《異瞳者》唔洗呃我，我一眼睇得出你係唔係處女(續)

「我有請一個私家偵探幫我查個毒梟既行蹤，但都係無功而返，過幾日就收到恐嚇信啦。係啦，呢到有佢啲相。」

我從Brain手上接過幾張照片，相中人樣貌平庸，只是個皮膚黝黑的中年壯漢，並沒有甚麼明顯的特徵。除非他在街上拿著兩個沙槌及頂著色彩繽紛的大帽子，否則一定不知道他是個墨西哥人。

「Brain，其實你有無諗過可能係個私家偵探出賣你呢？」

「唔會掛，我都幫襯左佢好多次架啦。」

「但係好地地又點會咁快知你查佢地，又咁快check到你地址？」

「可能佢地都有搵私家偵探查我掛。」看來Brain從沒有我這樣的懷疑。

「都有可能既。不過慎重起見，你都係唔好搵佢住啦，如果佢將你既情報話左比毒蛇知，我而家同你見面都有風險。」我沒好氣地答道。

「咁一係我地用返保密工具傾作戰計劃啦，你仲有無咩特別野想同我講？」

Brain 指的是異瞳會專用的通訊方法，不過只能透過置於家中儀器的運作，不能帶出室外使用。

「其實，我想問點解你會接呢個任務？同埋如果最後太危險，你會寧願保命取消任務，定堅持落去照做？」我問了一個不太相干但我很有興趣知道答案的問題。

Sarah仲有冇戲份

Sarah仲有冇戲份

會出場，但唔多

Sarah仲有冇戲份

會出場，但唔多

仲以為會做左反派添

Sarah仲有冇戲份

會出場，但唔多

仲以為會做左反派添

咁會激死主角架

Brain的答案或多或少會影響我的部署，而且雖然馬爺叮囑我不要把印記的事告訴他，但Brain對死亡的看法也會是我考慮的因素之一。

「點講好呢，我覺得呢樣野係我既興趣，同時係我既職責。錢固然係一個好吸引既報酬，但更加令我著迷既係制裁到一啲法網之外既壞人既瞬間。果一種快感同使命感可能就係我無辦法拒絕呢啲任務既原因。」Brain雙眼發光地說。

「咁你唔怕死架咩？之前你收到恐嚇信唔係好驚架咩？」

他那時候慌張的神情我還歷歷在目。

「我返去諗過啦，原來我跟本唔係怕死，我只係怕我死左之後再無得做呢件咁有意義既死。我殺過咁多人，如果真係要還既話，我點都避唔過。而且，咁樣對我黎講可能已經係最好既死法。」我從他眼裡看到Icy的影子，那是無畏無懼的眼神。

「估唔到你咁鍾意呢份工。」

我更意想不到的是，Brain最擔心的是後繼無人。毒品每分每秒都在危害年青人，但即使法律不能把毒販制裁，私刑又是否合情合理？

前陣子菲律賓狂人總統嚴打販毒集團，很多罪犯都是未審先殺，引來社會極大反響。有人說他們都值得有一個改過的機會，但難道他們改好了，那些年輕人的人生就可以重來了嗎？

對付非常罪犯，有時候需要非常手法。

之後我告別Brain，在商場裡逛了幾圈確保沒人跟蹤，便出發去找荒眼，我決定要問她同樣的問題。

Vision 061 千里之外

終於星期五啦

Vision 061 千里之外

拿著荒眼給我的卡片，我在旺角雅蘭中心的升降機大堂等候著。

「先生呢邊請。」保安員向排在最前的我招手。

有去過雅蘭中心一期八樓的人都知道，那裡是診所及化驗中心的集中地，荒眼就在其中一間醫務所工作。

「葉燕雪牙科診所」外放了兩張摺疊起來的輪椅，推門而進，只見沙發上坐滿了候診的男女老幼，這牙科診所的生意也太好了吧。

「先生，唔知有咩幫到你呢？」櫃台的接待員向我報以甜美的笑容。

「唔該，我想搵燕醫生。」

「呢到得一位醫生咋啵，你搵佢做咩呀？有無預約？」

我回頭一望，心想如果沒有預約的話應該要排至少兩個小時吧。

「無呀，不過我係黎搵佢洗牙既。」我隨便編了個原因，要怪就只能怪荒眼沒有叫我事先預約。

「如果洗牙既話可能要排一排期啵，先生你之前有無黎過，不如我同你登記左先？」

「er..不如唔好搞咁多野住，我打個電話問下燕醫生先。」雖然這位小姐很友善，但我可不想弄那些麻煩的手續。

「先生，又係你呀？燕醫生點講呀？」她很明顯在盡力忍笑，我猜她一早就知道荒眼在忙一定沒空理會我。

「我打唔通佢手提呀。」

「咁要唔要我幫你接入去同佢講幾句呀？」

「唔洗啦，我係到等啦，佢得閒果時話我知啦。」

因為顧客真的很多的緣故，我只能找個牆角好好的站，一站就是一個半小時，那個接待員終於再向我招手了。

「先生，燕醫生而家有個十分鐘break，不如你入去同佢傾兩句先，不過唔好超時呀，你都知有好多人等緊佢睇症架啦？」

我再次回頭，候診室依然是爆滿的狀態，我惟有硬著頭皮的走進去。

然後我又再次被嚇倒了，因為在我眼前沒戴面具的荒眼實在是個大美人，下半邊臉雖然被口罩擋著，但露出的雙眼懾人心神，鼻樑高挺，秀黑的瀏海剛好掩眉，真是年過三十卻風韻猶存。

