傅柯讀書組 (1)

喺壞時代下，當「智能燈柱」、「安心出行」、「健康碼」、「人面識別」、「篤灰熱線」成為政權壓制人民嘅手段我哋仿佛進入咗傅柯所形容嘅「圓形監獄」嘅時代（雖然傅柯並唔認為佢嘅作品可以為後世帶來任何啟示，今非昔比）。而權力亦都跨越咗我哋以往所理解嘅司法行政立法嘅權力，而延伸至「規訓權力」，亦即係透過制定規範，令到人民馴服，自願地配合政權譬如喺香港人人都已經習慣咗出街帶口罩，講嘢之前先自我審查（並唔係反對大家咁樣做，只係一種權力分析）。而嗰啲唔肯戴口罩嘅，就會成為傅柯口中唔入流嘅「鄙民」為政權鎮壓提供咗合法性，正如當初疫症爆發時唔少人（不論黃藍）都希望政府捉晒啲唔戴口罩嘅人。當然，傅柯並唔認為人民會一面倒被壓制，而會有反抗嘅一面（即係好出名嘅「那裡有權力，那裡有反抗」）。譬如有人會自製啲布口罩，抗衡一定要用符合醫學標準level3嘅口罩。又或者係透過唔同嘅隱喻去表達對政權嘅不滿。

以上只係傅柯嘅冰山一角，都係想拋磚引玉，簡介吓傅柯
而開呢個post都好感謝喺另一個post遇到一位知音嘅巴打，可以一齊閱讀傅柯，順便想睇吓有冇其他同路人加入

嚟緊揀咗呢本書做入門導論，最主要係因為可以從一個大啲嘅picture入面了解到傅柯想處理嘅議題，呢本書可以上網搵得到，而嗰位巴打建議一星期一個章節所以今個星期會係introduction先


頭盔：樓主咩都唔識，開post只係想一齊交流圍爐，聚集志同道合嘅人，講錯嘅話屌得細力啲

目錄

呢集哲學有偈傾都好正，講咗三個時代（考古學、系譜學、倫理學）嘅傅柯
https://www.youtube.com/watch?v=1YrLGNquR1o

支持

G持
不過你肯定係連登可以傾到2?

放低條片，呢個系列嘅YouTube片都幾有趣，大家得閒可以睇多幾條
https://www.youtube.com/watch?v=BBJTeNTZtGU

Lm先睇片

lm 學野

Lm

啱啱睇完，8分鐘講咗唔少Foucault嘅生平同作品
最大感觸就係現代懲罰真係仁慈同隱蔽好多，拉人鎖入監獄，似乎無直接暴力鎮壓咁大反抗聲音（雖然可能有人話只係因為無力感）

如果你有興趣係你原PO個段你不如直接睇Discipline and Punish

揮手留名！

(1) 哪來的自信

Btw 未睇過傳柯

個人少少嘅筆記：
1）考古學：透過挖掘另類歷史，打破一啲理所當然嘅框架，旨在為無聲者發聲。譬如：今時今日嘅瘋癲多數係一個負面、有病要矯正嘅形容，但喺以前就代表一種神秘嘅能力，係啲有錢人先會有時間亂諗嘢。
2）系譜學：一樣嘢嘅誕生，係由好多個嘅歷史源頭，偶然產生而成。譬如：現代監獄制度嘅誕生，其中一個就係參照以前修道院嚴格嘅時間表，即係幾點起身、祈禱、食飯，然後設定出監犯嘅日常。同時，監獄重視紀律嘅精神係源自普魯士陸軍軍隊精神。最後就係因為資本主義嘅興起，因為人係勞動力，所以就要諗點樣喺監獄入面繼續榨乾榨淨，叫佢哋做嘢
3）倫理學：揭露權力同知識如何建立規範，塑造出人嘅道德標準，然後指出另一種嘅世界觀。旨在鬆動我哋既有嘅概念，令我哋可以包容唔同嘅他者，同時留意其他嘅可能性。譬如：基督教嘅引入確立咗「人放縱慾望係一種罪」。另一方面，古希獵文化同羅馬文化入面就覺得「慾望係一件好事多於壞事，因為可以構成幸福同快樂」。所以就會出現反同性戀同男竉兩種截然不同嘅文化

Hi bro

大家睇完都可以分享吓你嘅筆記/質疑

想聽傅柯點探討性

Lm

可唔可以分享吓點解好奇「性」

lm

// 英國華威大學地理系教授Stuart Elden，同時是英語世界有名的福柯研究學者，正進行一個深具野心的福柯思想史重塑計劃，如今剛剛出版第三本《早期福柯》（The Early Foucault），是針對福柯研究較少討論的50年代福柯思想發展。這次很有幸能越洋向他請教當代研究福柯的情况，看看我們今天如何繼續從福柯凌厲的思想中找到新的啟發。//

因為所有人嘅存在都離不開性，
所以了解性就等同了解人

呢篇正
正正就講咗上面將Foucault 分成三個時期嘅壞處

lm學嘢

話說我之前見人推薦Todd May嘅The Philosophy of Foucault
樓主有興趣/需要入門書參考的話 可以留意下

多謝你
Stuart Elden嗰三本好似都幾吸引