窮撚讀國際學校(2)

去到高D班應該唔會硬性規定跟calender year, 應該都係跟番進度俾你轉

謝謝回覆！咁真係可能要自己試下先知邊一年轉唔使跳！

KCIS設施舊學費已經price in左,你情我願;
朋友今年Year 7轉左去ESF, 佢話出現導致老師流失人事變動,
當然人事變動可以越攪越衰又可以變番好;
呢D問題所有學校都有機會出現,
但細校影響比較明顯;
走一兩個已經冇人頂, 新人又未必立即請到。

讀邊間學校, 想識睇餐牌家長都要下苦功。

同意，已開始下苦功了

謝謝🙏🏻

呢個post喺fb group出左名

點出名法?
臭名遠播?

有人問家庭月入7萬+一層收租樓+1層自住樓夠唔夠比1個細路讀IS，結果引起好多人討論，吹到要月入10萬up先讀到etc.
跟住有人提起呢個post(1)，講起你月入5萬比兩件讀到esf

8皮野唔駛俾租 分分鐘好過人地10皮要供樓啦

以前供樓萬幾蚊,學費2件小學加埋又係萬幾蚊,工人平均洗你6千;食;著衫慳D,住得簡單D,冇車揸,暑假唔洗交學費仲可以回血有錢剩去幾日東南亞/日本。

上到高中2件學費貴左咪cut 工人自己做家務。

物質嘅野,放唔低咪讀local school, 冇對錯。

太遲決定, 早知報ESF既幼稚園
ESF性價比好似好高

嚟緊個細路應該會係VEO K1
係咪K2學期初就要開始周圍考IS既year 1?
應該唔會考慮VSA間小學

如果讀VEO, 萬一 K2 嗰年考唔到其他國際龍校, 條路應該點行?
係咪K3 再考插班都無乜問題, 大把人係咁?
有埋中學個既IS係咪基本上全部爭崩頭?

帶定頭盔 (利申:廢老) 廿年前玩法同今日唔同, 但原理應該一樣。

唔少人讀完K會番傳統(其中一部份其實冇諗過讀IS讀上去);
有人會去D所謂free d嘅直資, 但終點係DSE, 你懂的;
有人會上CKY呢類行IB到尾, 但係咪你想要嘅野?
有人會上D 冇咁多人爭嘅IS, 等升Year 7 mass intake 轉校; 但要有心理準備, 冇人爭多數係學費俾足, 但感覺樣樣都差人地少少, Year 7亦唔一定轉得走。

插班就唔好抱太大期望, 要走嘅都走得7788, 估計可見將來都唔會有太多位放出黎;
如果讀番傳統等幾年先有位插, 英文變差, 隨時interview 都過唔到。

即係最穩陣就係K2 搵定啲實入到既IS做backup

如果你有決心行到尾, 呢個係必需。
俾左留位費最多當跌錢, 可以揀間唔使俾一大筆買債券個D做back up最理想。

另外想講讀veo 想考IS 唔可以淨係靠學校

所以我一心IS就無報VEO一黎VEO大競爭，二黎感覺上佢有少少唔湯唔水
另外K2考IS我都打算會報d「穩入」既打底，寧願入d差少少既IS再插班心儀

不過有某d IS而家都開始唔收細b，例如cais、fis
如果我間K有K3,到時都會考慮讀K3定係其他學校既Y1

穩入個啲係咪通常無中學？

收我個仔個啲最好嗰間已經係Veo
所以無得揀
LH 未出offer 但 Veo 應該啱啲

自稱"non selective" 嘅IS (個人認為ESF 先係真正嘅non selective)
就算無中學 有好多得小學嘅IS 都會有中學connection
不過去到Y6同常啲人都會走晒
LH aim local 先讀啦 幾academic

本身英文小學，如果grade 9先join esf，唔知可否考Chinese SLB 或者Chinese HL B, 定係一定要Chinese SL A呢？本身小朋友讀local英小直資，中文好弱。

ESF IBDP可以考Chinese A or Chinese B;
ESF Year 6 統一做assessment Year 7分班;
當年唔識點玩, 阿女全力以赴, 結果Year 7編左最高班((記得好似分3個level), 跟住開左學一個月即刻降番一班;
如果中學先插班就唔知佢點評估, 但本地人差極應該都係中間個班。

到IBDP老師有機會逼你升呢。
好似我個仔揀左Chinese B SL 都被逼轉考Chinese B HL, 結果要take 4科HL。