窮撚讀國際學校(2)

我小朋友讀Kellett ,薄扶林Kellett 開咗四十幾年而家只有小學部在那邊，九龍灣Kellett 係小學部及中學部，啱啱入去讀reception嗰陣時我個班只有我個仔同另外一個女仔係華人其他全部係鬼，但係隨着年齡越來越大越來越多鬼返英國，變成而家少過一半。

同埋呢幾年換咗校長之後改變好大以前個校長比較Hea，及小三之後中文或者法文揀一課，但而家準備開始冇法文只有中文，可能想吸引返啲本地人讀因為佢哋中文真係太簡單我都係幫我個仔揀法文。但整體來講Kellett係一個好好既學校

今時今日,以外籍學生比例來說, Kellett已經算高。

係呀不過相對啲家長都比較Hea ，有個家長提早六月頭就放暑假，大半個月唔返學

咁咪好,小小班教學。

見到你咁講之後，雖然阿女得半歲，但我同老婆每日都決定每朝一起身都會花15分鐘同佢讀一次書，雖然依家只係picture book，但希望持之以恆，令到大人同小朋友都習慣每日一齊讀書

我細個只睇中文書，所以英文麻麻，老婆就相反，只睇英文書，睇到中文就頭痛，希望阿女兩邊都做得好

一定唔會白費心機！！
如果無其他變數，你地將來唔駛點操心佢嘅學業！ 佢語文能力夠，自然可以自己學習，尤其你們有個優勢，中英兼備，會比我更加好。
我當年只注重英文書，因為在外國，中文書難找。

咩書都好，能吸引佢就得，我覺得唔一定要文學名著，最緊要佢能坐定定看完一本書，就已經足夠。將來她會自己去選擇書的類型，現在不用太操心在類型選擇上。

總之，咩都睇下，最緊要能坐定定，同時又有親子時間！

我女女第一本書，每頁都一隻動物，下面就只有一句英文，而且不斷重覆同一句，但呢本書睇左好多年，每晚都要睇一次。

巴打你女女嘅閱讀經歷同我個女一模一樣。
我當年都由一歲左右開始同女兒睇書, 過左一排,佢會晚晚自動揀本書叫我一齊睇一齊讀, 再過一排, 就識得揀自己鍾意嘅書睇。有個階段, 我直情叫佢唔好睇咁多書, 不如打下機。
如巴打說, 語文能力夠，便可以像海綿般吸收各方面知識, 能自己學習，學業上一定沒有問題。

知己呀！！！

老婆成日話我教壞佢地架，引佢地唔做功課，走堂，打機，甚至逃學都試過 - （BOOK馬來西亞酒店玩，跟住用FAMILY BUSINESS為由同學校請假。）

嫌佢地平時乖得濟，太悶蛋！

多數女人都唔能夠think out of the box, 要循規蹈矩。
好似細個學彈琴, 個仔唔跟琴譜自己亂彈實比老婆鬧, 我反而覺得自己探索下幾好。個仔大個左仍然好有興趣彈下歌仔或彈下d game嘅BGM, 個女就只會彈番琴書D歌。

我女女現時有一半你講緊嘅經歷
希望keep到

努力。少D接觸電子奶嘴,必有所成。

exactly!
不過，入到中學階段，老婆對我教嘅壞事都再無反對！

認同唔可以成日都跟住個框框去做事，我都覺得好多時係大人扼殺咗小朋友嘅創造力，只要件事唔係絕對嘅錯又唔會造成破壞，我都會俾佢自由發揮。

咁有冇試過係牆畫畫?

咁又冇喎...佢仲細，未去到識enjoy 畫畫嘅年紀。但日後應該都唔會俾佢咁做，我老婆實鬧死佢都似

睇到巴打既建議，我都即刻上amazon訂左堆書香港買書真係好貴

以前香港書局多, 倍小朋友行書局可以行半日,當係假日節目, 書展又可以連去2,3次行李箱掃書。依家疫情+書局執Q晒, 選擇少左, 家長動力也弱左。
(Festival Walk剩番個間似乎太細, Pacific Place 有一間仍然值得打下書釘)
睇書一定要濫, fiction / non-fiction有殺錯冇放過。

鍾意睇書都要小心，因為我大仔好鍾意睇書，year 3一個暑假睇晒harry potter 之後加左大約100 度，之後醫生睇咗佢本書話啲字太細所以令到佢近視

所以之後轉左用kindle

睇啲鬼佬區啲租都平咗，東涌 南丫島。

巴打講得好好，所有野都係計數。選擇咗國際學校、差不多個個月供多層細價樓，中途仲唔可以落車。呢個post 既巴打都好勵志，雖則話係窮撚、但都係經過深思熟慮，計晒數先做，共逸之