窮撚讀國際學校(2)

個人覺得如果IB都炒粉 DSE都唔方好得去邊
班有錢佬/有能力家長幫D細路鋪路讀IB唔係無原因
錢個個問題 你份工正路都會加人工
事業黃金期個 growth 應該輕鬆 cover 個加幅

我正正係覺得自己小朋友資質一般，從唔同嘅資訊睇到，ibdp對學生要求好高，比如time management, vision，唔係死讀書就搞得掂

當然出黎社會求生正正就係需要依啲嘢，不過用過極端啲嘅例子咁講，如果讀完15年國際學校之後升去citu lu，巴打你覺得算唔算選擇錯誤？

其實問咁多，我似係冇膽想搵人說服自己選擇一條非主流嘅路

昨日我都想打回覆
但太忙
想講的同你差不多

我非常認同
大家叫做有一定能力可以考慮比小朋友讀好少少學校
但同時都要提自己，佢地唔會係天才
唔好幻想會係生左個bill gate出黎
做父母，盡力比到自己可以offer的
已經足夠

好多時話想小朋友點點點

問心，你自己做唔做到先
再者，尖子唔係單單小朋友叻
唔係一味谷
父母的人生觀，對人處事，思維
身教更加影響到佢地將來成為一個咩level的人

你錯了
其實好多人錯覺讀IB有錢就得
亦輕鬆

首先有錢唔一定入到
其次讀IB要讀得好，不比DSE容易

我反而覺得dse好似舊制 (主觀感覺直情淺過al)，如果正正常常+小朋友有啲支援，下限低極有個譜

照現時家庭收入應該搞得掂，但我悲觀覺得香港依家係沉緊嘅船，仲要依家負緊資產

同埋有諗過，與其兩公婆搵食去is，定係不如老婆ftm + local school，犧牲收入換番親子關係，尤其是屋企有兩件，唔想錯失同佢哋相處嘅時間

Thx，我study下先

我個point唔係話有錢就讀得IB
我係話有錢/有能力/識揀個班家長都推D細路讀IB

至於深淺難易好主觀
我都唔係話IB易過DSE
我自己反而覺得DSE易過IB
我只係覺得IB平時做足哂野 炒粉極有個譜
唔係話拎高分易

首先我都覺得自己小朋友資質普普通通。一路由N班行行到IBDP, 時時刻刻我都會想像一下如果子女行傳統DSE路線,會點點點;
十幾年嘅心得,讀國際學校畀我嘅感覺唔係會令你變得比其他人聰明,而係拋開傳統模式呢啲默書一日十份功課十日一個測驗,令你可以接觸到嘅事物更加闊更加廣,即使讀書唔成將來條路會更加闊。
當然好多揀咗DSE(或者根本冇另一個選擇)嘅父母,會話好多人都係咁樣行來,同傳統學校兩文三語好好,升大學搵份好工冇問題。
但係沉默嘅大多數,苦苦經營晚晚陪太子讀書做功課做到喊,呢班人好少走出嚟上網同人講有幾辛苦(即使講出嚟都係畀人哋話你仔女廢父母廢),
如果父母認為子女資質平庸,父母選一條平凡的路,希望佢哋將來條路闊啲選擇多啲,有錯嗎?如果行得啱可以激發佢嘅潛能,呢啲更加係bonus。

你嘅極端例子都未夠極端,英基每年都有少數人讀完13年去咗啲似一等嘅本地大學甚至i大。當然個別例子可能本身已經係SEN, 或者係喺Sara Roe 升上嚟主流。如果係呢種case,你覺得係成功定係失敗?

