有冇沙駕考車既巴絲（6）

驚咩 筆試姐

應該都考完，等巴打報喜

終於畢業啦
多謝大家的指導
係killer 手上拎到牌
多石一take pass

恭喜恭喜
有冇野分享下

快提左其他就考的師兄先
1. 出路口記得望左右鏡，望左右路口
2. 二轉一收慢啲先轉
3. 讓線小心拎主線車的安全距離，遠都可以出
4. 入左學院記得主線有行車優先權
5. 開停車記得望鏡

上面所講的係考官考完之同我講的濃縮版
就考的師兄可以參考下

以下長文分享番經歷：

學車篇
我諗我操的時間係二十多個鐘
操到後期成日會有種感覺：「挑，我都識揸，早知唔加咁多堂」
但千其唔好有咁嘅諗法，因為其實去到後期，最主要係操路面經驗，而唔係車的操作。所以後期的堂係俾你應對唔同的路面情況，真係次次都有野學。
所以操開晚上的，都記得要操下日頭，完全唔同感覺，啲車痴線好多。

考車篇
大家如果唔想浪費時間，一定要操到自己120分熟
因為考的時間一定係頭腦空白！靠肌肉記憶。
想諗都諗唔到野

考前我街師傅上左三節，學院上左兩節，之後接住考。
我個人都比較緊張大師，一入到報到房基本上已經心跳加速，好在房入面有啲white noise 可以聽下，加上光線暗暗地，係幫到下手冷靜，應該都係設計過。

報完到之後，我就同呀sir 講：「無論我抽到好人定killer 都唔好同我講。」因為如果我知道，一定會影響表現。

開始考車
先考乙部（泊車調頭，斜路出完街先考）
想同大家講，乙部俾啲心機做，做靚做齊
考完後 ，我覺得乙部都好影響考官觀感，如果一開始乙部已經做唔好，出到街佢會再捉多啲錯處 我覺得我係乙部唔太差，鬆少少俾我pass

之後出街考多石都有奇遇，出去到停車場入口，準備轉右扭入去
見到塞哂車，考官勁爽快：「同學，安全情況下，自己右轉出翻停車場。」
我當下係呆一呆當下又係頭腦空白，有冇打錯燈，做錯野，我已經完全記唔起。
可能大家會話，咁旬唔洗考？
但對於我黎講，我寧願考埋，因為我操咁多次都未操過直接出停車場

之後都一路順住去，其間跟住架學車一段時間，考官叫我行快線走。last 入學院個大灣用最右線轉。

最後入左學院
有架大貨車都幾快由讓線標出黎，無出到，但我俾佢嚇一嚇，由二轉一。呢度俾佢剔左兩個細剔。
（無利用優先權同離合使用）
之後完成斜路開停。

完成考試後，停埋左一邊。
佢就話考完啦，叫我放鬆啲
之後問我第一次考定點，又講乙部做得幾好，甚至係佢考過咁多個最少剔， 聽到呢度，
我心諗：「搞X 掂」

但之後佢就話：「但係丙部呢......」
就講番上面個post 啲野，講左3分鐘
我笑容已經慢慢由----
心諗面已經諗緊：「唔係真係要明年請早下麻」
最後嚇完我之後掉左句：「出到去小心揸車」



最後想多謝番:
學院鄧sir
街師傅王sir
學車駅Johnny sir
同各位巴打

各位都幫助到好多，多謝大家

首先恭喜你
呢個考官好有心
同你講咗3分鐘嘅咁多
真係為咗香港路面安全喎

我之前個考官淨係講咗一句
日後揸車小心啲
跟住就匆匆忙忙走咗

我考官即刻跳車走
個日落狗屎

恭喜巴打合格，果然考官真係叫你用第二條線走，過左d 考車佢

聽沙駕呀sir 講
考官以前當差，都kill 唔少人

當然，最後個三分鐘「震撼教育」真係教到我記一世
「出路口記得左右望，你望100次無車，但1次有車衝出黎都救左你條命」

我考官即刻跳車走
個日落狗屎

恭喜巴打合格，果然考官真係叫你用第二條線走，過左d 考車佢

用第二條線走意思係基本pass
還是代表考官唔鐘意跟學神？

聽講近排啲考官為咗趕住清曬啲補考，鍾意考多石同叫人行快線

我呀sir 就話叫你行得快線同過車基本上結果都唔會太差

你試下係考官，見到前面成堆學神，你都會想個考生cut 條快d 走，早d 考下個咪早d 放飯

咁有心講3分鐘

睇黎大家都覺得考官好warm
我係車入面真係俾佢嚇到標尿
不過都認同大家，佢kill唔kill 就唔知
但起碼係一個有心為香港馬路安全的官，
會同學生分析同提醒

pass 完46 之後就開始mon26 post 啦

講唔講得編號

恭喜巴打

病仙巴係咪聽日考?
考幾點？

可以直接係考場練？我見有暗斜 想多習慣下

學院鄧sir好唔好？有冇全名？