烏野的守護神
2022-05-22 22:48:48
值唔值得去做化療我諗你真係要好好同你屋企人商量一下。我見有好多病人最後悔選擇active treatment , 覺得曬咗咁多錢只係換到少少嘅時間。同時間亦都有好多病人覺得錢唔係問題,最後好慶幸多咗時間同佢地屋企人走埋生命最後一段路。對香港人來講死亡始終係一個大家唔想討論嘅問題, 但係你一定要同你屋企人有共識,俾佢好好咁選擇。
同埋最緊要嘅係記得嚟緊嘅日子唔係一場battle or war , 亦都唔會有輸或者贏,因為癌症永遠只會play by the own rules 。就算接受咗癌症治療之後答唔到你哋理想中嘅目標,絕對唔係你或者你屋企人嘅錯。亦都唔好再諗點解當初唔揀邊一個治療方向,因為你哋已經做得好好㗎啦,唔好俾咁大壓力自己。
面對癌症係條好長嘅路,對唔住我始終唔係腫瘤科醫生俾唔到啲咩實質意見你,只係能夠好好咁祝福你同你屋企人🙏如果錢銀上面有問題嘅話,可以問吓公立醫院嘅醫生或者護士睇吓可唔可以refer 醫療社工。要加油呀樓主!!