有冇人仲記得十年前套「天與地」?

Boyz reborn 而家仲有出歌 可以支持下佢地

颱風45度角

同和諧金句

黃絲起源 今時今日重播肯定係煽動暴動犯國安

2012年7月，教育局資助國民教育服務中心出版的《中國模式國情專題教學手冊》，觸發反對德育及國民教育科的連串抗爭，學生組織學民思潮在8月底發起「埋單計數，撤回課程，佔領政總」行動，連日萬人佔領政府總部，飾演少年劉俊雄的羅鈞滿與少年宋以朗的楊潮凱在9月7日晚上到場，帶領在場12萬群眾合唱《年少無知》，羅鈞滿在微博留言稱，自己跟在場市民一樣「愛國家、愛香港、愛未來與下一代」，演唱《年少無知》讓他感受最深。

係WIKI睇到

羅不嬲出名藍到黑

終於又睇完
Gina攬住家明仔嗰度開始忍唔住跟住一路到尾
其實會唔會係18年嚟，Yan一直怪嗰個，係當時無回頭嘅自己

最後有一個位好深刻

邵美琪問陳豪佢地仲有無可能

陳豪答佢自從做𡃁仔果陣見到阿yan起，同邊個都再無可能

邵美琪再問返佢，成世人淨係鐘意一個人唔覺得好唔抵咩，陳豪好似好隨意咁答佢，係呢可？

但其實同時都係問緊邵美琪依d對白，暗示，你叫師奶點識欣賞

呢個point好好 唔講都無留意到
兩個人都係同樣為無可能嘅人執著

根本一路都有怪自己

高質電視劇
我諗呢世都唔會忘記呢套野

真

要同戚其義合作先拍到呢啲神劇

想問，有無人近排再返睇咗？ 我覺得喺呢個時代背景下，就算以前睇過，而家睇返都會有好唔同嘅體會，希望大家一齊睇

雖然好夜，希望呢個post會俾人再見到

啱啱睇完
年頭睇咗呢個po已經好想睇 對套戲前半part有啲印象 當年睇根本睇唔明 而家都唔係話完全參透到 最起碼有啲劇情發展都
呢套劇除咗金句 表達到當年嘅一啲民怨之外 真係講到人性複雜 有時人就係咁反覆矛盾 仲有越大越變到同細個諗嘅唔一樣
入面嘅角色天與地 憤世嫉俗去到日日與錢為伍 佢哋變咗但有時又同以前有啲似 過火嗰陣去到有一下又會臨崖勒馬

唔好話戲裏面嘅佢哋 做呢套戲 唱主題曲嘅人都同十幾年前唔同咗 錢作怪

有啲時候都係仲有tvb慣常嘅方法 瘋狂播同一首歌 笛版嘅年少無知 搞到好似越難越愛咁 不過選曲個範圍已經闊咗嘅 多啲其他歌 又係嗰種個個都鍾意女主角嘅戲 但表達到個層次 黑仔係三個入面最冧阿Yan嗰個 好多時都着緊佢睇法 其餘嘅呢套戲都真係交到貨嘅 鏡頭轉換 成日以物或者一個情景flashback返去以前 我幾鍾意嘅一幕係啲阿姐喺公園做運動 食環洗地 工人髹走佢哋三個喺牆上面寫嘅年少無知歌詞 同埋佢哋有次去拜家明 鼓佬企嘅位同佢哋幾個隔好遠 都反映之後佢嘅變化同另外幾個人係幾唔同 上網睇到話黑仔婚禮完場得返佢哋4個坐喺張圓枱 個距離都係講Yan喺3個人心入面嘅地位 好神
仲有好似上面講嘅俾到演員發揮空間 金燕玲做戲真係好好 連湯盈盈都impress到我 佢個女拍拖 佢鬧佢嗰幕 仲有好多佢表現緊張屋企人嘅情節 係蔣家旻把聲好尖佢又唔係做得好差 可能我接受唔到佢把聲
返返佢哋後生嗰陣有時真係覺得佢哋就係班死飛仔成日唔知點咁 結果之後都撈得幾掂 求其對住個市做下notes就玩期指贏到500幾萬

好多想講嘅嘢 不能盡錄
除咗年少無知 我覺得天與地成首歌都幾正

只希望舊日所相信價值不必接受時代的糟蹋

同埋想講 面對發生過嘅嘢 有啲人會選擇扮遺忘 唔再提起 或者對有啲部分已經唔係好記得
又有人會改過個版本 個個都自說自話 就算身處其中都可以每個人記得 睇嘅嘢唔一樣

當年有買Paul Wong collection ,間中開黎聽。

以前睇最深刻係每個人有唔同嘅報應個part
而家就係進入社會嘅無力感 由佢地年輕時日對夜對
中段和好之後出黎飲嘢吹水 最終分開
諗起自己都係日日都返工 陪屋企人都唔夠時間 何況係朋友