《求婚嗰日，我發現我女朋友鍾意食屎》(2)

多謝樓主寫咗個咁好睇嘅故
期待下個故咩題材！

完故留名
多謝樓豬

完故啦恭喜!!
好開心呢個2021 有追到呢個故，笑中有淚又有Ｄ意思
好好睇但下次唔好再玩屎尿屁啦
期待你之後作品既同時都會追返你既舊故！

兩啖氣，應該時間夠就會自然排出體外啦
唔會長遠影響
樓主都係臨尾俾個笑位我地姐

去嘔定食屎

加油呀，好好睇

綠茶巴出沒注意

多謝你支持啊
短期內都唔再玩屎住, 放心, 舊故無屎㗎, 放心追

多謝船梨精絲
多謝你肯睇哂我咁多唔同種類嘅故

好快再見

啱啊, 終於食朱古力唔洗驚會諗起屎

完故感言

《求婚嗰日，我發現我女朋友鍾意食屎》，
係我寫作嘅第五個故事。

本來，第五個出現嘅係一個我籌備咗兩年嘅故事，
但係某一日靈感突然出現，
加上我之前喺IG解釋過嘅原因，
我決定咗寫出呢個天馬行空嘅痴線故事。

一路睇大家討論呢個故事，
最有意思嘅有一位讀者問關於角色曲線問題。
當時我已經諗好哂故事線，
但係又唔想穿橋，
唯有求其答，
但係到而家我終於可以講下分享下。

有讀者覺得，
主角條線太輕鬆簡單，
無錯，呢個就係我想要嘅嘢。
因為喺呢個故事入面，
主角阿博其實係我咁多故事入面存在感最低嘅一個，
對我嚟講，
佢只係一個推進故事發展嘅大配角，
故事真正嘅主角，
其實相信大家都知，
係丘志傑、石養么同向彩萍呢段三角關係。

主角嘅故事，
的確有佢嘅味道，
亦有佢嘅意思，
但係最有感覺嘅，始終都係丘志傑、石養么同向彩萍三個。

表面上，
「真愛是任何形狀」係講緊食屎，
但係其實，呢個故由我寫序章已經講咗，
「你以為食屎好變態？但其實愛情更變態。」
變態嘅愛情，可能係因為苦戀、失戀、創傷，
咩原因都好，但係極致嘅愛情，
其實真係可以好痴線。

我明白，
現實中嘅放下執著，
一定無故事入面三言兩語就講得完，
但係我只係希望俾大家可以從呢個輕輕鬆鬆嘅故事入面，
搵到小小感動同反省，
呢個已經係我最大目的。

好多謝所有讀者願意追呢個痴線故成兩個月咁耐，
每句加油打氣留言我都有睇，
就算覆唔哂，
我都記在心中啦～

下個故事，雖然唔知幾時會出現，
只不過希望到時會再見到大家，
一齊留個名吹下水~

最後，
放低自己IG，
故事之後會再有一兩篇講下角色或者少少感想，
同埋都可能（係可能）會有故事嘅你問我答，
之後有故事或者新消息都係靠IG公佈，
大家有興趣可以Follow下
IG：Windblowssilently

最後的最後，
一如以往，我都會喺下面放低朱奶基金，
正所謂文字有價，我都希望有一日可以成為以文字過活嘅人，
不過在此之前，喺呢個免費平台上面，
我覺得既然文字未有定價，
俾大家依照自己感受去支持作家就最好不過。

所以，如果你覺得想支持下或者值得，
少至一盒朱奶嘅價錢去支持下我補下腦又得，
或者你覺得都只不過係普通故事點解要俾錢一樣得。
無論如何，我都會繼續寫，
寫到有一天，大家都會見到文字嘅價值。

好啦，廢話唔多講，
希望盡快又帶下一個故事同大家相遇。
預祝大家新年快樂 歲月靜好。

我愛大家
下個故事再見

朱奶基金傳送門：

好好睇

Support!
等你下個故！

樓主加油
起追呢個故其間已經追哂其他

冇payme可以點買朱奶比你

「你以為食屎好變態？但其實愛情更變態。」
變態嘅愛情，可能係因為苦戀、失戀、創傷，
咩原因都好，但係極致嘅愛情，
其實真係可以好痴線。

我明白，
現實中嘅放下執著，
一定無故事入面三言兩語就講得完，

真 如果有啲咩人妄想真係好似敏敏咁講兩句就令人釋懷先至係天真
故事始終係故事
現實中冇人會好似彩萍咁落蠱 亦都冇人會好似彩萍咁俾幾句說話打發
現實中嘅創傷 只有得到彌補先可以解決

不過當然呢個故事都為我帶嚟咗一啲嘢
我好鍾意彩萍講故事嘅一部分
佢可以剌激到我有一種哀怨纏綿嘅仇恨感覺
可以話係我創作所需要嘅能量

可能達唔到你想人得到少少感動嘅目的（感動已經俾咗初戀故啦）
不過對於我嚟講呢種怨孤衾嘅感覺更加珍重
希望好快又會有你嘅故睇啦
再見

一次過睇哂，
多謝你為我為現在嘅香港帶黎一點甜！
期待你下個故呀！

估唔到最尾都要食屎，果然貫徹始終咁痴線期待下個故
同埋希望樓主快啲可以將跳海故出書，真係好好睇

有機會可以書展見都得

有嘢帶走就好啦
下個故再見

要啊 而家香港真係需要多啲正能量
下個故再見

跳海故真係要自己一個喺屋企默默流眼淚睇

我都想啊!!!
希望真係可以出得成書
下個故再見啦