[少年監獄] 感受沙咀 五

LM

今日無???

我12點開始出

等文啊

12:00喇喎

Good evening sir 同sir報 已經12點啦 。good evening sir thank you sir

屌.

呢鋪真係大撚獲.

肚入面已經塞曬了飯菜,如果再食埋橙皮呢啲異物入肚.

夜晚都唔知會唔會肚痛.

但衰左就係衰左...反正無食過橙皮, 就試試吧

我將斷了的半截橙皮，捏在手中

想不到平時隨處可見，無諗過可以擺落口既橙皮

今天，卻要送入口中

我搣出一塊可以放入口中大小既橙皮，猶豫了下，

然後吞吞口水，放入了口中

試試味道先吧

我下顎發力，開始咬嚼口中既異物

我立刻後悔了

一句話

難食

先衝擊口腔的，是粗糙既外皮口感

隨之而來既係難以忍受既苦澀，不斷溢出

讓我忍不住皺起眉頭

再繼續咬嚼，我漸漸發現了一股回甘從喉嚨返回舌尖

不是那種甘甜，清新的甘味，

而是一股反胃，嘔心的感覺

我下定決心,將口中全部咀嚼完的碎塊吞了下肚
但那股嘔心同苦澀繼續殘留口中

我屌...

好撚絕望

因為呢個只不過係第一塊既滋味

仲有差唔多七八塊先啃完個橙皮,如何是好啊?

Thank you sir1

Thank you sir 2

一片一片黎一定好巴,

所以我決定唔嚼直接吞,但粗糙既外皮好難吞落口, 加上形狀唔方便

那麼就試試一次性塞落口, 一次性咀嚼曬佢再吞

我一次過塞了三塊橙皮入口,輕輕咬了幾下,開始狠吞下口

但那股味道既巴,反胃既衝動, 隨之而來

讓我差啲忍不住嘔返出黎

好彩, 我忍到, 滿口既異味, 面前仲有五塊橙皮.

我乸住口面,表達著對橙皮既不滿...好撚難食啊...

Thank you sir

但這時, 坐在旁邊既武傑,蚊聲說道

「哎,係唔係好難食啊? 比兩塊我啦.」

我驚喜地,用充滿感激既眼神望佢.

心中莫名感動

「多謝...」

我偷偷地,將搣出的兩塊橙皮推去他那邊.

他立即接過橙皮,一野放入口中.

對面既阿壯見到, 似乎亦有些不甘示弱.

「唉..我都幫你頂一塊啦..我玻璃腸胃嫁我」

此刻的我, 還能說什麼呢...

有些莫名既情誼, 的確會在這荒誕既地方產生.

我食埋剩下既兩塊橙皮,
口中雖然難受, 但心中,卻充滿人情溫暖.

總言之

食橙皮, 真係幾巴下. 唔信既,你地都可以試下嫁

解決完橙皮, 那晚既我同圓圓既深夜gem歌主題, 係 杰倫之夜

就連武傑都加入了其中, 因為佢話,佢好中意周杰倫果首 彩虹

我當時未聽過呢首,亦都聽唔清楚武傑唱出既歌詞.

但其中兩句, 真的很有意思.

有沒有口罩一個給我 釋懷說了太多就成真不了

也許時間是一種解藥 也是我現在正服下的毒藥


嗯..真的很有意思..

gem埋首發如雪, 同埋首安靜.

寂寞既牢房,

就連心情, 都特別容易, 受歌曲中既悲歡影響.

我放鬆趴下

腦海繼續回味著自己的金曲歌單..緩緩睡去..

寒風陣陣, 但心, 開始多了幾絲溫暖..

第二日醒來後,

第一個擔心既事情,就是明天終於要見board

見board, 見既要既, 係個結果,一個結果係升班, 一個結果係話你表現唔好, 然後比你檸檬食.

係沙咀到,食檸檬既意思, 姐係見board既時候得到既結果, 一隻檸檬, 姐係留一個月, 半個檸檬係兩個星期, 四分一個檸檬,姐係一個星期

我地全部一年班,在一年班既第一個月那星期時, 已經食左一個檸檬, 因為一年班既時間坐底係兩個月.

宜家第二個月, 我都有少少怕,自己會食檸檬.
所以我已事先問過指模仔既阿希

但點解我會問阿希既?

因為做指模仔既好處之一, 就係可以先大棚一步, 知道邊啲人走期, 邊啲人升班, 邊啲人會食檸檬

宜家第二個月,

決定呢啲野既文件, 會係指模房出現先.

「你? 你無事啊, 一年班入面,我記得無人要食檸檬啊.」
阿希話

呼~呼～

專業人士既答案, 永遠會讓人安心.

「多謝曬..」

希望

阿希說的是真的吧

到了見board那天,
那是星期一, 這天,
我剛剛好係沙咀一年班滿兩個月.

下午右班接更後, 我地去到洗衣外面, 換上見board用既外套和長褲. 俗稱board衫board褲

board衫board褲其實同我地平時著既外套長褲樣式一模一樣, 但差別在於board衫board褲新凈好多,而且被人燙過, 手袖同褲管既"骨"燙的特別直.

今日要見board 既S ,有我, 武傑, 阿壯.
同期的關係, 我地三個經常癡埋一齊.