你問我讀完ibdp去city u係咪好失敗?
我就完全唔覺得。如果能力真係入唔到一線嘅大學,我相信佢讀ib咁多年所acquire嘅skill, 一樣對佢讀二三線大學同將來人生有好大幫助。
(利申:個仔今年考ib我一樣叫報啲二三線嘅本地大學做backup)
相反我覺得傳統方式正正扼殺咗大部分人嘅潛能。
記得個女返過傳統幼稚園時,老師大力讚賞寫字靚嘅同學,叫其他同學多多學習;同時間即係間接否定左寫字唔靚嘅同學。咁我女寫嚟寫去都係歪歪斜斜,係咪就咁被定性為次一等學生?定係我要加十倍努力逼佢寫字寫到同叻嘅同學一樣?(其實我知點樣逼都唔會靚,因為我自己寫字都係鬼畫符)。
唔好意思,回得有啲長氣。

我自己覺得從year one開始我對仔女嘅學習歷程,已經超越咗我所經歷過嘅每一步。
有時我會諗,如果我細個父母有足夠嘅資源同對教育嘅認知,我嘅人生應該會更上一層。

親子關係重質既重量。
先唔講錢,做ftm冇helper係7-11嘅非人生活。
做家務做到癲,有時間你都留返嚟休息,諗下今晚食乜餸,仲邊有心機去親子?

其實我時常覺得
教佢地時，自己都學緊野
佢4歲教返我法文

呢種主動學習方式(佢教番你,對佢黎講都係一個presentation skills學習過程), 想係傳統學校大測小測中培育出黎, 比較難。

沉緊仲更加要搵多D啦
照計你老婆番工都 cover 到國際學校條數
你local玩直資私校 一個唔番工條數都重皮
六日玩多D都可以有親子時間

都係，分分鐘未到中學可能都要著草走人

我第二個post睇番 覺得你個case同我好似

我多謝你肯花時間回我就真，你實實在在行過ib嘅經驗，對我黎講好寶貴

我都好反感傳統路線，好似剩係不斷為咗應付下一關大佬，而不斷咁去塞啲嘢落去比小朋友，eg為咗in名幼而谷佢早啲識某啲嘢、應付升小升中而不斷外補，冇自己嘅方向咁行條路慘過條咸魚

自己剩係想係能力範圍內，比到佢最多嘅選擇

我諗依家特別多我哋依類嘅家長？
afford到好啲嘅教育，但又未至於可以任意選擇
家庭狀況ok，但睇住依度變差走唔走又唔係一時三刻決定到

其實除左$外, 行呢條路最大嘅心魔係家長們總會同人比較:
1. 唔好同讀傳統學校嘅親戚比較學業;
2. 唔好同同學比較學業;
3. 唔好同同學家長比較住邊度, 坐咩車, 放假去邊度旅行;

見過有老母去家長會/field trip都要比較下行頭(不過呢D傳統學校一樣有)

所以心理過唔到呢D關口就唔好去讀
post 1 post 2起碼過百個留言話驚自卑驚歧視叫人唔好讀。

家長無謂的自卑呃殺小朋友的機會最唔抵

推一下post

想請教大家意見，已有Anfield K1 offer 同 KCIS K1 offer，大家會點揀？

Assume 交通不是問題。

Anfield so far 無聽過negative comments（甚至一面倒好評，識朋友仔女讀過同自己參觀觀察過，kind of 驗證咗），但佢始終無中學，中途都要考其他IS。

KCIS 係through train，又唔洗俾debenture，但學校硬件似乎有啲舊，同埋去到中學似乎學生人數流失都幾勁，相信係因為啲學生轉咗校又或者去咗外國讀書。

因為囝囝是十二月尾出世，而家local小五，想轉去esf. 但esf跟birth year收生，如果想轉就要跳级，由超大B變成超細B. 請問有經驗的用家，一定要跳級嗎？（識得有人幾年前由SIS轉過去ESF, year 12,唔使跳，但是不知道低年班情況！）

謝謝。

請問有冇Anfield 小學用家？可否可以comment 吓中文嘅學習水平如何？

我只求個仔識睇餐牌😂

同問

Anfield 小學參觀完感覺幾好，校舍環境唔錯，老師都友善

不過普教中

同埋想知多唔多功課….

Ching 你有Anfield K1 offer? 定係Yr 1 offer ?

普教中係大勢。。。出面好多人都揀英普班（kinder）。。。屋企講番廣東話唯有。。。我見而家啲小朋友係識自己轉channel，見咩人講咩話