窮撚讀國際學校(2)

咁兩者冇衝突。合乎發牌條件(如果有嘅話)又可以滿足香港呢個畸形市場(想要英文好又要駁免費教育)。有demand就有supply.

但仲會想喺香港生育？

國際兩個字唔知要咩條件
但感覺比小學易好多
起碼冇70%rule先

廢中思想守舊。生左先算。

我估都係師資同硬件,再加個非本地課程。今日行過太子都有3間。(有2間好似冇開門)。

樓豬剛才提到高小的球類比賽,想分享一下,希望大家唔好嫌樓豬長氣。
每年學校總有幾個聯校比賽,小規模的便是英基各分校之間聯誼一下,規模較大的,會有其他國際學校一起參與。
樓豬係運動白痴,校隊一詞同樓豬人生扯不上任何關係,而呢個病亦會遺傳到下一代。
聽說孩子被"選"入校隊,覺得非常神奇,當然要積極參與。
說其中一個大規模的足球比賽做例子吧。週末早上,幾十隊男男女女隊伍到場,比賽方式跟我的想像不同,分小組循環比賽,小組結果按1234(4=包尾)名次全部進入杯碗碟盾小組循環,再打淘汰賽。簡言之,不論強隊弱隊,可以踢好多場盡興,都有同等機會爭級別冠軍,拎金銀銅牌。
孩子當然希望爭勝,其實家長們不太關心,當然努力打氣,好似嘉年華會,贏左高興,輸亦開心。
個人覺得比較有瞄頭係女子足球隊。比賽前練習似模似樣,好像訓練有素,比賽開始高下立見。原來好大部份係唔識踢波!8個人一齊追住個波(5人足球,龍門冇追埋一份),冇台型冇隊型,但睇得好enjoy,娛樂性豐富。

好耐冇作文,希望冇悶親眾巴絲。

讀esl由k1開始讀英文係唔係保證native？

樓主有冇見過有人讀咗咁多年都唔係native

係呀，呢家邊左龍校

英美都有ib tutor
但香港特別多係真嘅
所以先話根本唔關讀咩學制事
家長思維唔會因為轉左讀IB而改變

你係屋企都係用英文同細路溝通？女女半歲，我諗緊係父母日常都用英文同佢講野，定一個中一個英好，定上午英下午中好

值得。當投資係個仔身上，到中學時，就會有回報！六萬一個月，收入已經係中上。
全職湊嘅，個仔成績一定好，唔駛俾錢補習，閒錢得黎細路有自信好多，呢啲質素多多錢都買唔到。
如果入讀直資同國際，政府規定，要設立獎學金，成績好嘅差唔多交少一半學費，畢業後隨時攞埋外國大學獎學金。

當然不能只用金錢去計值唔值，可以告訴你，你個細路將會行一條與眾不同嘅路。不過提提你另一半，全職媽咪隨時辛苦過返工，唔係個個適合！！！


利申：： 三個女都係媽咪全職湊直到初中（即是13年左右人工和青春），從不補習，放假就放假，三個加埋，由中學到大學都收番幾百萬獎學金（特別係美國，全費獎學金特別多），而家一個博士，兩個碩士畢業。

我本身都準備送小朋友讀veo
錢都俾左一期
不過諗諗下冇錢
都係俾佢讀kcs轉kcis算

我真心勸中等收入嘅巴打惗清楚
先好決定仔女行國際學校呢條路

要做得子女入學決定嘅巴打都應該三四十歲
對上有父母，對下有子女
要平衡資源點樣分佈

國際學校要求買債券嘅門欖，入學費係幾多，每月學費係幾多，退學手續係點，全部事前都要問清楚

身邊朋友有兩個個案
一，家庭收入中等，但呀媽忽然失業幾年，最後連學費都交唔到，最後畀教育局強制指派咗去一間公屋學校

二，幾萬蚊留位費都交埋，最係關頭都係放棄情願去間公立，因為長遠計 佢吔覺得個負擔太大

大家決定前真係同家人好好商量
因為呢個決定會影響全家未來十幾年

嘩巴打你老婆好堅，真係欽敬，一個稱職嘅全職媽媽真係好難做，仲要湊3個

點樣保證?有壞包換?定回水?

首先我唔係語言法官(我覺得冇人係),冇權判斷或認證咩先叫native English. 剛剛google左一個網頁可以一看:
https://englishwithkim.com/global-native-english-accent/

呢個問題,baby condom拗左幾十年(而且會繼續拗多幾十年),到最後都係鬧交收場。我年紀大,唔會再浪費生命去研究呢啲高階哲學性嘅問題。

個人觀察,fluency不用擔心(好多讀local school學生都好好), overall accent有D獨特,有人話國際學校師生來自五湖四海,係呢個大熔爐成長,環境跟在個別English speaking countries好唔同有關係。

你返/放學時間去國際學校門口偷聽下D人講野你就明。

反正都係全職，湊三個，抵啲！

巴打個故事好撚癲 我老婆其實都全職左1年幾佢明白一定係辛苦過番工。

想問下你d 仔女中文讀寫聽說程度係點？

呢個又係隨時開拖嘅話題。半中半英,或全英,有好成功例子,又有好失敗例子。
學習英語,單向睇片一定唔夠。所以咁多人要番playgroup,N班增加雙向。
至於窮撚個case係點?依家多數講廣東話,講功課時咪用番英文。
細個點train?當年窮撚係on9仔一名(依家係on9佬),乜到唔識,你諗得到嘅方法都用過(更cls都做過)因為當年只能考慮ESF(因為窮,小直上中)而當年行cat1/cat2收生方法,加上有傳說interview時一句中文即out(仲會用中文chok下你會唔會講)。所以呀大係傾向英文多好多。

想問下美國大學嘅scholarship,係申請左先去讀,定去到讀緊再申請?

基本上做到兩文三語。

英文，鬼佬native 程度。

中文，兩個IB同中文合格，一個考英國GCL O level 合格，能睇，能寫，能打中文whatsapp,不過當然唔似香港高學生咁可以長篇大論。
對住我兩同uncles aunties講廣東話，流利嘅。
自己三個就英文溝通，係典型bilingual 。

普通話聽同講都可以接受，發音準過我。係街有人問路，對答無問題。

總括黎講，可以係香港工作嘅，反正香港好多地方都用英文，不過佢地情願留係外國。

要睇你報邊間先。

美國大學獎學金有兩種，need base 同 Merit base .

Merit base
申請入學時要注明排獎學金條隊，收得你就連埋獎學金一齊俾。唔要獎學金嘅係另一條隊。大部份大學都係咁做。

need base就掉轉，係收左先，再問你要唔要獎學金。我好幸運，女女係呢種。