窮撚讀國際學校(2)

我N無

我係下年4月報Pre-K

讀York只係會駁local school。
有個公墓猿朋友當年人云亦云, 最後只得統一派位去左一間普通小學。
有幾差唔敢講,未讀過, 但當年見不停要D學生考幾多幾多個盾黎打飛機, 覺得佢不務正業。

國民教育?
我估一日唔強行立法都唔會有。
當然唔排除有少部份幕後紅底老細/媚共嘅學校會靜雞雞塞d野比你。
十幾年前ICS已經好出名;識位家長話小班教學好正;
CAIS搬左新校後好似都有D負面新聞。
最好自已2間都google下有咩黑歷史。

Thanks!
呢啲學校有冇話點樣易入d?

以事論事; 如果家長沒有下苦功, local 學生 同 IS 學生比較, Year 1 面試時英語能力差距已經好大, 面試表現更加明顯,對IS學生面試只係做平日返學做嘅流程 , local school學生要花些工夫事前準備, 臨場又會怯(熱門學校IS學生多數會遇到相熟同學一齊interview) 。

有心試最好大包圍,唔好慳報名費, 報多幾間。點樣易入就唔識答你。
入到嘅,咪話乜都唔洗做, 天才波瞓低都入到;
入唔到嘅,咪話唔知點解做咁多野都入唔到, 得個酸字。

(我個仔當年俾左3間留位費, 一間俾完留位費, 收到一個信封同一疊紙就放棄, 另一間買晒校服只番左2,3日學就轉校; 係好肉赤, 但有得揀總好過冇得揀)

請問大家點睇蘇浙國際？如果想K3 轉CAIS / ICS, 會唔會好難？

謝謝，會報埋ICS K1。

再想請問，如果目標為ICS 和CAIS，大家會揀Anfield 同蘇浙國際嘅K1 entry? 主要想操練英文為K3 admission準備，我估Anfield 同蘇浙國際學術上唔會差太遠？Assume 皆有/皆無外補。

K1 就。。。睇你住邊啦

睇你揀咩小學
山頂、己連拿呢d實有機會
同埋有fp大機會超多啦

其實唔想行傳統DSE route嘅家長, 又唔想移民(住);
越多顧慮,越遲決定越難成功。
有心人應該搵間正常少少嘅IS讀住先, Year 1轉唔到咪排waiting, 再唔係等Year 7再試轉間心水學校;即使轉唔到, 中學開始注重學術都未遲。
學術唔使考慮太多, 更唔好日日同傳統學校比較課程深度(要比不如你直接番傳統讀算); 小學階段攪得掂兩種語言已經算跑贏大市, 比子女多D空間探索, 其他野可以各自修行。
除左燒$, 你應該唔會後悔(唔使陪太子默書已經賺到笑)。

十幾年黎,後悔唔早D讀IS嘅家長(當然係講有$讀而最後選擇唔讀嘅家長)見得多;
後悔讀IS嘅家長真係好少有。

唔洗陪太子默書

最絕望嘅情景係晚晚陪讀做功課默書但子女虛不受補,父母心力交瘁。

一路走過來, 我也擔心過學術問題 (ESF要到Year 11才有Mock考試模式, 之前一直只有in-class assessment), 連考公開試技巧也擔心掌握不到。
最後發現擔心是多餘, 從幼稚園小學到中學, 輕鬆學習中, 不知不覺已經掌握好多learning skills。