樓下話我爆水喉，要我賠錢

好大機會啊 我而家廁所都迫左d淡水上黎，都成個幾兩個禮拜前慢慢見到有少少水印 到呢兩日先有水出，計返起可能真係佢完工個期開始漏

食環 保險 公證行 唔好同佢私了

你覺得有可疑 唔想既 咪唔好賠住
正常舉證責任都係原告到既
所以應該係對方揾公證行 揾專家去指證個水源係你 (不過如果個水源真係你 佢可能會claim埋你個報告費用 講緊5位數字)
不過如果打到上小額錢債個官都會叫雙方揾專家證人寫報告
現階段耍佢去揾食環先啦搞返一年半載佢仲有心機同你玩落去先算
如果你有家居保既就報定備案先
廢時話你遲報保險公司會唔受理

公正行
安居保
完

我屋企漏水落樓下
配合食環做左2次顏色水測試
之後確認左我問題,食環佢會出封信講你咩問題
之後我裝完修,叫食環上黎再CHECK
我問過食環洗唔洗幫返樓下搞裝修
佢話唔洗,不過我都裝修開,我叫個師傅落去樓下幫佢順手掃2野防漏同油
以上就係我既經驗,不過唔肯定一定岩

係啊我有問題我會整 亦都整緊 但佢叫我賠埋佢單位既裝修我覺得唔係好合理囉

好老實....
我做呢行相關
一千個都冇一單, 係幾千單都冇一單, 樓上鑽得爆你條喉
第一 你條喉正常唔會埋咁深
第二 樓下裝修多數係執下個天花面, 多數冇需要打到咁深, 除非你以前漏過水鋼根漲左, 但你冇理由唔知,因為下面果個spolling一定嘈

我睇法, 你整到樓下係事實 只係似想賴皮 唔想幫佢執佢室內 但其實多少三幾千蚊搞搞佢係必須

仲有, 你話人隊爆你條喉係你要證明, 唔係人地證明佢冇隊爆你喉, 因為呢d case default十居其九點九都係樓上自己水喉出事...

我無鑽過地板喎都 唔係佢裝修引致我都唔知點解會咁
上面有巴打又講過唔洗賠佢下面損失，整返唔好漏就得

你可以問下食環個方面
但我真係問過佢地洗唔洗幫手搞埋樓下
因為我都整開,點都平過專登搵人整樓下個PART

咪就係大把呢D囉, 自己條喉脆成點, 人地正常開工做野都震得散佢, 樓上咪就係原生問題

睇你想唔想息事寧人做個好人, 雖然香港地做好人冇著數..

我舉個例, 你屋企有個吊燈在天花, 好多年加上裝得唔穩危危乎. 如果樓上裝修打鑿, 冇幾耐你成個天花燈跌咗落嚟爛埋, 咁你覺得算唔算關樓上事, 樓上應唔應該賠埋盞燈畀你?

不如講多少少，係邊度漏水/滲水 ？有冇相？
唔好人叫你整你就整

冇錯, 樓主應該有師傅都整開, 樓下要求唔過份就幫佢執一執, 樓上樓下日後相見好, 做人之道

佢搵公證行證明左係你問題你估你自己唔會再搵過第二間公證行咩
邊個郁手先有先機啊大佬

同佢講你當差既

我之前都發生過，樓下直情上埋嚟拍我門 之後我同佢講：你又唔係專家，我又唔係專家，你搵人驗咗先再同我講啦。

之後佢帶埋人上嚟驗，驗完就無下文了

公證行
完

佢話走廊 廁所都有滲水囉 管理處都睇過 整就一定會整嫁啦 唔係既話我廁所都會有水谷返上黎

唔一定關你事，講完。

有朝一日會唔會輪到你上樓去拍門
人地: 你屋企漏緊水呀 ? 不過咁, 你又唔係專家，我又唔係專家，你搵人驗咗先再同我講啦。

家居保險唔包嘅話，咁買家居保險你做乜柒呀？當然爆喇！
報咗保險先，保險公司一定會搵公證行黎睇，因為如果你有買保險嘅話，恭喜你啦！唔係你賠，係保險公司賠㗎！咁嘅話，保險公司就真係會搵公證行睇清楚係唔係你嘅責任先至賠啦！咁如果唔係你嘅責任，咁你調返轉係叫返佢陪你條食水喉啦！