[少年監獄] 感受沙咀 五

最後逐漸地, 沙咀既每個阿sir都開始認為莊逆天既上訴,

其實係為左搞鳩阿sir先提出的

於是佢被阿sir們分類成閪人的那邊

各樣既針對, 各樣既嚴苛對待

但佢,仍然相信心中入面既果一套正義,繼續提出上訴

所以佢, 真的是一個異類

我相信, 佢係出面, 都應該是個異類

一個不懂做人, 不會轉彎既異類

當然佢反常, 閪既地方,並不止是這樣

佢體能不算好, 摺毯又差, 步操又好似小兒麻痺般, 明明生得高大威猛195既身高, 但總是駝背見人,活像一個蠢的要命的猩猩

而且, 佢有好多個"點解",
每當我地大棚既人向佢比建議, 叫佢唔好做乜, 拿拿聲去做乜既時候, 佢第一句通常都係"點解?"
讓大棚既我們對佢十分討厭

但當阿sir打鳩佢,找佢數,對佢巴既時候, 佢又反而識做,
唔出聲,但都會Keep住一副"點解你要咁對我" 既表情

「喂你步操可唔可以唔好駝背啊? 今日被你陀衰左幾多次啊 ? 夜晚返倉叫人幫你打數加操啦 !」
圓圓憤然地向佢發火

但壯逆天,仍然一句
「點解 ? 你地..都夠衰左幾次啦...點解係要得我一個加操?. 」

「咁屌你老母你衰得最多啊嘛仆街! 叫你練就練啦 !」

佢既木訥同表現, 令到同team既我地,阿sir, 都唔中意佢, 憎佢

佢絲毫,沒有一絲慚愧和內疚

這就是我當時對逆天既印象

說回大棚吧,

自從我入了洗衣, 除了燙衫之外, 我仲多左啲時間,可以比自己思考

我開始對沙咀既階級排位, 有了初步的認知

在金字塔最上面的,當然係阿一(監督) 同 阿二(總懲教主任),

其次係值日官( 高級懲教主任)

然後係,主任

最後到平時會帶住我地,睇住我地既阿sir

而對每一team而言,

帶我地既阿sir亦都分為正裝同副裝

亦都有分AOI(一級懲教助理), AOII(二級懲教助理)

這就是阿sir們既階級結構

當然, 我地呢班沙咀仔,其實私下都有著一個階級觀念（阿sir亦都默許的）

分別係

三年班

二年班

一年班

同埋閪人

但上訴可以消案底喎，沙咀果種三年消案底係偽消案底
即係政府工移民都唔得
咁梗係有分別

agger
就咁睇 佢俾人入咗呢條罪真係好無辜

正如阿sir既階級制度一樣,

我地圍內通常都會實行一種下級服從上級既潛規則

低年班既, 要聽高年班話

如果唔撚聽? 就報串比阿sir聽,或者再用其他方法搞鳩佢

搞到佢乖, 肯聽肯捱為止

原因係如果宜家,低年班連前輩既說話,教誨都唔聽,

咁呢個低年班遲早都會犯下陀衰到大棚既大錯

因為連坐式既懲罰, 係沙咀最常又最痛苦既巴.

你一個人被罰要做既掌上壓, 分分鐘會變成整個S都要罰既體能數

無人中意果種
明明唔關你事, 但都要被人拖累,捱辛苦既感覺吧?

所以, 宜家啱啱落山既兩個新人, 一個叫張利堅, 一個叫周浩賓,自然受到高年班既關照同注視

應該話,每個落山既新人,都會受到關照,
如果擺入制度內, 新人都應該高過閪人一級

這些,

應該就係左班輝sir口中, 沙咀既迷你社會制度吧

我拎起子倫sir既軍裝, 一路燙, 一路諗

白色既蒸汽, 燙完後整齊, 筆直既一套軍裝,
開始成為了我每日最常見到既畫面

五日既時間學著學著就過了

來到星期六，

星期六既節目通常都係早上,夾齊三個team操一轉嚴肅既morning parade,

然後食飯, 打餅或者玩下額外體能,
下午既時間就會係剪頭髮.

而剪頭髮呢個節目, 阿sir會安排我地一邊等剪頭髮, 一邊寫信.

