「大人,我諗得好清楚。我確實犯下無數罪孽,大人唔將我重判,我既內心反而過唔去。」馬輝向著閻羅王叩頭。
我從心底佩服馬輝,是有承擔的男子漢。
「大人!請你念在馬輝一片孝心而一時行差踏錯,千萬唔好判佢永不超生!」馬面罕有地為亡者求情。
始終,馬面沒有忘記兄弟之情,更為親弟打破了一直以來的原則。
再鋒利的刀也有生鏽的一日,再寒冷的冰川亦有融化的一天。
閻羅王被眼前景象弄得不知所措,始終他也第一次遇到馬面的求情。
「本王自有定斷!人黎同我押走馬面!」
陰差不情願地押走馬面,相信他們亦被馬面的舉動所感動。
馬輝含著淚水向馬面叩頭。
「哥,唔使為我求情!我從來都冇諗過要逃避責任。」
馬面再次流下男兒淚,像是自責未能做好作為兄長的責任。
「馬輝,本王念在你出發點係好,因此給予你一個機會,於無間地獄一百年後就可以轉世為人!」閻羅王掉下令牌,象徵案件完結。
結果出人意表,最為驚喜的莫過於馬面。
「大人......」馬面微微一笑,但心中充滿了問號。
「天理源於人情,萬事萬物離不開一個字,就係心。馬輝既心,本王深深感受到。」閻羅王捋捋鬍子。
馬輝連番叩頭,感謝閻羅王,同時走到馬面面前。
「哥!一百年之後我地要再做兄弟,今次我點都要做大哥!」馬輝的拳頭輕輕撞向馬面胸口。
「點解?」
「因為我想擔心你,我想照顧你!」
馬面點點頭,撫摸馬輝的面頰,一切盡在不言中。
叩頭與淚水,動作簡單卻不加修飾,也是他唯一能做的事。