懷疑有人喺Facebook宣揚自己虐兒

君君臣臣，父父子子點解要重複兩次？就係因為佢講緊身份關係嘅建立係雙向，你要盡君主嘅本份，先有臣子為你盡心工作；你要有做人老竇嘅覺悟，先有子女對你嘅孝敬。地位或者因為出身先後同學識有差別，但孔子強調有身份嘅人要自重，同時尊重喺你地位之下嘅人，了解關係雙向嘅。呢點就係身份唔同，但彼此尊重自己同對方嘅平等觀念。簡單講即係教大家要知道你做初一時，人哋就會有資格做十五。

孔子對親子有講「幾諫」嘅概念，即係見到父母有錯要有禮貌咁盡力勸阻。而且去到孟子，就係講緊『保民而王』同『聞殊獨夫紂，未聞弒君』，即係調返轉上位者要先照顧好在下嘅，先有資格做上位，否則下位可以推翻佢。

中國哲學最前衛同有技術發展嘅年代就係春秋戰國，之後三千幾年都無咩大進步甚至倒退到有《弟子規》呢種垃圾出嚟誤人子弟。

其實我覺得
睇完金庸小說之後
睇返文言文簡單咗好多
學校教/考嘅8成一睇就明

好多都係靠睇得多
同埋上堂聽老師解釋去摸個語感
基本上老師解釋點解咁寫就會記得

英文vocab我都無乜點背過
可能勁細個啱啱學英文個陣有掛
有意識以嚟
唯一係背過 verb form
個陣都係背到我媽咪崩潰

細個係睇莊子啲漫畫書 聽唐詩歌 有卡通mv 嗰啲
叫細路睇文言文邊會有興趣 密密麻麻邊消化到

西哲齋係神學同生命哲學喺科技面前都有唔少大bugs未爭論好啦，每一套論述都總有漏洞，如果因為一個派別出自中土，或者舊年代就放棄去理解，咁只會顯得自己視野狹窄。

同ching所見略同

可能我細細個有背過但已經唔記得啦
但係我真係冇印象自己背過vocab
因為我由細到大背嘢都好頭痛
背乘數表都搞到全家崩潰
我老竇個陣都嬲咗我覺得我特登唔背玩嘢
得我嫲嫲好好心機坐係張床到
同我一格一格咁背

背的確會記得啲句式 常見字 但短短哋一段仔係極限
成篇廉頗藺相如列傳一字不漏吞落肚 都背到冇心機 仲點internalize 入面嘅嘢

對於一個小朋友黎講
姿勢唔好都比人屌到仆街
天才都變蠢材啦
根本搞到咩係啱咩係錯都唔識分
日日訓狗咁

中國哲學最前衛同有技術發展嘅年代就係春秋戰國，之後三千幾年都無咩大進步甚至倒退到有《弟子規》呢種垃圾出嚟誤人子弟。

ching我同你一樣睇法 春秋戰國至係真正百花齊方嘅時段
然後中國文化都係食老本食兩千幾年 咁多年最深刻出個集大成者又係有實踐淨係即刻唸起王陽明

我覺得未必係密密麻麻
主要係文言文同我哋講嘢方式差太遠

而家逢親有人話文言文好難
我都叫佢睇晒射雕三部曲再返去睇文言文
佢個講嘢方法好似係
現代語文同文言文嘅中間點咁

我嗰代都好on9 🤣 我啊媽要我練算盤 1+到100 加唔啱無得食飯

然後我就趁去唔留意 去到尾打個5050俾佢就搞掂🤣

推到上報

話蠢最唔好 好易無自信就乜都唔做

我教人『廉頗藺相如列傳』
重點就係兩樣嘢：
1，負荊請罪：柒咗唔好理咩身份，好好咁走去認錯話唔埋人哋會原諒你。(快點懲罰本王.jpg)
2，完璧歸趙：『你大我呀！我大返你呀！最多 攬炒！』

陽明提倡嘅「知行合一」係我人生格言之一

莊子d嘢幾有趣

最深刻係應帝王裏面一段

至人之用心若鏡，不將不迎，應而不藏，故能勝物而不傷

我自己幾拎依句同人相處嘅法則之一

以前未結婚拍拖 同朋友親戚相處都係

尤其是朋友 太講求要有相對回應其實好奢侈🤣

真 知行合一 知易行難 唔係件易事黎

我記得睇成語動畫廊
覺得廉頗好八婆
升藺相如職升得高過佢
就周圍同人講藺相如壞話

因為我有幫小一二三補開習
適量背少少佢哋係識用返出嚟
一啲你諗住好簡單嘅字同句式原來喺嗰個年紀係唔識
但唔知頭唔知路死背唔會學到
通常我同佢哋拆字 拆部首 講吓有咩字係似樣似意思嘅
佢哋又好有童真 話個船字好似唔開心樣
跟住就會好容易入腦 又覺得件事係有趣

有個咁嘅老竇個仔有SEN已經玩完

又或者自閉

講到學中文，真係好感謝我中學班中文Miss，位位都教得好好。

Form 1、2時中文miss 係化學系畢業，佢用理科嘅形式，統整成個中文嘅語言系統同教點睇中文教科書同教書前先講課程大綱同重點內容，令到學中文變得實在而唔會抽象。
Form 3 時有兩位，一位實習嘅Miss 份人幾好，放學後會抽時間再深入啲教學生寫作同實用文，又分享下週記，而另一位喺學校要求用普通話授課時，為學生可以更好理解內容而堅持用廣東話(當然校長巡堂時就扮返用普通話)。

去到form 4-6 位Miss 就更加不得了，除咗好完整咁講解點樣學習中文外，仲同我哋分析中文科教學意圖，教齊讀寫聽說綜合同語文邏輯及辯論之後，亦會介紹唔少好好睇嘅書(包括小說同翻譯作品，甚至係詩集同中哲)同深入分析中文哲學同古代中文國藝思想以及相關時代背景，個內容係豐富之餘仲要從來唔需要補堂，而且更加有時間請人嚟教水墨畫同睇中樂表演。

佢教文言文又會教睇故事推敲每個字嘅用意，唔需要背文言字典，仲有教埋我哋點寫新聞同社論，以及學習翻譯同寫劇本 ，三年嚟教學內容仲豐富過上chem 堂。

所以我到今日都好感謝我中學嘅呢幾位中文老師，唔係有佢哋真係唔會咁高分，亦唔會知道原來中文真係有得溫。

Push

我其實冇心情再駁，but I take the bait for once

自先秦開始，儒學已經好著重下位者嘅道德水平，例如漢朝以前就有《孝經》，但係一直冇《慈經》。「君惠臣忠，父慈子孝」永遠都係「臣忠」「子孝」，後者就算所謂非愚孝都係講緊「做仔有道德責任去力勸父母唔好做壞事、唔好俾父母行歪路」，但係就係冇提過作為子女係一個獨立嘅人。

坦白講句，我相信淨係得父母對仔女有責任。仔女對父母人生嘅影響係有限，而且父母有權選擇仔女嘅存在，佢哋唔想照顧子女大可以唔生；但係父母有能力掌控未成年子女嘅一切。所以無可否認，要求子女對父母有過多道德上嘅責任根本係一件高要求到唔合理嘅事。我唔係講緊仔女唔使愛父母，而係父母關係嘅唔對等已經justify唔到仔女對父母有儒學所要求嘅道德責任。

白卡都生仔