[警世] 長文慎入!Apple delete左我萬幾張相!

神勇爆炸哥 · 2022-04-14T21:39:51+08:00

[借朋友ac🙏] 大家好，想講返幾個月前Apple IFC Store 點樣將我iPhone 入面萬幾張相delete左，又不負責任地將個波射黎射去，想提醒各位唔好咁相信”Genius” Bar。事緣我本身有兩部iPhone，想將舊機放喺iCloud既萬幾張相(大概18,000張)轉去新機度。由於女仔唔係太識IT野，心諗去Genius Bar 去搵專業人士幫手實冇死，所以就約左時間去Apple IFC Store。我同個staff清楚解釋左我既情況，佢就氣定神閒地咁㩒我部機，而佢㩒完之後，啲相就立即開始減少。我好驚但係佢同我講sync相要時間，返到屋企叉電開wifi就會有返d相。第二朝我瞓醒啲相就完全消失曬，我即刻打去Apple Care求助， Apple Care 幫我restore 過部機但係失敗左。於是我就即刻衝去第二間最近嘅Apple Store 求救，但係佢地話門市淨係做硬件，我啲相喺曬iCloud都係要問返Apple Care。於是我再打去Apple Care，佢地都係話救唔返。我就返去IFC Store，又book 左genius bar，幫我既係另一個 staff，佢同我講佢地救唔到d相，仲叫我打去英文既Apple Care，佢話中文果d係外判俾廣州做，佢地人工低冇咁叻，英文果啲係新加坡人工高啲勁啲。於是我打去英文Apple Care，但結果都係一樣。 Apple Care 話由於係IFC Store 整唔見我啲相，所以就轉介左我個case 俾IFC Store 既經理K 先生 (Title 係Lead) 去處理呢件事。 K先生話佢地救唔返啲相，叫我試下去搵佢地既合作伙伴On Txxxx，仲叫我自己去攞報價，救相既費用要我自己負擔。我係好嬲但係覺得救相緊要，所以就聯絡左On Txxxx 解釋左個情況。 On Txxxx 話: Apple 㩒錯左掣令到啲相冇曬， Apple 根本唔應該咁樣㩒！之後我將件事話返俾K先生知，佢話由佢再打去問一問。跟住佢又同我講會放一個禮拜假，我問佢有冇人會代替佢follow up 呢件事，佢話冇，叫我每一次都打去Apple IFC 門市自然有人會幫我。而上面所講既經歷已經過左差唔多一個月。後來我係電話搵到IFC Store 一位G先生，想問返K先生同On Txxxx 既討論結果，佢處理呢件事都係冷漠應對，但係承認Apple 係魯莽同草率左，咁樣幫我㩒部機唔係最safe既方法。但當我要求同負責人直接討論， G先生一口拒絕左。我唯有再一次親身去IFC Store跟進。係門市除左G先生仲有一位A小姐(Title 係Senior Manager)，佢地兩個就不斷鬼打牆遊花園，淨係話佢地唔會處分相關員工同埋作出任何賠償。我心諗我幾時提過涉事員工同埋要求賠償??? 我一路都係想佢地幫我搵返啲相。然後佢地兩個一路迫我諗我要乜，我話我淨係要返啲相，佢地話除左相搵唔返之外，叫我諗下Apple有啲乜野可以幫到我。我極度無助，忍唔住係舖頭度喊左出黎，點解佢地可以做錯事都係完全不負責任，冇試過幫我搵返啲相，而需要我呢一個月黎不斷求佢地去救返佢地delete左既相。幾日後我再打俾G先生要求跟進，講出我呢一個月黎受到既漠視同無禮對待，佢就答應寫低我所有既投訴，匯報俾上司聽。第二日A小姐就打左俾我，話要送部iPhone俾我。佢話公司高層好驚訝點解呢件事拖左成個月，所以要送部iPhone俾我。我覺得勁莫名其妙，點解冇人去用下方法去救啲相，俾部iPhone我做乜??? 我相信大家都覺得自己影既相係無價好珍貴，任何人俾十部iPhone換你啲相你都唔會要。 iPhone長期sell鏡頭功能，一個鏡頭變三個，我用左iPhone接近十年黎影落過咁多相，咁多珍貴既回憶，一夜之間全部整唔見，然後得到一部iPhone??? 我唔肯接受部iPhone，要求同Apple 既高層見面，睇下有冇方法救返啲相。 A小姐就安排左我係IFC Store 見一位P小姐 (Title 係Leader，佢係外國人，自稱係成間IFC Mall最高負責人)。雖然P小姐話佢代表Apple公司就我呢個幾月黎既遭遇道歉，但係佢話唔comment 啲相消失既事。我問可唔可寄部電話去總部整? 同埋當時㩒掣既時候有冇任何warning? 佢一路淨係話部iPhone係我唯一可以得到既野。我冇辦法之下寫左封好長既email 俾Tim Cook，第二日好快收到Tim Cook office既電話，佢地話呢件事已經由Tim Cook office 全權處理，並且明白我既訴求，會全面調查IFC Store 同埋搵幾個senior engineers 睇下我啲相有冇得救。佢地既態度誠懇負責，我開心到以為終於有希望。一個禮拜後佢再打俾我，但係佢所講既野，無論內容同語氣竟然變得同P小姐一模一樣。佢勸我要左部iPhone，仲同我講部iPhone唔會永久保留，叫我盡快收左佢。而我希望佢同我交帶我兩個訴求， 1)究竟果個員工有冇㩒錯掣? 佢話多謝我既意見，佢地會加強內部培訓同埋改善涉事員工既服務態度同效率，但係唔會話個結果俾我知， 2) 究竟有冇搵engineer 睇過我部機? 佢話總之啲相就係冇左 (即係㩒左掣冇左又唔認啦)。最後我係無可奈何之下收左部iPhone。我堅持左幾個月既訴求都係冇用。希望各位好好保護自己既相，唔好信曬Apple，當佢地㩒你部機既時候，一定要望清楚佢㩒緊乜。原來攞部iPhone去Apple過相都會俾佢地整唔見！！！