最可惜的是我還未能一睹荒眼小姐的全貌。

「咦，原來你黎左呀？我唔係約左你四點架咩，而家兩點咋啵？」

人呢

人呢

here

人在

又有個靚女出現~

我看一看手錶，現在的確是兩時左右，但我清楚記得昨天是與她約了這個時間，難道是我說錯了或她聽錯了？

算了，計較這個也於事無補，還是長話短說比較重要。

「我岩岩見完Brain，所以早左啲黎，阻唔阻你做野？」

「其實我應該要五點半先搞掂好曬啲Case，你介唔介意等我放工？如果你趕既話，我地而家半個鐘傾埋都得。」荒眼邊說邊解下弄污了的保護衣。

「咁一係我等埋你啦，我出返去先。」

我欲轉身離去，卻被荒眼叫住。

「Chaos，賞唔賞臉今晚同我食過飯？我請既 。」

「樂意至極。」我把腰彎下來微微躬身。

雖然我是獨生子，但好像自幼便有戀姊情意結，對著比我年長又成熟的女性我總是沒轍，中學時便經常被女教師迷倒以致不能專心上課，以往的女友也全都比我年長一些 。

所以我對這突如其來的約會也是很期待，當然我不會考慮比我大十年以上的女人，但妄想一下總是可以的吧。

人流隨時間慢慢消逝，我也找到了位置坐下，半睡半醒之間閱讀一下文件，終於等到五時半的來臨。

候診大堂只剩下我一人，剛剛那接待員會否誤以為我是燕醫生的追求者？還是這些闖上診所的狂蜂浪蝶已是見慣不怪。

最後一個病人離開診症室，我開始緊張起來，說不定很快就能見到脫下口罩的荒眼了。

「唔好意思，要你等咁耐。」

抬頭一看，果然要比我想像的還要美。

「唔緊要，我岩岩都係到做野。」

「我係閉路電視明明就見到你係到訓晏覺。」荒眼咧嘴笑說。

「比你發現左添。我地去邊到食飯呀？」以笑蔽醜的我急忙轉移話題。

「我向尖沙咀book左間餐廳，六點鐘兩個位，而家過去差唔多啦。」

原來連位置也訂好了，我突然有種吃軟飯的感覺，但我並不抗拒。

又有個靚女出現~

長期有靚女係我身邊

推

又有個靚女出現~

長期有靚女係我身邊

又有個靚女出現~

長期有靚女係我身邊

反映現實

病好再出

巴打take care

巴打take care

可能成日出入醫院所以中左流感

下班時段的車廂擠滿了人，荒眼與我自然靠得很近，為免尷尬我扶著路線圖上的凹槽，讓雙方有更多的談話空間。

「西餐你岩唔岩？」荒眼問道。

「其實我都無啲咩野係唔食。」這不是客套說話，我向來都不會揀飲擇食。

「唔好意思呀要你等咁耐。」

「值得既。」我笑說。

尖沙咀與旺角只是三站之隔，出閘後走路過去餐廳反而剛剛的車程更要耗時，在待應生的安排下，我們終於舒適地坐在一個安靜的角落，荒眼點餐後就是我們商談要事的時間。

「首先我要問清楚你既能力，因為咁先可以制訂出最好既計劃。」

「我仲以為馬爺會同你講添。」

「佢淨係同我講左少少，詳情佢叫我自己黎問你。」

「佢果然仲係咁重視私隱。」

看來荒眼與馬爺應該算是有點舊交情。

她用柔軟的嘴唇親了一口玻璃杯，續道：「你應該知道我主要接既都係護衛工作，其實我既能力係幫人迴避危險狀況。我可以睇到一個人未來會發生既危險狀況，時間越近就睇得越清楚。」

「你既意思係你可以改變未來？」我瞪著雙眼問道。

其實未好番

「以我既認知，未來係唔可以改變既。我睇到既只係眾多可能性既其中一個，而我地可以透過走去其他可能性去避開最危險既未來。」

「係咪姐係好似平行世界咁？」

「你可以咁樣理解。」

「咁要點先可以迴避到個危險？」

「或者我舉個例子啦。如果我見到有個人會係呢個街口八點鐘撞車，我可以叫佢八點鐘之後先向呢到出現。」

「但係，佢唔係呢到撞車唔代表佢唔會係第到撞車架？又或者佢可以晏啲既時候係呢到再撞架？又或者會唔會有人做左佢既替死鬼？」

「等我逐個問題慢慢答你啦。我見到既只係屬於果一個人既危險狀況，所以係唔知會唔會影響到其他人既未來，但如果需要我護衛既人多於一個，我會綜合佢地咁多個人既情況再比最適合既建議。呢個能力當然有佢既優劣之處，優點係可以避過飛來橫禍，但如果係為高風險既人預測，好多時只可以避過最壞既情況，而唔係次次都絲毫無損。如果我見到既未來全部都係dead end，就點都避唔過啦。」

我猜荒眼的意思是，如果要一個士兵在戰場中求存，最好的方法當然是撤退，但這樣便沒有可能完成任務。一定要衝鋒陷陣或是被追殺的人，應該就是她指的高風險吧。

「咁我而家明你點解話未來唔可以改變，同埋點解你可以係千里之外都如常進行任務，但係我仲有一個小小既疑問。」

「請講。」

「唔好介意我咁八掛，其實我想知道你同毒蛇之眼有啲咩既過節。因為，我同佢地其實都有啲私怨未解決。」