剪頭髮用既刨刀,讓我們每個學童, 每個星期既頭髮, 都維持住5mm長既標準

而識幫人飛髪既學童, 會被阿sir安排做"髪官", 幫我地逐個逐個飛髪

而剪完頭髮後, 我地都要行去同帶我地既阿sir報檢查頭髮, 隨即又係一套檢查頭髮既動作

比阿sir檢查完後, 就終於可以入去體育館內沖涼房沖涼,沖走啲髪碎

不過, 這時候既淋浴, 並不是平日我地沖開既"一分鐘"涼

而係你想沖幾耐,就幾耐, 當然要自己拿捏時間, 不要讓阿sir"擔心"你失蹤而走入來搵你

但通常, 十分鐘都是有的

所以呢個時間, 就正正係認真清洗自己身體既時候,

士多既培傑, 亦都會故意係今日出多一支梘液

我將每次只能擠三下梘液既牌頭, 拋諸腦後

用力搓走老泥,

沖乾淨啲髪碎同洗乾淨個身,

我企係沖涼房洗手盤既鏡子前,抹開霧氣

望了望二年班既自己

題外話 之前有人話我地會成身老泥出冊 其實未必既

鏡中

二年班的自己

上身既肥仔波原來不知不覺縮水了不少,

雙手既肌肉同尺寸,亦明顯大了幾圈,

我的肩膀更寬了, 鎖骨更深了

面上同下巴既贅肉, 亦都收緊了

我學著健美的姿勢,使勁谷了谷肌肉

我感受到胸肌既跳動, 多出來的三頭肌鼓動

雖然仍有一些拜拜肉同一細圈車胎在身

但身材既改變, 不得不讓我感歎......

看來...我捱得還算有價值的

我換上新的替換衫, 行返出體育館埋返位,準備寫信比我兄弟

因為升了二年班的特權之一, 就係可以開始回信比其他人
(一年班只能寫比屋企人), 於是我立即起筆, 將心中想同兄弟述說的說話, 落在白紙上















































不過呢, 封信既內容我就唔打出來啦, 我宜家睇返, 真係好鬼肉麻, 但當時礙於情況同書面語, 所以亦只能寫這些....

肥仔開始瘦喇

另外,升上二年班後, 我地都要開始背監管令, 關於監管令, 阿sir係容許我地拎張紙抄低監管令,方便我地回倉背誦

我向君實sir方向舉手

「good afternoon sir, 同sir報請批准我學童借紙和筆抄寫監管令sir, good afternoon sir thank you sir 」

「恩, 阿峰. 」

我接過阿峰遞來的監管令, 然後逐條逐條, 抄在白紙上


那是我出冊之後 ，要跟足一年既律令

好想知見到自己變瘦個下係咩感覺

監管令

於離開沙咀勞教中心以後一年之期間內:

(1) 我必須服從監管人員,或其他不時替代後者之人員之監管.

(2) 我必須依照監管人員的指示與該人員會員

(3)我必須立即通知監管人員有關居住或地址的改變, 或職業狀況的改變,包括被革職

(4)我必須行為良好,奉公守法

(5)我必須事先通知監管人員, 才可離開香港一段指定時間或在外地居住

(6)我必須居住在監管人員認可的地址

(7)我必須從事監管人員認可的工作

(8)我必須每月至少會見監管人員一次

(9)我必須於晚上十一時至翌日六時間,逗留在呈報居所的地址內,除非事先取得監管人員的書面批准.

(10)我必須依照監管人員的指示, 從事正當工作, 除非有合理的解釋外

(11)我不得觸犯香港之任何法例

(12)我必須入住豐力樓,直至獲得批准居住其他地方為止, 住宿豐力樓期間
(a)我必須服從豐力樓主管或豐力樓內任何職員之所有合法命令, 更不得以任何方式妨礙樓內之良好秩序及紀律;

(b)我必須在假期完畢之後, 而在豐力樓主管所規定時間內返回豐力樓;

(c)我必須每日在指定時間前往經批准之工作地點上班;

(d)我必須在失去工作或不須工作時盡速返回豐力樓;

(e)我必須工作完畢後盡速返回豐力樓,無論如何不得遲過豐力樓主管所規定之時間;

(f)我必須繳付所規定之住宿費用.

「升三年班之前好同我背曬佢啊, 幾時得既就搵我背, 但搵之前諗清楚啊, 如果背錯一個字就一板嘿嘿」
君實sir邪惡一笑說道

「Yes sir !」
我不禁咋舌, 監管令原來有咁撚多條?

我抄曬後, 將監管令對折成細塊,塞入後袋.

雖然巴就巴左啲,

但總算,
我開始隱約見到,出冊既跡象了

後日星期一，又開board

不遠了 不遠了

會唔會食檸檬呢

Live撚左

如果背錯一個字就一板嘿嘿