“真”高質電器傢俱討論（21）

係咪一定要裝窗台先？

係呀

三菱 GS 新出唔係好耐咋喎，咁快知


BTW, 冷氣 check figure 粗數一百尺一匹。
你真係確定有 350呎？

你窗台有幾高呀？夠高嘅話都可以裝到大機

所以先話個師傅九成水人，可能個師傅將以前定頻果部小精靈當成GS

佢話個冷氣師傅做開學校辦公室冷氣 好少人裝三菱 多人揀日立大金個啲？ 我on9 師傅計完話唔計廁所同廚房 廳加拆一房係大概二百幾呎 咁係咪應該可以照用菱電2匹？ 型號係咪MSY-GS18VF? 做伸手黨唔好意思 唔該晒咁多位巴打

MSZ-GS18VF ＝ 冷暖
MSY-GS18VF＝淨冷
二百幾呎兩匹大機都係緊緊夠，420嘅話就真係好汶水，已經唔計你話係半開廚。只要你唔係怕熱果啲人，一部兩匹420係可以嘅⋯⋯

有冇巴打知道邊度有msz-ln18vf 買

面板唔影響version
都係19 pins

單位實用466 扣除睡房約60呎 剩返就係廳,半開廚,廁 向東 高層 怕熱
全爆裝修 本身就會搭棚 睡房暗喉岀廳花槽 花槽放晒兩部室外機 所以除咗擋景觀外應該冇乜限制
尋晚爬完文揀咗
睡房：3/4匹 MSY GS07VF
廳：2匹MSY GK18VA (肚腩巴話大空間用呢部好啲)

但聽到大家話2匹好勉強，如果2.5匹有咩好選擇？唔會用暖氣所以冇乜興趣揀冷暖 但見大家話冷暖機先靚料 所以有推薦嘅話都唔抗拒

居然係咁
我見佢有分2.0b / 1.4
仲要個面板係兩邊母頭 仲以為有影響

似係啲廠多手寫落去
Schneider legrand果啲唔會寫version

抽濕機用邊部？

三菱 / LG

你個廳加開廚嘅地毯面積真係有350尺咁多？實用面積同實際個面積都可以有啲距離 建議搵尺度一度好
正路4百幾尺實用兩匹應該點都夠掛

兩匹淨冷嘅話GK18是個好東西，兩匹半淨冷就GF24，但留意返兩匹半嘅散熱大部好多，未必出到窗，花槽亦未必放到。
情況許可就兩匹半，不許可就兩匹，但預煮飯時會比較熱，期餘時間都會夠涼，注意涼≠凍。
菱電冷暖機用料同淨冷機差唔多。

實用面積466，打8折＝地毯375，再減走60尺睡房40尺廁所，半開廚加廳＝275，275呎兩匹半就啱啱好。
因為廚房唔係獨立，煮飯時抽油煙機／抽氣扇一開就好大損耗，所以冷氣匹數係要買大少少。

兩匹淨冷嘅話GK18是個好東西，兩匹半淨冷就GF24，但留意返兩匹半嘅散熱大部好多，未必出到窗，花槽亦未必放到。
情況許可就兩匹半，不許可就兩匹，但預煮飯時會比較熱，期餘時間都會夠涼，注意涼≠凍。
菱電冷暖機用料同淨冷機差唔多。

GF24室外機超過80cm應該唔考慮啦
男朋友冇幫手揀但就話花槽放55cm凸晒出嚟好核突 唯有維持 睡房：3/4匹 MSY GS07VF
廳：2匹MSY GK18VA 咁樣係咪都ok?
我見霧峰2匹貴好多，會唔會涼過18VA，值唔值得課金?
另外室外機係咪一定要喺花槽架高散熱？因為係屋苑睇有啲人冇架高，就美觀好多 但係師傅就話會好易壞多謝巴打

霧峰你講gs18 定ln18?

霧峰係一個系列；GS＝420霧峰，LN＝大機霧峰
LN同GK都係大機，以同匹數計LN會用再大一級嘅散熱，散啲尺寸大左所以能源效益都會比GK高，但製冷量兩者近乎一樣，所以買LN係唔會特別涼，但值唔值得課金就好睇你鍾唔鍾意佢個樣同放唔放得落部散熱，以質素黎計佢絕對對得起個價錢。

花槽容易積水濕氣重，亦擋住散熱，唔架高部機＝部機快啲打柴

明白 咁我都係去馬呢兩部
多謝巴打咁幫手

諗緊以下呢3部抽油煙機，開廚（不過爐頭隔離有窗），盡量唔想太頂頭(178cm高)，請問有無意見？

electrolux EFC926SA
900 闊 x 500 深
最大排風量 1140 米3/小時


富士皇 FR-MT1990
900 闊 x 505 深
最大氣流 570米3/小時

Pacific 太平洋 PR-6108-U70S
700 闊 x 350 深
呢部無咁深，可以貼吊櫃裝
消委會有測試都算高分

闊度深度睇你爐頭size喎
部機細隻但抽唔到都無意義
富士皇個系統同另外兩個唔同，唔可以用抽風量來比較