的籃球場, 兩聲踎低down

這一切,都係因為佢, 貪訓既陳志成

「全部四聲掌上壓, 龍頭鳳尾 !」

我地S這時候,一共有二十二人
龍頭鳳尾既意思, 姐係前後每人打數一組, 一共要做二十二組,而且係要每個人輪流打數一組

而大找既體能,比PE既體能內容更巴既原因,
就係 我地無得停, 龍頭一開始打數了, 就只能逐個逐個,打數落尾

更何況, 十點鐘既大嶼山太陽, 同六點鐘既大嶼山太陽,熱力根本無得比

一組四聲掌上壓, 要做十下.

不停的連續做二百二十下.真係手都軟埋.

汗水流到讓內褲都濕埋..

「一二三四 ! 二二三四 !....」

輪到我打數時, 我將心中既不忿, 同對志成既埋怨, 全部透過打數, 抒發在天空

這個世界, 那裡會有公平可言?

連坐式既懲罰,真係好巴

但要捱既, 點都會有捱完既那刻

我撐過了那場"大找"既試煉

雙手既肌肉因痛苦而悲鳴,又因放鬆而釋放乳酸

大找完後, 個個都無心無力,但戈sir既公正嚴明卻及時出現,讓大家內心大快

「除左志成, 其他人返埋位換衫 ! 你中意訓啊嘛! 自己打數, 做撚到食飯為止! 咪撚比我見到停啊 !」

見到個罪魁祸首受到更加巴既懲罰.著實讓我們既心中出現了對比.

呢啲, 咪叫 抵撚死咯

但, 或許只有我
見到了佢聽完命令既表情,
那是灰如塵土既沮喪...

佢係唔抵幫嫁..佢係抵撚死嫁!
我在心中對著自己說

但..點解
我心中又會出現同情既感覺呢..

唔好再諗了...佢唔抵幫....

我轉頭, 跟著大棚回去有蓋石地換衫.

身後不斷傳來, 掙扎又痛苦既打數

「一二三四 二二三四 ....」

「二二三四 三二三四 .............」


「同sir 報 一 !」

「一二三四 二二三四 ....」

「二二三四 三二三四 .............」

「同sir 報 二 !」

.
.
.
.

無啦今日

睇黎肥衡已經fit 左好多啦喎 可以做到二百幾下