所有女人都係雞！ 2022-04-14 23:23:34

HDD一樣有機會死,仲要行埋RAID5

紅海深潛 2022-04-14 23:23:47

好慘

走去backup定下驚先

高橋聖子_ 2022-04-14 23:23:57

東張西望搞大件事佢地恰你女人仔
比我拎埋把刀去門市

Pixel首席打手HK 2022-04-14 23:23:57

真

幾舊水搞掂

墮天使夜羽 2022-04-14 23:23:59

如果你知道apple出緊$18000請人，你就唔會再夠膽拎部機去apple store整

十分仆街 2022-04-14 23:24:01

比部新機就算
都幾撚Cheap

btw 樓主之後backup用私人雲端啦

Pokemon大師 2022-04-14 23:24:15

genius bar不嬲都9 HEA嫁啦

重要野自己搵HDD裝起啦

見字飲水 2022-04-14 23:24:16

即係個天才㩒咗啲乜搞到你無晒相？

惡意時空伴隨者 2022-04-14 23:24:26

等買iPhone14

周華健身中心 2022-04-14 23:24:27

其實係外國apple俾人告到仆街了

立蘋場果永存 2022-04-14 23:24:33

呢樣真
又真係想知samsung同google個cloud出事個處理手法又會點

隨遇而安 2022-04-14 23:24:47

無再write過嘅話有機會

陀飛輪 2022-04-14 23:24:57

好認同巴打咁講。
如果只係得apple back up，就咁俾條仆街del哂，咁多年既回憶無q相。
最慘係老左想回味下自己年輕時個容貌都唔得，想用一部iPhone價格解決？

飛天意麵神 2022-04-14 23:25:05

奇奇2.0 2022-04-14 23:25:08

6,7年前嘅事

我打電話book個時，講到明要幫我backup再報價我再決定整唔整，我仲拎埋HD比佢backup。

Pixel首席打手HK 2022-04-14 23:25:43

支持樓主告到個垃圾genius冚家鏟

露西法 2022-04-14 23:25:48

啲相唔齊係咪你冇買storage

人類不宜J痕 2022-04-14 23:25:48

最穩陣係放d相上連登包你死嗰日d相都仲有巴打幫你back up

漢堡fans 2022-04-14 23:26:05

點解會見住D相消失，佢同你過機都係響icloud抆返個backup落去咋嘛

所有女人都係雞！ 2022-04-14 23:26:15

但GOOGLE PHOTO唔會無啦啦禁錯制無晒D相,如果係SEVER死,APPLE一樣會

墮天使夜羽 2022-04-14 23:26:22

搵咩都救唔返架啦

d相根本無上到icloud, 已經完全係呢個世界消失左既野，搵東張西望唔會幫到你

紅海深潛 2022-04-14 23:26:36

全世界cloud一9樣
寫曬免責聲明
靠自己

Pixel首席打手HK 2022-04-14 23:27:01

冇被overwrite就實有方法
只係賤種Apple懶係安全唔肯做比你

蟹老闆 2022-04-14 23:27:01

Android又win

BCG 2022-04-14 23:27:04

講真唔好講話係咁多年回憶萬幾張相
我嗰陣淨係一個2tb嘅d drive無啦啦死咗入面一直download既av同咸相冇曬我都覺得自己人生好似空咗一忽咁

[警世] 長文慎入!Apple delete左我萬幾張相!

神勇爆炸哥