窮撚讀國際學校(2)

我老婆當年中學畢業後，讀左三年護士，做左四年RN . 學歷就係咁多。唯一一樣特嘅，就是喜歡小朋友。我也差不多，中學畢業讀左三年師範，教左四年書，後來到外國讀大學，完成學位課程。我兩都不算得高學歷。

我諗巴打同老婆唔單止學識好，方法同態度上都係好好先做到咁嘅成績
畢竟full time mom 嘅家都唔少 但做到仔女全部都外國大學攞獎學金畢業就真係萬中無一

巴打同樓主一樣咁謙虛
我自己有小朋友就知唔係咁簡單，
要佢哋坐定定聽你講已經高難度

想問巴打一開始老婆決定唔做湊三個係已經
Plan左將來會俾佢地到外國升學？
三個一開始都喺香港讀local school or i school?

我當時職業是老師，對香港教育無咩信心，如果有機會，我寧願兒女注重多些英文。我在外國讀大學，便發覺當地小學生不像香港一樣多功課，放學回來基本上不用做功課，十分輕鬆。 他們長大後，同樣可以入大學，做教授。 我那時便想把小朋友留在外國完成學業。

三個的時間有些不同，但大致是這樣 -：
我因為讀書和澳洲工作關係，她們在澳洲和星加坡讀小學。後來我在香港工作，她們也在香港直資完成中學，用IB成績再去外國讀書。

我想，如果她們沒有在外國讀小學，而在香港小一到中學都讀直資或國際學校，結果會否一樣呢？ 未必完全一樣，但也差不得太遠。直資學校的功課壓力不像傳統的大，特別是外國課程，如IB，不會只注重考試成續。

這是我的原則：“避免做無謂功課，成為考試機器”。 我選擇學校也是這個原則。曾經在星加坡一間小學裏，大考期間，大概是明天考中文，後天考數學，但今天還有數學功學。我真想問問那位數學老師，會在甚麽時候改數學功課？會在考數學前，交回學生手上溫習？ 這份功課真的這樣重要？
學期結束後，我便替她們轉了另一間小學。

總結，讀ib目的係咩？

人人目的唔同,如何總結?

多謝無聊巴分享。我以前也有同一疑問:香港人日日話外國讀書容易,好似中學數學起碼程度特別淺,起碼低兩級;當香港人連幼稚園也要學深D,學習小學課程為上;點解中學數學低兩級嘅外國人讀完大學,甚至中途輟學,也可以跑出咁多成功科學家/企業家?
如果唔係出自教育問題,莫非香港人特別蠢?咁嗰D全球中學生數理化排名,比$擦番黎?

我有問過BBC朋友，英國情況係公立教育係hea，但有興趣有毅力同IQ高果班自然會跑出。但state school小朋友好多基礎教育根基打得好差，讀完書好多好簡單嘅嘢都唔識。

而中產以上家庭會放小朋友去independent school接受精英教育，資源同state school係兩個世界。

應該係天性懶散果班個基礎教育打得差
有好有唔好
佢哋無興趣讀書，其實畢業後打份基層工都可能唔需要識咁多學術嘢。

少少雙語 ok 既

香港教育制度係用黎培養出色嘅employees

英國independent school 都貴，响香港可以兩公婆都出去做嘢就話afford到IS, 但响英國一個返工一個照顧屋企要供independent school 仲要唔止一個細佬應該有啲難？

所以好多人問點解唔直接移民,仍要留港讀IS?呢個就係主因。

多謝巴打回覆。我諗好多巴打睇完呢個post 都心思思轉IS.

再請教多少少， 最後兩年先上IB, 會唔會好難follow?同埋巴打太太take care 到初中以後、阿囡有冇外補？

聽佢地講番，最後兩年係比較幸苦，好多野學，好多PROJECT。
不過，我覺得只用兩年時來預備入大學，也不太過份。相反，要用多幾年來預備，會不會對小孩子壓力大了點？

初中後，她們對學習已經是自動波了，不再需要陪伴。可能是從小培養了學習事物的興趣，返學不會感到太苦悶。我們也不要求高分數，所以她們讀書沒有太大壓力，也不用補習。
有時某一科測驗成績好，同學又會向她請教，她自然會更努力，不必再加外力了。

聽到巴打講話自動波、對學習有興趣、直頭心裏面喊出嚟，希望自己都見到呢一日
雖然明知迫係適得其反、但又睇唔過眼、真係有排學

明呀，我都掙扎過。香港的制度好難做到，甚至，整個亞洲都係咁。
所以一開始選擇非主流學校, 祈望不太注重默書測驗考試成績，開開心心，升到班就算。

論平民IS，一定係蘇浙國際

有冇多D內幕消息分享一下?

幾多%入第一志願真係的啖笑
第一志願可以係最熱門/中上/中間
即係中學既band123
揀band3入band3都叫入第一志願架
有哥哥家姐跟入小學跟本佢唔讀書都會入
所以呢啲數據真係不可盡信